1. OS NOSOS RÍOS
CEIP RICARDO GASSET DO INCIO
CURSO 2013-14

2. O NOSO ACUARIO
Como inicio para introducir
o noso proxecto sobre os
ríos do concello do Incio
montouse un acuario no
noso cole coa intención de
poder obsevar
directamente un
ecosistema acuático e as
súas principais
características.
Canta expectación!

3. A MONTAXE
Paso a paso entre
todos fómolo
montando.
Primeiro a area do
chan, logo as
prantas e a auga.
Para rematar os
filtros e así
deixámolo reposar
uns días antes de
metelos peixes.

4. NEMO E DOURADO
 Uns días despois chegaron á
escola dous fermosos peixes
para vivir no acuario.
 Foron toda unha sorpresa e
tanto nos gustaron que
decidimos poñerlles nome.
 Para iso fixemos unha
enquisa entre as nenas e
nenos da escola para escoller
os nomes máis votados.
 E así foi como chegamos a
escoller os dous gañadores :
NEMO para o laranxiña e
DOURADO para o amareliño.

5. AUDICIÓNS SEMANAIS
AO CARÓN DO ACUARIO
 O noso acuario é xa parte importante da
nosa historia neste ano de escola, e para
engadirlle máis emoción ao proxecto que
está en marcha a profe de música
propúxonos facer audicións semanais de
temas musicais moi diversos e relacionados
coa auga, os ríos e o mar ao carón do noso
acuario mentres observamos a Nemo e
Dourado nadar no noso fermoso acuario.
 Así tódolos venres ao entrar do recreo nos
sentamos a escoitar un tema moi caladiños
e coas orellas ben atentas, é un momento
especial, relaxado e íntimo que a todos nos
engaiola.
 Estas audicións están dispoñibles no noso
blog dende os luns de cada semana a
disposición de todos os que queiran ir
escoitando e lendo a información que sobre
o autor deste está publicada.
 Esta profe de música ten unhas ideas
xeniais. Estamos encantados!.

6. PEIXES NO CHAN
 Para disfrutar mellor das audicións
decidimos facelo viaxando en motivos
mariños, e así foi como nos entregamos á
tarefa de diseñar e crear estes peixes nos
que cada venres nos sentamos a disfrutar
da música acuática que nos propón a
nosa profe.
 Foi tamén unha experiencia moi
productiva na que houbo que debatir
sobre a forma e o diseño que máis nos
gustaban para os peixes, medir para
atopar o tamaño axeitado para que todos
puidesemos entrar dentro xuntos, calcular
canta cinta necesitabamos, escoller as
cores…. Levounos aínda ben tempo pero
os resultados foron moi merecedores
deste esforzo.

7. O DÍA DE ROSALÍA
 Con motivo do día de Rosalía
fixemos tamén unha pequena
homenaxe a esta autora
recitando ao carón de Nemo e
Dourado parte do seu poema:
“ Adeus ríos, adeus fontes,
adeus regatos pequenos…
Nesta actividade participamos
todos as nena/os do cole que
quixemos e foi ben divertido…

8. O LIBRO DA AUGA
 Este fermoso traballo de
investigación que fixeron as
nenas/os de 1º, 2º e 3º e que
logo tiveron a xenerosidade
de compartir con todos os do
cole, levounos a coñecer o
ciclo da auga e os seus
estados, os seus usos,
contos…

9. O LIBRO DO RÍO CABE
 Neste traballo que se fixo na
aula puidemos investigar
sobre distintos aspectos do
noso río.
 Nun mapa localizamos onde
está a fonte na que nace e o
Val do Incio a onde fomos de
excursión para ver o río.
 Recollemos os usos que se
fan da auga do río Cabe e
unhas cantas cousas máis.

10. SAÍDA AO RÍO CABE
 Recollemos os usos que se
fan da auga do río Cabe
como regadío dos prados.
 Para o que se construiron
hai xa moitos anos estas
fermosas calzadas que
encauzan a auga do río cara
as presas que regan os
prados.

11. MOER NO RÍO CABE
 Úsase tamén a auga do río
para mover as pedras do
muíño de Saa , que nos
permiten sacar unha rica
fariña dos grans de trigo,
centeo ou millo que as
xentes do lugar traen a este
muiño centenario. Aínda que
isto se faga cada vez menos
xa.

12. O MUIÑO

13. PESCAR NO RÍO CABE
 Usamos o río para pescar
unhas riquísimas troitas,
unhas troitas de pintas
vermellas e sabrosa carne
que din que tan boas coma
estas non as hai noutro
lugar.
 E os avós nos contan que
tamén houbo noutro tempo
unhas deliciosas anguías
que hoxe xa son ben difíciles
de atopar.

14. CANTA AUGA!

15. A FONTE E A ESTACIÓN
DE BOMBEO DE AUGA
 En Cabo de río hay unha fonte de
auga limpa e fresquiña que nos dá
auga para todos, e alí está a
estación de bombeo que nos manda
a auga cara a Cruz do Incio.
 Esta estación de bombeo suministra
a auga que consumimos nas casas
para gran parte do noso concello así
como tamén é a auga que
consumimos no noso cole e outros
lugares.
 Vimos a fonte onde nace e e as
bombas que a bombean e os
tanques que a purifican grazas á
colaboración do encargado desta
estación, Pepe do Sancho.

16. RELAXARSE, NADAR E
XOGAR…
 Para desfrutar e relaxarse na
area recreativa de Cabo de
Río tal e como nós fixemos.
 Pois alí aproveitamos para
xantar, facer obradoiros de
pintura e elaboración de
xoguetes con material de
reciclaxe cos envoltorios dos
bocatas, xogamos a facer
saltar a pedra na auga,
cantamos e bailamos…

17. XANTAR E XOGOS

18. QUÉN VIVE NO RÍO CABE
 Investigamos tamén cales
son os seres que viven no
entorno do río e a nosa
sorpresa foi ben grande
cando vimos a cantidade de
seres que aquí moran :
Ras, lontras, aguaneiros,
píntegas, lavandeiras, merlos
rieiros, cobras sapeiras, arañas
pescadoras…

19. POLA BEIRA DO RÍO…
 E ademais coa axuda das
nosas familias puidemos
coñecer fermosas poesías,
adiviñas e cancións que nos
animamos a aprender e que
incluso cantamos, grabamos
e logo colgamos no noso
blog.
 Guau que divertido foi todo
iso…

20. NOVOS AMIGOS PARA NEMO E DOURADO
 O 11 de abril celebramos
unha festa de convivencia no
noso cole coas nenas e
nenos do cole de Oural e os
seus profes.
 E como eles saben que nos
gustan moito os peixes,
tivemos a sorte de que nos
agasallaron cuns amiguiños
para Nemo e Dourado.
 Guau que sorpresa máis
chula!. Agora xa son un
montón.

21. REMATADO O PROXECTO
SO NOS QUEDA DICIR:
FERMOSA EXPERIENCIA!
ADEMAIS QUEDAN CON NÓS NEMO, DOURADO E OS SEUS AMIGOS
QUE NOS ACOMPAÑARÁN TODO O CURSO.