1. Dende o Proxecto Historia da Escola en Galicia de educaBarrié
convocamos o I Concurso de Historia da Escola en Galicia:
“A escola dos
meus avós”
patrimonio e CULtUra
A convocatoria declárase aberta a partir do día 2 de novembro do 2012,
DÍA DO ENSINO, e cérrase o 1 de abril do 2013 coincidindo co DÍA MUNDIAL
DA EDUCACIÓN.
DIRIXIDO A: Centros de Primaria, ESO, Bacharelato e Ciclos formativos de
Galicia, así como a estudantes universitarios, en especial os de Ciencias
da Educación e estudantes do Máster de Formación do Profesorado.
2. PATRIMONIO e CULTURA
“A escola dos meus avós”
Dende o Proxecto Historia da Escola en Galicia de educaBarrié
convocamos o I Concurso de Historia da Escola en Galicia: “A escola
dos meus avós”
Bases do Concurso
1. O TEMA
Trátase de elaborar unha entrevista a un familiar ou coñecido, que na actualidade teña 65 anos ou
máis, sobre a súa vida escolar (non universitaria).
Deben indicarse aspectos como o nome do centro, se aínda existe, onde foi a clase, que materias
tiña, cal era o horario, como eran as normas da aula, se tivo algún compañeiro que sobresaíu nalgunha
actividade con posterioridade, cales eran os seus profesores, que lembranzas ten deles, se ademais de
impartir clase realizaban algunha outra actividade cultural (escribiron libros, participaban en revistas, etc)
ou tiñan outro traballo, que bos e malos recordos ten do colexio...
O entrevistado pode ser tanto un alumno como un docente, achegando este último información verbo
da súa experiencia como mestre e profesor.
En resumo, unha entrevista enfocada do punto de vista da traxectoria vital do antigo estudante
entrevistado.
A entrevista deberá presentarse en formato de reportaxe xornalística escrita ou en formato multimedia.
En ambos os casos, a reportaxe haberá de acompañarse de material gráfico: fotografía dos centros
docentes nos cales a persoa entrevistada foi alumno, algunha foto dos grupos escolares da época, capas
dos libros ou imaxes de materiais pedagóxicos (laboratorios escolares, xogos, ábacos, etc) que se usasen,
e outros elementos gráficos que enriquezan a entrevista.
Cada fotografía ha de vir referenciada cos datos que permitan situala no tempo e no espazo ademais
de indicar a súa procedencia.
En todos os casos débese acompañar dun breve perfil do entrevistado/a.
2. QUEN PODERÁ PARTICIPAR E COMO?
A convocatoria diríxese a todos os centros de Primaria, ESO, Bacharelato e Ciclos formativos de Galicia,
así como a estudantes universitarios, en especial os de Ciencias da Educación e estudantes do Máster de
Formación do Profesorado, que o poden utilizar como proxecto do máster.
3. O concurso está dividido en dúas categorías:
PATRIMONIO e CULTURA
Categoría A: Nenos e nenas de 8 a 13 anos de centros de primaria galegos.
Categoría B: Mozos e mozas de 14 a 18 anos de centros de secundaria, bacharelato e ciclos formativos
de Galicia.
Categoría C: Estudantes de Ciencias da Educación e estudantes do Máster de Formación do
Profesorado.
Os traballos presentaranse en equipos dun máximo de cinco membros e un mínimo de dous. Un
mesmo centro pode presentar cantos equipos desexe de cada clase.
En todos os casos, un ou unha docente farase responsable da coordinación do traballo e aparecerá
como coordinador do proxecto.
Hay dúas modalidades de participación:
MODALIDADE1: Reportaxe xornalística: A entrevista enviarase en formato doc, pdf ou odt, coa
estrutura dunha entrevista de xornal e non debe pasar dos tres folios escritos utilizando a fonte Verdana
tamaño 12. Débense incluír polo menos dúas imaxes orixinais.
MODALIDADE 2: Reportaxe Multimedia: A entrevista estará gravada en formato avi, mp4, mp3 ou
movi ou como arquivo sonoro acompañando a unha presentación de imaxes e textos. A duración do vídeo
non debe superar os 15 minutos e a presentación non pode exceder as 25 diapositivas.
A inscrición pode realizarse dende www.educabarrie/proyecto/a-escola-dos-meus-avos unha vez se
deu de alta como usuario ou responsable do envío.
3. MATERIAL DE SOPORTE PARA O PROFESORADO
Para facilitar o traballo docente, incorporamos algunhas referencias que poden orientar.
Unidade didáctica “A escola dos meus avós I e II” de José Manuel Domínguez.
Pautas para unha boa entrevista en prensa. Recursos CNICE Media.
Exemplos de boas entrevistas:
http://www.educabarrie.org/multimedia#/home/destacados?i=2867
4. REQUISITOS DE PARTICIPACIÓN
A entrevista enviarase ao apartado Concursos LINK acompañado de:
Formulario cuberto cos datos.
En todos os traballos deben citarse as fontes e no caso de presentar imaxes ou gravacións de
persoas acompañarase dunha autorización para poder compartir as imaxes. (Anexo II).
Os traballos poderán enviarse en español ou galego, indistintamente.
5. PRAZOS
A convocatoria declárase aberta a partir do día 2 de novembro do 2012, Día do Ensino e cérrase o 1 de
abril do 2013 coincidindo co Día Mundial da Educación.
Os premios entregaranse na última semana do curso escolar.
4. PATRIMONIO e CULTURA
6. PREMIOS
Premio Modalidade 1: Unha tablet para cada un dos participantes e un ebook para o profesor/a.
Premio Modalidade 2: Unha tablet para cada un dos participantes e un ebook para o profesor/a.
En ambas modalidades enviarase un lote de libros á biblioteca do centro.
Composición do Xurado
o Xurado estará integrado por:
Notas Xerais
Os traballos presentados polos candidatos poderán ser utilizados para a súa publicación, exposición
ou outros fins que se consideren convenientes, polo seu interese cultural.
Os traballos pasarán a ser propiedade da organización e non serán devoltos aos autores.
Protección de datos
Os datos persoais dos participantes no Concurso, os dos seus profesores e os dos pais ou titores legais que autorizan
a súa participación, serán incluídos nos ficheiros que a Fundación Barrié ten debidamente inscritos na Axencia de
Protección de Datos e que cumpren todos os requisitos da Lei Orgánica 15/1999 e do Real Decreto 1720/2007 que a
desenvolve.
Todos os datos solicitados aos participantes e aos seus profesores son necesarios para a súa inclusión no concurso
e serán destinados á xestión e organización deste.
O nome e a imaxe dos concursantes e dos seus profesores, así como o nome dos centros aos que pertencen, poderán
ser obxecto de comunicación pública nas actuacións presentes ou futuras que poida levar a cabo a Fundación Barrié
sempre que dita comunicación pública estea relacionada coa súa participación no concurso. Quedan recoñecidos,
non obstante, os dereitos de acceso, rectificación, cancelación e oposición, que poderán ser exercidos, logo da
acreditación da personalidade ou da representación, na dirección Cantón Grande, 9 – 15003 (A Coruña).