Beginners Guide to TikTok for Search - Rachel Pearson - We are Tilt __ Bright...
Retirada do cueiro
1. As Neves - A Capela
15613 - A Coruña
Tlfno e fax: 981 459022
C.E.I.P. "Mosteiro de Caaveiro" E-Mail: ceip.mosteiro.caaveiro@edu.xunta.es
RETIRADA DO CUEIRO
SINAIS QUE NOS INDICAN QUE O NENO ESTÁ PREPARADO
Algúns dos sinais que nos indican que está listo:
• Incomódalle ter o cueiro sucio e pide que o cambiemos. Chega un
momento que ata avisa mentres está facendo.
• No cole, se ten o cueiro sucio deixa de facer a actividade que está
facendo e afástase un pouco do resto dos nenos.
• Xa sabe expresar claramente as súas necesidades.
• Sabe para que se usa o WC.
• Pode baixar e subir os pantalóns.
--------------------------------------------------------------------------------
CONSELLOS PARA A RETIRADA
Cando vexamos que está preparado, que sabe usar só o ouriñal ou o wc e que
é capaz de subir e baixar os pantalóns só podemos seguir certas rutinas
para axudarlle a facer máis levadeiro o proceso de deixar os cueiros.
• Comeza por quitarlle o cueiro por unhas horas, por exemplo polas
tardes, cando estea tranquilo na casa e sempre co ouriñal a man. Se é
necesario, plántalo no medio do salón.
• Para que se habitúe ao uso do ouriñal ou do wc (nisto tamén debemos
darlle a opción a que use o que prefira), acompañémolo. Un conto pode
ser unha boa idea para que o neno aprenda a quedar sentado e
esperar a que o pis saia. Moitos sentan por un segundo e como non sae
nada, póñense de pé deseguida e vanse. É importante que adquiran o
hábito de sentar e esperar a que o pis saia.
• Apenas esperte lévao a facer pis e así a cada hora ata que vexas que
el só logra avisarte. O avisar é un gran avance pois indica que
conseguiu identificar a sensación de que ten ganas de facer pis ou
caca.
POLA MAÑÁ
• Ao espertar o neno pola mañá, suxerirlle sentar no ouriñal ou wc sen
forzalo e porlle a roupa interior antes de ir almorzar.
• Despois do almorzo e a intervalos dunha hora invitalo ao baño para
que sente no ouriñal e lerlle un conto que lle guste moito, con
historias e ilustracións rechamantes. A idea é lograr que o neno
quede un intre tranquilo sentado no ouriñal. Se fai pipí eloxialo,
deixar que el mesmo tire da cisterna e axudalo a lavar as mans e
subir a roupa interior.
2. As Neves - A Capela
15613 - A Coruña
Tlfno e fax: 981 459022
C.E.I.P. "Mosteiro de Caaveiro" E-Mail: ceip.mosteiro.caaveiro@edu.xunta.es
A idea é ir creando o hábito e unha vez que o adquira, manifestará o seu
desexo de ir ao baño. Hai que ser concientes de que pode haber
contratempos e non hai que darlles importancia, máis ben hai que restarlla
para que o neno se sinta seguro.
DURANTE O DÍA
• Tampouco o angusties con ir ao wáter a cada intre porque acabará
véndoo como algo negativo. Dálle liberdade para que decida cando
quere ir.
• Facilítalle a tarefa todo o posible. Colócalle roupa cómoda de quitar e
pór, ponlle un banquiño para que poida subirse ao wáter só e usa un
adaptador para a tapa do inodoro para que se sinta máis seguro.
• Ten en conta que se lle escapará o pis unhas cantas veces, sobre todo
cando estea distraído comendo ou xogando. Nunca lle regañes.
• Se ves que o pequeno non avanza co pasar dos días e molla sempre a
roupa é que se cadra non estaba preparado para deixar os cueiros
nese momento. Poida que nos equivocamos ao retiralo antes de tempo.
Non teñas medo de volver atrás e colocarlle novamente os cueiros. O
neno usaraos ata que senta seguro de deixalos.
• Recorre a estímulos positivos como comprarlle unhas braguiñas ou uns
calzóns novos que lle faga ilusión estrear
POLA NOITE
Que podemos facer durante a noite? Non hai nada que ensinarlle, tampouco
serve levantalo ao baño na noite, pois é cuestión de que a súa vexiga estea
madura e se peche soa, e isto sucede aos catro e cinco anos.
USO DO WATER
1. Algúns nenos séntense inseguros ao subirse ao water. É conveniente
contar cun ouriñal que o neno poida usar sen axuda, e deixalo no baño uns
días para que se afaga a velo.
2. Durante unha semana, aproximadamente, pedirlle que sente vestido. Non
é conveniente quitarlle os cueiros aínda, é mellor acompañalo durante un
anaco, lerlle un conto, cantarlle unha canción. Facer isto todos os días
calculando que sexa á hora no que el adoita ensuciar os cueiros.
3. As Neves - A Capela
15613 - A Coruña
Tlfno e fax: 981 459022
C.E.I.P. "Mosteiro de Caaveiro" E-Mail: ceip.mosteiro.caaveiro@edu.xunta.es
3. Tamén podemos levalo ao baño co cueiro sucio e mostrarlle como o
baleiramos no wc. Explicarlle que aí é onde os nenos grandes van ao baño.
4. NUNCA hai que tirar da cisterna cando o neno estea sentado nel. A
cisterna fai desaparecer as cousas e iso daralle medo.
5. A seguinte semana hai que facer o mesmo sen cueiros.
6. Despois, deixemos ao neno en completa liberdade de ir ao baño no
momento que queira. Cando o logre podemos eloxialo sen demasiada
importancia.
7. É recomendable preguntarlle máis ou menos cada hora se quere ir ao
baño, pero sin presionalo.
8. Se o neno non desexa facelo ou se preocupa entón podemos volver ao
cueiro sen facerlle sentir que é un castigo, simplemente dicirlle "imos tratar
outro día, non temos présa" deixar pasar un tempo antes de volver intentalo.
9. Cando lle estemos ensinando é recomendable non facer plans para saír á
rúa, o neno ten que estar nun lugar estable e no que se sinta seguro para
poder formarse o hábito.