summative

1. Republic of the Philippines
Department of Education
Region VI – Western Visayas
Schools Division of Capiz
District of Maayon
GUINBIALAN INTEGRATED SCHOOL
Guinbialan, Maayon, Capiz
AP 7 (Summative Exam)
I. Panuto: Basahin at unawain ang bawat tanong. Piliin ang titik ng tamang sagot at isulat ito sa iyong sagutang
papel.
1. Alin sa sumusunod na impormasyon ang sumasaklaw sa kahulugan ng kabihasnan?
A. Ito ay tumutukoy sa pagkakaroon ng kumplikadong pamumuhay.
B. Ito ay tumutukoy sa pamumuhay na walang maayos na sistema ng pangangasiwa.
C. Ito ay tumutukoy sa pagkadalubhasa ng mga mamamayan sa isang kulturang kinagisnan o nakasanayan at
pinaunlad ng maraming pangkat ng tao.
D. Ito ay tumutukoy sa pamumuhay na tumutugon sa mga may mataas na antas ng uring Panlipunan.
2. Alin sa sumusunod na mga impormasyon ang naglalarawan na taglay ng Sinaunang kabihasnang Asyano ang
pagkakaroon ng organisadong sistema ng pamahalaan?
A. Pagkakaroon ng paniniwalang polytheistic
B. Natuklasan ang iba’t ibang kagamitan sa pagsasaka
C. Gumawa ang mga artisano ng iba’t ibang palamuti sa katawan
D. Pinamunuan ng pari at hari ang mga lungsod para sa maayos na pangangasiwa
3. Alin sa sumusunod na impormasyon ang HINDI kabilang sa mga katangian ng pagkakaroon ng kabihasnan?
A. May mataas na antas ng kaalaman sa sining at arkitektura
B. Pagkakaroon ng organisadong pamahalaan at uring panlipunan
C. Pagkakaroon ng paniniwalang monotheistic at polytheistic sa mga lungsod
D. May espesyalisasyon sa gawaing pang-ekonomiya at sistema ng pagsulat
4. Aling sistema ang nagpapakita sa mga katangian ng pagkakaroon ng kabihasnan kung saan nakapaloob ang
pagkakaimbento ng maraming uri ng kagamitan sa pagsasaka, iba’t ibang sasakyang pandagat at panlupa para sa
kalakalan?
A. Sistemang Pampolitika C. Sistemang Panrelihiyon
B. Sistemang Panlipunan D. Sistema sa Siyensya at Teknolohiya
5. Kung naranasan ng mga Sinaunang Asyano ang pagkakaroon ng organisado at sentralisadong pamumuno ng mga
pari at hari sa kanilang mga lungsod, alin sa mga sumusunod na katangian ng kabihasnang nakapaloob ang naturang
paglalarawan?
A. May maayos na sistema ng edukasyon
B. May maayos na sistema ng pamahalaan at pangangasiwa

2. C. May maayos na sistema sa ekonomiya at relihiyon
D. May mataas na antas sa sining at teknolohiya
6. Isa sa mga nakagawiang gawin ng mga sinaunang Asyano ay ang pagiging abala sa iba’t ibang gawaing
pangkabuhayan at pang-agrikultura ang pangunahing ikinabubuhay nila dahil sa matabang lambak-ilog. Alin sa mga
katangian ng kabihasnan ang naglalarawan sa naturang sitwasyon?
A. Pagkakaroon ng espesyalisasyon sa gawaing pang-ekonomiya
B. Pagkakaroon ng iba’t ibang uring panlipunan sa mga lungsod
C. Pagkakaroon ng sistema sa larangan ng negosyo at kalakalan
D. Pagkakaroon ng mataas na antas ng kaalaman sa sining at pulitika
7. Ang mataas na antas ng kaalaman ng mga sinaunang Asyano sa larangan ng sining ay isa sa mga katibayang
mayroon silang kabihasnan. Kung ikaw ay isa sa mga Asyanong mag-aaral na may angking galing sa naturang
larangan, alin ang HINDI mo dapat gawin bilang pagpapahalaga sa talentong mayroon ka?
A. Sasali ako sa iba’t ibang paligsahan upang lalong malinang ang aking talento
B. Ibabahagi ko ang talento na mayroon ako
C. Ipagmamayabang ko ang aking angking talento sa kapwa
D. Hihikayatin ko ang mga kapwa ko mag-aaral na gamitin nang buong husay ang talento na mayroon kami
8. Isa sa mga katangian ng kabihasnan ay ang pagkakaroon ng mataas na antas ng kaalaman sa larangan ng siyensiya
at teknolohiya. Paano pinatunayan ng mga sinaunang Asyano ang naturang katangian?
A. Sa pamamagitan ng pakikipag-alyansa sa ibang lungsod estado
B. Sa pamamagitan ng pagsasagawa ng maraming pananaliksik
C. Sa pamamagitan ng paggamit ng iba’t ibang uri ng metal
D. Sa pamamagitan ng pagsasagawa ng iba’t ibang ritwal
9. May malaki bang maitutulong kung taglay ng iyong kinabibilangan lungsodang lahat ng mga katangian ng
kabihasnan?
A. Opo, dahil lahat ng katangian ng pagkakaroon ng kabihasnan ay mahalaga at maaaring maging daan para makamit
ang tunay na kaunlaran ng lungsod.
B. Opo, dahil maaari ring umunlad ang isang lungsod kahit ang pinuno lang ang magaling.
C. Opo, dahil ang pagkakaroon ng mataas na antas sa siyensiya ay sapat na para umunlad ang isang lungsod.
D. Opo, dahil ang lungsod na may mataas na sistema sa larangan ng sining ay maaari nang ituring na isang maunlad
na lungsod.
10.Ang maayos at organisadong pamahalaan ay isa sa mga katangian ng pagkakaroon ng kabihasnan. Kung isa ka sa
magiging lider ng lipunan balang araw, alin ang HINDI mo dapat gawin para maipakita mo na may maayos kang
sistema ng pamamahala?
A. Sisikapin kong makatugon sa iba’t ibang hamon bilang lingkod bayan
B. Isasaalang-alang ko palagi ang interes ng nakararami
C. Sisikapin kong mamuno bilang huwaran at may integridad
D. Uunahin ko ang aking pansariling interes sa lahat ng pagkakataon
II. #KATANGIAN NG PAGKAKAROON NG KABIHASNAN, ALAMIN SISTEMANG KINABIBILANGAN.

3. Panuto: Ang mga katangian ng kabihasnan ay masasalamin sa iba’t ibang sistema. Suriin kung alin sa mga sistemang
nakapaloob ang inilalarawan sa bawat pangungusap. Piliin ang titik ng tamang sagot sa loob ng kahon at isulat
lamang ito sa iyong sagutang papel.
11.Naimbento ng mga sinaunang Asyano ang paggamit ilang simbolo sa pagtatala ng mga mahahalagang datos.
12.Mayroong paniniwalang polytheistic ang mga sinaunang Asyano.
13.Agrikultura ang pangunahing hanapbuhay ng mga sinaunang Asyano at nagkaroon din sila ng espesyalisasyon sa
iba’t ibang gawain.
14.Karaniwan sa mga sinaunang kabihasnan ay napamunuan ng mga pari at nang lumaon ay napalitan ito ng mga
pinunong militar at hari.
15.Ang uri ng gawain ng mga tao sa sinaunang kabihasnan ang batayan sa pagbubuo ng uring panlipunan.
16. Ang lambak-ilog ng Tigris at Euphrates ay kilala sa tawag na “Mesopotamia” nagmula sa wikang Greek na
nangangahulugang______________.
A. sa tabing ilog C. sa paanan ng bundok
B. sa pagitan ng dalawang ilog D. sa pagitan ng dalawang bundok
17. Alin sa mga sumusunod na kabihasnan ang itinuturing na pinakamatanda at pinakaunang kabihasnan sa buong
daigdig?
A. Aztec B. Indus C. Sumer D. Shang
18. Naniniwala sa maraming diyos at diyosa ang mga Sumerian, sa katunayan, may pinaniniwalaan silang apat na
pinakamahalagang diyos na may kontrol ng sandaigdigan. Alin sa mga templo ang nagsisilbing tahanan ng diyos ng
mga Sumerian?
A. Kapilya B. Mosque C. Ziggurat D. Simbahan
19. Ang mga Sumerian ay maraming kontribusyon sa kabihasnang pandaigdig. Isa sa mga pinakamahalagang ambag
nito ay ang sistema ng pagsulat na tinawag na _______________.
A. Calligraphy B. Clay tablet C. Cuneiform D. Pictogram
20. Sinasabi na ang mga Dravidian ang bumuo ng kabihasnang Indus. May dalawang pinakaimportanteng lungsod sa
kabihasnang ito na umaabot sa 40,000 katao ang nanirahan dito, Alin sa mga sumusunod ang may planado at
organisadong lungsod ang matatagpuan sa kabihasnang Indus?
A. Mohenjo-Daro at Harappa C. Yangshao at Longshan
B. Indus at Mergah D. Jericho at Catal Huyuk
21. Sa sistemang panlipunan, masasabing ang kabihasnang Indus ay may hirarkiya ng uring panlipunan. Ayusin ang
mga ito ayon sa pagkakasunod-sunod ng uri ng tao sa kabihasnang ito mula sa pinakamataas na uri hanggang sa
pikamababang uri ng tao dito.
I.paring-hari, eksperto II. Mangangalakal, artisano III. Magsasaka
A. I, II, III B. I, III, II C. II, I, III D. III, II, I
22. Pinaniniwalaan ng mga eksperto na ang mga mangangalakal ang unang gumamit ng sistema ng pagsulat sa
kabihasnang Indus. Alin sa mga sistema ng pagsulat ang ginamit ng kabihasnang ito?
A. Pictogram B. Cuneiform C. Clay tablet d. Calligraphy

4. 23. Alin sa mga lambak-ilog ang pinagusbungan ng kabihasnang Shang?
A. Ganges C. Huang Ho
B. Euphrates D. Tigris
24. May pitong lungsod ng Shang ang nahukay ng mga arkeologo. Bakit sinasabing ang butong orakulo ang
pinakamahalagang ebidensyang nahukay ng mga iskolar sa labi ng kabihasnang Shang?
A. dahil mula ito sa libingan ng mga hari
B. dahil mahal ang halaga ng mga butong ito
C. dahil magagamit din ito sa panghuhula sa kasalukuyan
D. dahil ito ng unang ebidensya ng pagsulat ng China at mahalagang labi upang mabuo ang kasaysayan ng Shang.
25.Sa kabihasnang Shang, Paano naipakita ang paghahati ng lipunan?
A. batay sa laki ng tirahan C. batay sa ganda ng disenyo ng libingan
B. batay sa labi ng tirahan at libingan D. batay sa yaman na nahukay sa libingan
26.ang mga simbolo na ginamit sa mga butong orakulo ang mga unang halimbawa ng karakter na pagsusulat ng mga
Tsino. Ang pagsusulat na ito ay naging importanteng bahagi ng kulturang Tsino at iniangat pa ng isang sining ng
pagsulat na tinawag na _____________.
A. Clay tablet B. Cuneiform C. Calligraphy D. Pictogram
27.Paano naipapakita ng mga sinaunang kabihasnan ang kanilang pagkakatulad?
A. Ang mga sinaunang kabihasnan ay umusbong sa parehong taon
B. Ang mga sinaunang kabihasnan ay umusbong sa mga baybayin
C. Ang mga sinaunang kabihasnan ay umusbong sa mga lambak-ilog
D. Ang mga sinuang kabihasnan ay umusbong sa mga bundok
28.Ang mga sinaunang kabihasnan ay nag-iwan ng ibidensya ng kanilang kahusayan sa iba’t ibang larangan. Kung ang
kabihasnang Sumer ay may decimal system, ang kabihasnang Shang ay may potter’s wheel, ang kabihasnang Indus
naman ay nagpakita ng kahusayan sa larangan ng inhenyeriya sa pamamgitan ng kanilang ____________.
A. chariot B. grid patterned C. kalendaryong lunar D. citadel
29.Umusbong ang mga Kabihasnang Sumer, Indus at Shang sa halos magkakaparehong katangian, MALIBAN sa isa:
A. Heograpikal B. Pulitikal C. Panrelihiyon D. Pagsulat
30.Alin sa sumusunod na pahayag ang nagpapatunay na pinahahalagahan natin sa kasalukuyan ang mga ambag ng
sinaunang kabihasnang Asyano?
A. Sa paglipas ng panahon, ang sinaunang kabihasnan ay patuloy na kinikilala at pinangangalagaan bilang
mahalagang bahagi ng kasaysayan.
B. Sa paglipas ng panahon, nakagagawa sa kasalukuyan ng mga pabahay na may pare-parehong disenyo o plano.
C. Sa paglipas ng panahon, naglaho ang mga kaalaman kasabay ng paglaho ng mga unang kabihasnan.
D. Sa paglipas ng panahon, walang bakas na naiwan ang mga sinaunang kabihasnan.