Keusahawanan

1. Kopointutunan
VR Ruggiero (1998) pomusarahan nopo nga proses mental
montok monolibamban kobolingkangan om mombontuk
kagaanan momonsoi koputusan montok mogihum sisimbar.
Goos do tutok tulun mamagampot koputusan di bobos
kosudong.
Pinsngilaan kokomoi Logic
Logic nopo nga iso pinsingilaan poinlongkod konsep om
katapatan iso-iso ahal.
Pomusarahan Trialogikal
Tinimungan tulun monuridong buruon om ababayan do
momonsoi iso artifak toi ko koubasanan
Monotos momonsoi komilaan i milo piilangon om
monolibamban kobolingkangan.

2. Inovasi Digital
Inovasi digital di nowonsoi nopo nga kiuhu ‘Minsingilo Boogian
Tinan Miampai One Piece’ i momoguno ponginsamakan
Gamifikasi montok pinsingilaan uhu Boogian Tinan id boros
Kadazandusun.
Tumanud di Norasmahani Hj Nor (2015), proses PdP minog no
do momoguno ponginsamakan interaktif montok popomilo
proses pinsingilaan poinlongkod tangaanak adadi. Mantad dii,
kosudong no kopio o ponginsamakan maya Gamifikasi id
pondidikan do popointangaon id inovasi diti.
Tangaanak nopo baino nga poinsuai-suai mantad generasi di
nakatalib ii no komoyon Gen-Z. Tumanud Posnick-Goodwin
(2010), Gen-Z nopo nga tinimungan di poinlongkod do digital-
native i orohian minsingilo maya kreatif, interaktif om
momusorou id soliwan kutak tumanud kinoingkokoton teknologi.

3. Inovasi Digital
Kobolingkangan
Kobolingkangan diti nokito ku maamaso popoindalan ababayan
PdP ontok praktikum kumoiso ku. Tangaanak popokito rahi di
osiriba kumaa subjek Boros Kadazandusun tu koomungan
ontok subjek diti osiriba kopio id linimput di iaan ku. Tangaanak
diti nogi monoguang do kobolingkangan au kosorou do hogot-
hogot di nokoia tu oolingan diolo kalapas piipiro tadau. Okito
nogi ahal diti maya sisimbar tangaanak id lambaran karaja om
marka panaasan diolo.
1. Tangaanak popokito rahi di osiriba kumaa subjek Boros
Kadazandusun.
2. Tangaanak au kosorou do hogot-hogot di nokoia tu oolingan
diolo kalapas piipiro tadau.

4. Inovasi Digital
Laang Monolibamban Kobolingkangan
Kopoosilan inovasi digital ‘Minsingilo Boogian Tinan Miampai
One Piece’ diti nopo nga popoingkawas do rahi tangaanak sikul
taang tosiriba kumaa subjek Boros Kadazandusun om
popoingkawas tosorou (ingatan) diolo kumaa hogot-hogot
Kadazandusun ii no ngaran boogian tinan tulun om susuai po.
Ponggunoon produk kaanu monguhup tangaanak popopraktik
Teori Konstruktivisme ii no tangaanak monuridong sondii toilaan
maya proses poguhatan di nokoimbulai mantad toilaan sandad
diolo.

5. Inovasi Digital
Kopohompit kaida multisensori toi ko oilaan nogi sabaagi kaida
mogisusuai doria. Ponoriukan mantad The National Institute of
Child Health and Human Development pinopokito do kaida
multisensori nopo nga kaida di bobos kibagas montok
monolibamban kobolingkangan pambalajaran tangaanak (Nur
Syuhada binti Mohamad Abdul Wahab 2016)
Ponginsamakan Gamifikasi di pinopointangan nga lansanon
nogi kaanu poposiliu do situasi PdP di kohiok om kagayat
ginawo tangaanak montok minsingilo ii no fun-learning toi ko
pinsingilaan interaktif.

6. Praktik Pomogunoon Produk