1. НӘ'МА ПӘТРУСӘ ДӦДА
Пешготьна институте
Пәтрусеф шандиф бь ве нә'ма хwәйә дӧда бәрбьр'и
һ'әму баwәрмәнда дьбә. Мәрәме wийи мәзьн әw бу,
кӧ пешийа һинкьрьна дәрсдаред шаш бьдә гьртьне у
баwәрмәнд жь wе һинкьрьне нәхальфьн, йа кӧ бь дәсте
wан мәрьваф һатийә һинкьрьне, к'ижана бь ч'ә'ве хwә
Иса дитьбун у бь гӧһе хwә готьнед wи бьһистьбун.
Әw бәрк' давежә wан, йед кӧ дьбежьн Мәсиһ вәнагәр'ә
у һинкьрьнед зәwалф һин дькьрьн у р'абун-р'уньштьна
хwәда жи нә р'ева бун. Әw сәрда зедә дькә кӧ
дәрәнгик'әтьна Иса Мәсиһ жь сәбьра Хwәде йә, к'ара
хьлазбунаф р'ӧһ'е инсен ә, чьмки Хwәде нахwазә кӧ т'ӧ
кәс ӧнда бә, ле әw дьхwазә wәки һ'әму жи жь гӧнәкьрьне
вәгәр'ьн (3:9).
Сәрәщәма фькьра нә'ме
Пешготьн (1:1-2)
Гази у бьжартьна Хwәдейә һьндава мәсиһийадаф
(1:3-21)
Дәрсдаред шашә дәрәw (2:1-22)
Һатьна Мәсиһә дӧда (3:1-18)
Сьлавкьрьн
1
1 Жь Шьмһ'ун Пәтрусеф хӧлам у шандийеф Иса Мәсиһ,
1
© 2000 Institute for Bible Translation, Moscow - www.ibt.org.ru - All rights reserved. - For personal use only.

2. 2 ПӘТРУС 1:2–11
Wанр'а, йед кӧ бь р'астийа Хwәде Хьлазкьреф мә
Иса Мәсиһ* әw баwәрийаф хwәйиqимәт стандьн, чаwа мә
станд:
2 Дә бьра к'әрәмф у ә'дьлайи бь wе занәбуна Хwәде у
Хӧданеф мә Иса ль сәр wә зедә бә.
Гази у бьжартьна Хwәде
3 Qәwата хwәдетийа wи һәр тьште кӧ ль жийина
хwәденасийе дьк'әвә п'ешк'ешиф мә кьр, бь wе занәбуна
мәйә һьндава wида, йе кӧ р'умәте у qәнщийер'а гази мә
кьр. 4 Бь ви аwайи әwи созед һәрә мәзьнә qимәт данә
мә, wәки әм бь wан т'әви бьнйат'а хwәдетийе бьн у жь
wе бош-бәталийа кӧ жь дьлһавьжийед дьне пешда те
бьр'әвьн.
5 Һәма бона ве йәке һәр алийава хирәт кьн, сәр
баwәрийа хwәда qәнщийе зедә кьн, сәр qәнщийеда
занәбуне, 6 сәр занәбуне хwәгьртьне, сәр хwәгьртьне
сәбьре, сәр сәбьре хwәденасийе, 7 сәр хwәденасийе һ'ӧба
хушк-бьра у сәр һ'ӧба хушк-бьра һ'ьзкьрьне. 8 Чьмки һәгәр
әв шӧрәтана нава wәда һәнә у зедә дьбьн, һун бекер у
бебәр наминьн нава wе занәбуна wәйә һьндава Хӧдане
мә Иса Мәсиһда. 9 Ле ль щәм к'е әв шӧрәтана т'ӧнәнә, әw
ч'ә'вада һаqас мә'рьм ә, wәки qәт набинә у бир кьрийә кӧ
жь гӧнед хwәйә бәре паqьж буйә.
10 Бона ве йәке хушк-бьрано, һе бькьн кӧ wе гази у
жьбарәбуна хwә т'әстиq кьн. Һун кӧ ве йәке бькьн, т'ӧ
щар нак'әвьн. 11 Бь ви аwайи дәргәһе ль бәр wә вәбә, кӧ
бьк'әвьнә П'адшатийа һ'әта-һ'әтайейә Хӧдан у Хьлазкьре
мә Иса Мәсиһ.
* 1:1 Аһа жи те фә'мкьрьне: «Хwәде у Хьлазкьре мә Иса Мәсиһ».
2

3. 2 ПӘТРУС 1:12–21
12 Бона ве йәке әз һәр гав дьхwазьм кӧ ван тьшта бькьмә
бира wә, чаwа һун заньн у сәр wе р'астийа кӧ гьһиштийә
wә жи һ'имгьрти нә. 13 Әз ве йәке жи р'аст дьбиньм, wәки
һ'әта ви qальбида мә биньмә бира wә. 14 Чьмки заньм кӧ
әзе зутьрәке ви qальби жь хwә бехьм, чаwа кӧ Хӧдане
мә Иса Мәсиһ ә'лами мьн кьрийә. 15 Аwа әзе бькьм, кӧ
пәй чуйина мьнр'а жи, һун һәр гав бькарьбьн ван тьшта
биньнә бира хwә.
Йед кӧ бь ч'ә'ва р'умәта Иса Мәсиһ дитьн
16 Әм нә кӧ пәй ч'ьловискийед һостатийә
бәрхwәдәрхьсти к'әтьбун гава мә дәрһәqа qәwат
у һатьна Хӧдане мә Иса Мәсиһ wәр'а гот, ле мә бь ч'ә'вед
хwә мәзьнайийа диндара wи дит. 17 Әwи жь Бавф Хwәде
р'умәт у һӧрмәт станд, гава жь wе Р'умәта Qәшәнг дәнг
һат у гот: «Әw ә Кӧр'е мьни дәлал, жь к'ижани әз р'ази
мә». 18 Мә хwәха әв дәнг бьһист, гава жь ә'змен һат,
һьнге әм т'әви wи сәре ч'ийайе бӧһӧрти бун.
19 Аwа готьнед п'ехәмбәртийеф жи бона мә һе мак дьбьн.
Qәнщ ә wәки һун дина хwә бьдьнә wан, чьмки әw мина
ч'ьраке нә, кӧ тә'рийеда р'онайе дьдә, һ'әта сьбәһ зәлал бә
у стәйрка бәрбьр'о дьле wәда дәре. 20 Ле пешийе ве йәке
заньбьн кӧ т'ӧ кәс хwәсәрихwә нькарә п'ехәмбәртийед
ньвисаре шьровәкә. 21 Чьмки т'ӧ п'ехәмбәрти бь хwәстьна
дьле мәрьваф нәһатийә дайине, ле мәрьва бь р'ебәрийа
Р'ӧһ'еф Пироз жь Хwәдеда хәбәр данә*.
* 1:21 Нав дәстньвисаред һьнәкада аһа йә: «Ле мәрьвед Хwәдейә
пирозф бь р'ебәрийа Р'ӧһ'е Пироз хәбәр данә».
3

4. 2 ПӘТРУС 2:1–11
Дәрсдаред дәрәw
2
1 П'ехәмбәред дәрәw жи нава щьмә'та Исраелефда
һәбунә, чаwа ль нава wәда жи wе дәрсдаред дәрәw
һәбьн. Әwе һинкьрьнед зәwалф вәдьзьнә нава wә, wи
Хwәйийе кӧ әw к'ьр'ин жи инк'арф кьн у зутьрәке бәлайе
биньнә сәре хwә. 2 Гәләк wе бәр байе бенамусийа wан
к'әвьн, р'уйе wанда wе к'ьфьрийа р'ийа р'астийе бькьн.
3 Wе жь дәст тьмак'арийе бь заре хwәш wә бьхапиньн
бона к'ара хwә. Диwана wане дәрәнги нәбә, бәла wан бәр
шемике йә.
4 Чьмки һ'әйфа Хwәде ль wан мьлйак'әтедф кӧ
гӧнәф кьрьн нәһат, ле әw qәйдкьри авитьнә зьндана
тә'ристанийе, Р'ожа Диwанер'а данә хwәйкьрьне. 5 У
һ'әйфа wи дьнйа пешьн жи нәһат, т'әне һ'әйшт нәфс,
Нӧһеф кӧ р'асти даннасин дькьр, мала wива хьлазф кьр
гава лейиф ани сәр дьнйа нәп'ака. 6 Диwана бажаред
Содомф у Гоморайе жи кьр, әw кьрьн ах-хwәли, wеран
кьр, бона нәп'акед пәй wанр'а дәрсәк һьшт. 7 Лутеф р'аст
жи, кӧ жь беп'әргалийа нәп'акайә бенамуси ащьз бьбу,
хьлаз кьр. 8 Чьмки әwи р'аст, кӧ нава wанда дьма, кьред
беолитийаф wан дьдитьн у дьбьһистьн, һәр р'ож р'ӧһ'е
wийи р'аст хwәда дьшәwьти. 9 Хӧдан кӧ бь ви аwайи
кьр, әw дькарә хwәденаса жи жь щер'ьбандьнаф хьлаз
кә у нәһәqа Р'ожа Диwанер'а хwәй кә, wәки щәзайе
хwә бьстиньн, 10 илаһиф wан, йед кӧ пәй һ'әрамийаф
хwәстьна qальб к'әтьнә, дьжәньнә сәрwертийе.
Әwә бәрзәq у хwәр'ази нә, хоф жи накьн, к'ьфьрийа
йед хwәйир'умәтә жорьн дькьн, 11 ле мьлйак'әт чьqаси
пе qәwат у зорайийа хwә жь ван зедәтьр ьн, диса
ль бәр Хӧдан бь к'ьфьрийа шькийатеф wан накьн.
4

5. 2 ПӘТРУС 2:12–22
12 Әв мәрьвана мина һ'әйwанед безарә-безьман ьн, бь
qафе хwәйә вала тенә р'ебәрикьрьне, кӧ бона неч'ир у
кӧштьне дьне к'әтьнә, к'ьфьрийа wан тьшта дькьн кӧ
ньзаньн әw чь нә, әве жи мина wан һ'әйwана ӧнда
бьн һәр'ьн. 13 Хьрабийа wане ль wан вәгәр'ә. К'ефа дьле
хwәр'а хьрабийа кӧ р'о-нава-р'оже дькьн хwәр'а шабун
һ'әсаб дькьн. Әвана ләк'ә у һ'әрам ьн, т'әви wә дьхwьн-
вәдьхwьн у һьнге нава р'ийед хwәйә дәрәwда к'еф дькьн.
14 Ч'ә'вед wан ль зьнек'арийе йә, жь гӧнәкьрьне т'ер набьн,
баwәрмәндед нәшьдийайи пәй хwә дьбьн, дьле wан т'әне
һини тьмак'арийе буйә. Ньфьр' сәр wан ә! 15 Дәсте хwә жь
р'ийа р'аст кьрьн, хальфинф, р'ийа Бьламеф Бәурда чун,
йе кӧ маше нәһәqийе һ'ьз кьр. 16 Ле ль нәһәqийа wи һатә
һьлатьнеф гава к'әра безарә-безьман бь зьмане мәрьвайе
хәбәр да у пешийа беаqьлийа п'ехәмбәр гьрт.
17 Әв мәрьвед һа канийед ч'ькийайи нә у ә'wред жь
бәр бе ажоти нә. Шәвәр'әша тә'ристанийе бона wан
хwәйкьри йә. 18 Йед һа готьнед п'уч'ә жь хwә мәстьр
дьбежьн, бь тәмед мәрьвайейә хьраб wан дьхапиньн, йед
кӧ чәндәк пешда жь әwед р'ийа хальфида дьчьн, р'әвибун.
19 Әвана йед аһар'а азайийе соз дьдьн, ле хwәха хӧламед
дерьсийе нә, чьмки мәрьв чь тьштида кӧ дьдә дәр, дьбә
хӧламе wе йәке. 20 Һәгәр әwед кӧ пе занәбуна һьндава
Хӧдан у Хьлазкьре мә Иса Мәсиһ щарәкер'а дәсте хwә
жь һ'әрамийед дьне кьрьн, паше диса бьк'әвьнә нава
wан һ'әрамийа, бьдьнә дәр, ахьрийа wане жь йа пешьн
хьрабтьр бә. 21 Wанр'а һе qәнщ бу, кӧ qәт әв р'ийа р'астийе
нас нәкьрана, нә кӧ пәй наскьрьнер'а жь wе т'әмийа
пирозф дагәр'ийана, йа кӧ wанр'а һатә дайине. 22 Әв готьн
р'аст те сәре wан:
5

6. 2 ПӘТРУС 3:1–9
«Сә вәдьгәр'ә сәр вәр'әшандьна хwә»* у
«Бәразе шушти диса хwә һ'әр'ийе вәдьдә».
Созе һатьна Хӧдан
3
1 Дәлално, әва иди нә'ма дӧда йә әз wәр'а дьньвисьм.
Әз бь ван нә'ма дькьм кӧ фькьра wәйә сафи һ'ьшйар
кьм, биньмә бира wә. 2 Дьхwазьм wәки һун готьнед
п'ехәмбәред пироз, кӧ пешда готьбун у wе т'әмийа Хӧдан
у Хьлазкьр, кӧ бь шандийа һатьнә готьне бир биньн.
3 Бәри һәр тьшти ве йәке заньбьн кӧ р'ожед ахьрийеда
мәрьве дәрен, qәрфе хwә хwәденаса бькьн, әwе бь
хwәстьна дьле хwә бьмәшьн 4 у wе бежьн: «К'а әw созе
һатьна wи? Бавед мә ә'мьре Хwәде щи анин чун, ле һәр
тьшт һе жь wәхте ә'фьрандьна дьнйайеда ӧса манә». 5 Йед
аһа кӧ дьфькьрьн, ве йәке давежьнә пьшт гӧһе хwә, кӧ
һе пешда бь хәбәра Хwәде ә'зман һәбун у ә'рд жь нава
аве у бь аве п'әйда бу.* 6 У бь аве жи дьнйа бәре нӧq бу,
ӧнда бу. 7 Ле ә'рд у ә'зманед ньһа жи хут бь wе хәбәре
тенә хwәйкьрьне, кӧ бь агьр ӧнда бьн. Әw бона Р'ожаф
Ахрәте тенә һьштьне, к'ижанеда мәрьвед нәп'ак wе ӧнда
бьн һәр'ьн.
8 Ле бьра әв йәк wәва тә'ри нәминә, дәлално: Щәм
Хӧдан р'ожәк мина һ'әзар сали йә у һ'әзар сал жи
мина р'ожәке йә. 9 Хӧдан созе хwә дәрәнги найехә, чаwа
һьнәк дьфькьрьн. Әw бь думька дьреж ль wә сәбьр дькә,
нахwазә т'ӧ кәс ӧнда бә, ле дьхwазә wәки һ'әму жь
гӧнәкьрьне вәгәр'ьнф.
* 2:22 Готьнед Сьлеман 26:11.
* 3:5 Дәстпебун 1:6-7.
6

7. 2 ПӘТРУС 3:10–18
10 Ле Р'ожа һатьна Хӧдан wе мина дьзәки бе. Һьнге
ә'змане бь qужинийа мәзьн бәтавәбьнф у тьштед бьн п'әр'е
wанда жи wе бьшәwьтьн* wеран бьн, дьнйа у һәр тьштед
wеда жи wе ӧнда бьн** һәр'ьн. 11 Һәгәр әв һәр тьшт wе бь
ви аwайи wеран бьн һәр'ьн, һун гәрәке мәрьвнә чаwа бьн?
Гәрәке һун жийина һ'әлал у хwәденасийеда бьмәшьн,
12 һивийа Р'ожа Хwәде бьн у һатьна wи ләз хьн. Wе р'оже
ә'змане бьшәwьтьн, wеран бьн, агьре жи тьштед бьн п'әр'е
wеда бьһ'әлинә. 13 Ле әм һивийа ә'рдәки ну у ә'зманед ну
нә, ль гора созе wи, к'ижанада р'астийе бьминә.
14 Аwа дәлално, һун кӧ һивийа ван йәка нә, бькьн кӧ
әw wә беләк'ә у беqӧсур ә'дьлайийеда т'әви хwә бьбинә.
15 Сәбьра Хӧдане мә хьлазбунф һ'әсаб кьн, чаwа Паwлосе
бьре мәйи дәлал жи бь wе сәрwахтийаф кӧ жь Хwәде жер'а
һатийә дайине, wәр'а ньвиси. 16 Һ'әму нә'мед хwәда жи
әw бона ван тьшта хәбәр дьдә. Wанда чәнд тьшт һәнә
кӧ зә'мәт тенә фә'мкьрьне, кӧ йед нәзанә бебьнгәһ шаш
шьровәдькьн, ӧса жи ньвисаредф пирозә майин у хwәха
дьбьнә байисе сәре хwә.
17 Аwа дәлално, һе бәреда һун кӧ ве йәке заньн, һаш
жь хwә һәбьн, кӧ нәбә һун бь хальфандьна мәрьвед
беолитийеф жь р'е дәрк'әвьн у жь щийе хwәйи шьдийайи
бьк'әвьн. 18 Ле к'әрәмф у занәбуна Хӧдан у Хьлазкьре мә
Иса Мәсиһда бьгьһижьн. Шькьр жь wир'а, ньһа у һ'әта
һ'әтайе! Аминф.
* 3:10 Ве р'езеда, ӧса жи р'еза 12-да аһа жи те фә'мкьрьне: «Т'опед
ә'змана (һив, р'о, стәйрк у йед майин) бьн п'әр'е wанда жи wе
бьшәwьтьн».
** 3:10 Нав дәстньвисаред һьнәкада аһа йә: «Дьнйа у һәр кьред нава
wеда wе хӧйа бьн» йан «бьшәwьтьн».
7