Carreiras Solidarias Pobo Saharaui

1. SOLIDARIEDADE GALEGA
CO POBO SAHARAUI
Nº rexistro: 2004/007037/1 (SC)
C.I.F.: G-15924558
En Vigo, a 06 de Febreiro de 2018
Avda. Alcalde Gregorio Espino, 57 baixo (36205) Vigo - Tel./Fax: 986262637 - E-mail: info@sogaps.org – Web: www.sogaps.org
Facebook: https://www.facebook.com/sogaps.galicia/ - Instagram: sogaps.oficial – Twitter: @sogaps_oficial
Estimado/a Sr/a Director/a do Centro Educativo e Claustro do Profesorado
A ONG Solidariedade Galega co Pobo Saharaui (SOGAPS), leva moitos anos realizando o Programa Humanitario
"Vacacións en Paz". Como saben, o programa consiste en traer dos Campamentos de Refuxiados Saharauis (no
deserto de Tinduf en Arxelia), ao maior número de nenos e nenas, para evitarlles as altísimas temperaturas dos
meses de xullo e agosto. Coa solidariedade das familias acolledoras galegas conviven, aliméntanse e procúraselles a
atención médica da que nos campamentos carecen case por completo.
No programa colaboran, ademáis das familias de acollida, algúns concellos. Máis resulta insuficiente a axuda. Cada
ano estamos máis escasos de recursos económicos para costear a viaxe desdes cativos refuxiados. Por tal razón
comezamos unha campaña solidaria nas escolas. Que os nosos nenos e nenas tomen conciencia con sentido
educativo e de cooperación. Polo que ofertamos charlas con Saharauis e cooperantes sobre o problema dos
refuxiados no Sahara Occidental, un pobo abandonado que hoxe é a última colonia de África. Pero ademáis
propoñemos unha actividade lúdico deportiva que de xeito libre e totalmente voluntariado axude a colaborar
economicamente co programa "Vacacións en Paz".
A actividade que propomos consiste en que cada centro celebre unha carreira solidaria. As carreiras solidarias
axudan coa colaboración de moitos aportando pouco pouco. Cada neno ou nena leva un carnet de patrocinadores, os
cales buscará entre familiares e veciñas/os. Logo, nun circuito preparado pola profesora ou profesor de educación
física, realízase unha carreira non competitiva, senón participativa. Os titores colaboran contando as voltas ao circuito
e anotando as de cada alumno/a as para multiplicar pola aportación de cada patrocinador/a. Isto supón a
participación de todo o centro, e coas aportacións, cada neno/a sabe que van poder traer dos campamentos de
refuxiados a máis cativos/as coma eles para convivir no verán coas familias acolledoras. Pola nosa aparte, a ONG
dará conta do donativo recibido do Centro para recoñecemento da comunicadade educativa, e o que supón o seu
esforzo por sacar aos nenos e neas Saharauis do deserto durante o durísimo verán dos campamentos.
Presentámoslle un caderno onde se explica o proceso das carreiras, e contamos coa súa colaboración e participación
nesta carreira solidaria a celebrar o día que vostedes nos teñan a ben indicar. Estamos á disposición do Centro para
explicar o problema do Sahara Occidental, o proceso das carreiras solidarias, e o programa Vacacións en Paz, cando
vostedes nos indique.
Agardamos a súa chamada e conte con toda a nosa gratitude e colaboración.