Empfohlen
Weitere ähnliche Inhalte
Was ist angesagt?
Was ist angesagt? (20)
Ähnlich wie AP8- MODYUL 3 MESOAMERIKA AT AFRIKA.pptx
Ähnlich wie AP8- MODYUL 3 MESOAMERIKA AT AFRIKA.pptx (20)
Mehr von CARLOSRyanCholo
Mehr von CARLOSRyanCholo (19)
AP8- MODYUL 3 MESOAMERIKA AT AFRIKA.pptx
- 1. Araling Panlipunan 8 Kasaysayan ng Daigdig Ikalawang Markahan – Modyul 3: Ang Daigdig sa Klasiko at Transisyonal na Panahon Engr. Virgilio V. Dionisio Memorial High School Poblacion, Pulilan, Bulacan
- 2. Kapag natapos ang modyul na ito,ang mag aaral ay inaasahang nakapaglalahad ng pag-usbong at pagunlad ng mga Klasiko na Lipunan sa Africa, America, at mga Pulo sa Pacific; nakapagsasalaysay ng mga pangyayari sa Klasiko at Transisyunal na Panahon; at nakapagsusuri ng adbokasiya na nagsusulong ng pangangalaga at pagpapahalaga sa mga natatanging kontribusyon ng Klasiko at Transisyunal na Panahon.
- 3. . Mga Kabihasnan sa Mesoamerica Habang umuunlad at nagiging makapangyarihan ang mga Sinaunang Kabihasnan sa Mesopotamia, India, at China, nagsisimula naman ang mgamamamayan sa Mesoamerica na magsaka.
- 4. Ang mga agrikultural na pamayanang ito ay nabuo sa gitna at timog na bahagi ng Mesoamerica, nang lumaon ang mga pamayanang ito ay naging maunlad at makakapangyarihan at nagtatag ng sarili nitong lungsod-estado. Ang mga pamayanang nakilala sa Mesoamerica ay ang Kabihasnang Maya at Aztec at Inca sa Timog America.
- 5. Ang Kabihasnang Maya ay namayani sa Yucatan Peninsula, ito ay lupain sa Timog ng Mexico hanggang Guatemala. Ang Uaxactun, Tikal, El Mirador, at Copan ang mga payamanan na nabuo rito at nakamit ng Kabihasnang Maya ang rurok nito sa pagitan ng 300 CE at 700 CE. Ang Kabihasnang Maya (250 CE – 900 CE)
- 6. Halach Uinic Nangangahulugang “tunay na lalaki” Ang kanilang pinuno na nagpalawig ng mga pamayanang urban na siya ring sentro ng kanilang pagsamba sa mga diyos. Katuwang ng kaparian sa pamumuno.
- 7. Ang pyramid ng Mayan ay kahalintulad ng sa Egypt ang estruktura nito, subalit ang itaas na bahagi nito ay patag. Ipinagawa ang templo upang pagdausan ng mga seremonyang panrelihiyon. Ito ay parangal para kay Kukulcan, ang tinaguriang “God of the Feathered Serpent”.
- 8. Ang mga Mayan ay nangangalakal, kabilang sa mga produkto nito sa pangangalakal ay mais, asin, tapa, pinatuyong isda, pulot-pukyutan, kahoy, at balat ng hayop. Ang pangunahing pananim ng mga Mayan ay mais, patani, kalabasa, abokado, sili, pinya, papaya, at cacao.
- 9. LARANGAN Pamahalaan at Relihiyon PAGLAKAS Tapat ang mga nasasakupan sa pinuno. Siya ay namumuno sa pamahalaan at relihiyon. Napag-isa ang mga mamamayan dahil sa iisang paniniwala. PAGHINA Palagiang nakikipagdigma ang mga pinuno at kaniyang nasasakupan upang makahuli ng mga alipin na iaalay sa kanilang mga diyos. Nagbunga ito ng pagkaubos ng yaman ng mga lungsod- estado.
- 10. LARANGAN Ekonomiya at Kabuhayan PAGLAKAS May mahusay na sistema ng pagtatanim na nagdulot ng sobrang produkto. PAGHINA Pagkawala ng sustansya ng lupa. Ang paglaki ng populasyon ay nagdulot ng suliranin sa suplay ng pagkain.
- 11. LARANGAN •Mga Lungsod- Estado PAGLAKAS Mayaman at maunlad ang mga lungsod- estado ng Maya. PAGHINA Nagdulot ng kaguluhan at kahirapan ang madalas na digmaan sa pagitan ng mga lungsodestado.
- 12. Ang Kabihasnang Aztec (1200 CE – 1521 CE) Ang Kabihasnang Aztec ay umusbong at naging makapangyarihan sa gitnang bahagi ng Mesoamerica. Ang salitang Aztec ay nangangahulugang “isang nagmula sa Aztlan” isang mitikong lugar sa Hilagang Mexico.
- 13. Itinatag ng mga taga Aztec ang pamayanan ng Tenochtitlan noong 1325 sa isang maliit na isla sa gitna ng lawa ng Texcoco. Ang Texcoco ay nasa sentro ng Mexico Valley. Nang lumaon, ang lungsod ay naging mahalagang sentrong pangkalakalan. Ang pangunahing kinabubuhay nila ay pagtatanim dahil sa matabang lupa na mayroon rito.
- 14. Ang pinakamahalagang diyos nila ay si Huitzilopochtli, ang diyos ng araw. Mahalaga rin sina Tlaloc, ang diyos ng ulan at si Quetzalcoatl. . Huitzilopochtli Tlaloc Quetzalcoatl
- 15. Dahil sa masaganang ani at mga produkto, nagkaroon ng pagkakataon ang mga Aztec na makipagkalakalan sa mga kalapit na lugar, ito ang nagbigay daan upang umunlad ang Sibilisayong Aztec. Bumuo ang Aztec ng alyansa sa mga taga lungsod-estado ng Texcoco at Tlacopan at sinakop ang maliliit na pamayanan sa gitnang Mexico.
- 16. Noong ika-15 siglo, ang mga Aztec ay nagsimula ng kampanya sa militar at ekonomiko. Si Tlacaelel, isang tagapayong heneral ay isa sa mga nagbigay-daan sa pagbabago, itinaguyod niya ang pagsamba sa diyos na si Huitzilopochtli. Ang mga lungsod na kanilang nasasakop ay kinailangan magbigay ng buwis o tribute.
- 17. Noong 1519 dumating si Hernando Cortez at mga Espanyol sa Mexico, nagdulot ito ng pagtigil ng pamamayani ng mga Aztec sa Mesoamerica. Ang mga Aztec ay naubos at nagsimulang humina dahil na rin sa epidemya, pang-aalipin, at digmaan. Noong 1521, tuluyang bumagsak ang lungsod ng Tenochtitlan. .
- 18. Ang Kabihasnang Inca (1200 CE – 1521 CE) Nang sumapit ang ika-12 siglo, sa pamumuno ni Manco Capac bumuo ng maliliit na lungsod-estado sa hilagang- kanlurang bahagi ng Lake Titicaca sa matabang lupain ng Lambak ng Cuzco. Ang salitang Inca ay literal na nangangahulugang “imperyo”. Sakop ng kanilang imperyo ng Inca ang ngayong lupain ng Peru, Ecuador, Bolivia, at Argentina.
- 19. Noong 1438, pinatatag ni Cusi Inca Yupagqui o Pachakuti ang lipunang Inca sa pamamagitan ng pagkakaroon ng isang sentralisadong estado. Noong 1471 – 1493 pinalawig ni Topa Yupanqui ang imperyo hanggang hilagang Argentina, bahagi ng Bolivia, at Chile. Napasailalim din sa kaniyang kapangyarihan ang estado ng Chimor o Chimu na pinakamatinding katunggali ng mga Inca sa baybayin ng Peru. Sa ilalim naman ni Huayna Capac, nasakop ng imperyo ang Ecuador
- 20. Noong 1532, dumating si Francisco Pizarro upang sakupin ang Inca. Dahil sa mga tunggalian sa pamumuno at kawalang tiwala sa mga nasakop na teritoryo, unti- unting humina ang Imperyo ng Inca. Isa ring dahilan ang napakalaking sakop ng Imperyo ng Inca na naging malayo mula sa sentrong pangangasiwa sa Cuzco. .
- 21. . Mga Kabihasnan sa Africa Isa sa pinakaunang lunduyan ng kabihasnan sa daigdig ay ang Egypt. Ang Axum ang kasalukuyang Ethiopia sa Silangang Africa ay napatanyag din dahil sa naging sentro ito ng kalakalan. May mga estado rin na umusbong sa lupain ng Sudan kung saan ang yaman nila ay dulot ng kanilang kapangyarihan sa kalakalang tumatawid sa Sahara. Ang kanlurang Africa ay naging tahanan ng mga sinaunang kabihasnan gaya ng imperyo ng Ghana, Mali at Songhai.
- 22. Ang Imperyong Ghana Nagkaroon ng malalaking pamilihan ng iba’t ibang produkto gaya ng ivory, ostrich, feather, ebony, at ginto. Nakapagtatanim dulot ng matabang lupa sa malawak nitong rehiyon. Sagana rin ang kanilang tubig. Isa sa mga mahahalagang salik sa pag- unlad ay ang pakikipagkalakalan nito sa Kanlurang Africa. Bumili rin sila ng mga kagamitang pandigma na yari sa bakal at mga kabayo upang gamitin sa pakikidigma.
- 23. ANG IMPERYONG MALI Ang Imperyong Mali ay nagmula sa estado ng Kangaba. Sinimulan ni Sundiata Keita ang pag-angat ng kapangyarihan at paglakas ng mga Mali. Noong 1240 ang Imperyong Mali ay sumalakay sa imperyo ng Ghana. Patuloy na sumalakay ang mga Mali patungong Senegal River at Gambia River.
- 24. Higit na pinalawak ni Mansa Musa ang teritoryo ng imperyo noong 1312.. Naging kilala din siya sa kanyang pagpapahalaga sa karunungan. Nagpatayo siya ng mga mosque o pook dasalan ng mga Muslim sa mga lungsod ng imperyo. Sa pamumuno niya ay naging sentro ng pananampalataya ang Gao, Timbuktu, at Djenne.
- 25. Ang Imperyong Songhai Noong ika-walong siglo ang mga taga- Songhai ay nakikipagkalakalan na sa mga Berber na taon-taon ay dumarating sa mga ruta ng kalakalan sa Niger River. Noong 1010, tinganggap ni Dia Kossoi, Hari ng Songhai ang relihiyong Islam. Nakipagkalakalan ang Songhai sa Algeria sa pamamagitan ng lungsod ng Gao at ng Timbuktu.
- 26. Noong 1325, ang Imperyong Mali ay sinakop at binihag ang Songhai, subalit hindi ito nagtagal. Noong 1335, umusbong ang isang bagong dinastiya na tinatawag na Sunni, at matagumpay nitong binawi ang Songhai sa mga kamay ng mga Mali.
- 27. Sa ilalim at pamumuno ni Haring Sunni Ali ang Imperyong Songhai ay naging isang malaking imperyo mula 1461 hanggang 1492. Sa kanyang panahon pinalawak niya ang Imperyong Songhai mula sa mga hangganan ng kasalukuyang Nigeria hanggang sa Djenne.
- 28. MGA PULO SA PACIFIC Polynesia, Micronesia at Melanesia
- 29. MICRONESIA Micro-Maliit Nesia Isla POLYNESIA Poly- Marami Nesia Isla MELANESIA Mela- Maitim Nesia Isla
- 30. Ang Polynesia Higit na malaki ang mga pinagsamang lupain nito kompara sa pinagsamang lupain ng Micronesia at Melanesia. Ang mga bumubuo rito ay ang New Zealand, Easter Island, Hawaii, Tuvalu, Wallis at Futuna, Tonga, Tokelau, Samoa, American Samoa, Niue, Cook Islands, French Polynesia, Austral Islands, Society Islands, Tuamotu, Marquesas, at Pitcairn.
- 31. TOHUA Ang sentro ng pamayanan ng Polynesia na kadalasan ay nasa gilid ng mga bundok. Dito nagtatanghal ng mga ritwal at nagdaraos ng mga pagpupulong, nakapaligid rin dito ang mga tirahan ng mga pari at mga banal na estruktura.
- 32. Pagsasaka at pangingisda ang pangunahing pinagkukunan nila ng kabuhayan. Ang mga karaniwang tanim nila ay taro o gabi, yam o ube, breadfruit, saging, tubo at niyog. Sa pangingisda naman sila ay nakakakuha ng tuna, hipon, octopus, at iba pa.
- 33. MANA Banal na kapangyarihan. Ang salitang mana ay literal na nangangahulugang “bisa” o “lakas”. Sa kanilang paniniwala namayroong mga batas na dapat sundin upang hindi mabawasan o mawala ang mana.
- 34. Halimbawa: Bawal pumasok sa isang banal na lugar ang pangkaraniwang tao. Ang sinaunang kababaihan sa Marquesas ay hindi maaaring sumakay sa bangka sapagkat malalapastangan niya ang bangka na may angking mana. Ang mga lalaking naghahanda sa pakikipaglaban o para sa isang mapanganib na gawain ay dapat nakabukod. Bawal silang makihalubilo sa babae at pili lang ang dapat nilang kainin upang hindi mawala ang kanilang mana.
- 35. TAPU Ang tawag sa mga pagbabawal o probisyong ito ay tapu. Ang sino mang may matinding paglabag sa tapu ay gagawaran ng parusang kamatayan.
- 36. Ang Micronesia Ito ay binubuo ng Caroline Islands, Marianas Islands, Marshall Islands, Gilbert Islands (ngayon ay Kiribati), at Nauru. Malapit sa mga lawa o dagat-dagatan matatagpuan ang mga sinaunang pamayanan ng Micronesia. Pagsasaka o pagtatanim ang pangunahing dito gaya ng taro, breadfruit, niyog, at pandan. Mayroon ding kaalaman sa paggawa ng simpleng palayok. Mga bato at shell ang ginagamit bilang paraan ng palitan ng mga taga Palau at Yap. Ang Palau ay gumagamit din ng tinatawag na Stone Money o mga batong ginawang pera. Ang relihiyon ng mga Micronesian ay animismo.
- 37. Ang Melanesia Ito ay binubuo ng New Guinea, Bismarck Archipelago, Papua New Guinea, Solomon Islands, Vanuatu (dating New Hebrides), New Caledonia, at Fiji Islands. Ang pamayanan nito ay pinamumunuan ng mga mandirigma. Ang paraan ng pamimili ng kanilang pamumuno ay nababase sa tagumpay sa digmaan.
- 38. Ang Melanesia Ang pangunahing sinasaka ng mga taga- Melanesia ay taro o gabi, yam o ube, pandan at sago palm na pinagkukunan ng sago. Iba pang pinagkukunan ng kanilang kabuhayan ay pangingisda, pag-aalaga ng baboy, at pangangaso ng marsupial at ibon. Nakikipagkalakalan din sila sa mga karatig pulo at ang karaniwang produkto ng mga taga- Melanesia ay mga palayok, kahoy, yam, baboy, asin, apog, gayundin ang mga gawa nilang bangka.