Plan de igualdade pedrafita 2020

E
CPIUXIONOVONEIRA(PedrafitadoCebreiro)
2019
PLANDEIGUALDADEDECENTRO
Elaborado seguindo a Instrución do 6 de setembro de 2019, da
Dirección Xeral de Educación, Formación Profesional e
Innovación Educativa, para a elaboración de plans de igualdade
no curso 2019/2020, nos centros docentes sostidos con fondos
públicos de niveis non universitarios da Consellería de
Educación, Universidade e Formación Profesional
CPI UXIO NOVONEIRA
Estrada de Cervantes s/n 27670 Pedrafita
do Cebreiro
982 870633
982870634

C.P.I. UXÍO NOVONEIRA
Estrada Cervantes s/n
27670 Pedrafita do Cebreiro (Lugo)
℡ 982870633// 982 870634
cpi.uxio.novoneira@edu.xunta.es
http://edu.xunta.gal/centros/cpiuxionovoneira
1. Introdución…………..…………………………….……………………………2
2. Contextualización normativa e do centro……………………………………4
3. Análise da situación do centro en relación coa igualdade de xénero, coa
violencia de xénero e coa LGBTIfobia………………………………………8
4. Obxectivos coeducativos que se abordan no plan:
4.1. Promoción da igualdade de oportunidades entre mulleres e
homes………………………………………………………………………….10
4.2. Prevención, detección e intervención en casos de violencia de
xénero…………………………………………………………………………11
4.3. Promoción do respecto pola diversidade afectivo-sexual……….….12
4.4. Prevención, detección e intervención en casos de LGBTIfobia……12
5. Medidas concretas de actuación nos seguintes ámbitos:
5.1. Organización do centro………………………………………………...13
5.2. Eliminación dos estereotipos de xénero na transmisión dos valores e
dos saberes………………………………………………………………..….14
5.3. Xestión dos espazos, dos recursos e as oportunidades de
realización vocacional de xeito inclusivo…………………………………..14
5.4. Inclusión dos valores coeducativos na xestión da convivencia
escolar…………………………………………………………………………15
6. Seguimento e avaliación……………………………………………………16

℡ 982870633// 982 870634
1. Introdución e contextualización do centro.
O CPI Uxío Novoneira emprazado na zona da montaña sur da provincia
de Lugo, a 65 km da capital, no centro da vila de Pedrafita do Cebreiro. O
alumnado que acolle o centro englóbase, na súa totalidade, dentro dun nivel
cultural e socioeconómico medio-baixo e emprega de forma casi exclusiva a
lingua galega nas súas interaccións diarias
Actualmente impártense no Centro as ensinanzas correspondentes á
Educación Infantil, Primaria e Secundaria Obrigatoria, cun total de 32
alumnos/as distribuídos do seguinte xeito:
 Educación Infantil: 12 alumnos/as.
 Educación Primaria: 12 alumnos/as.
 Educación Secundaria Obrigatoria: 8 alumnos/as.
E o Claustro de profesores está composto por 15 profesores repartidos
entre as distintas etapas educativas.
A igualdade garante o respecto aos dereitos fundamentais de todos e todas e
contribúe a unha sociedade máis xusta, tendo o sistema educativo un papel
moi importante no asentamento deste principio desde os primeiros niveis de
escolarización. Pero non é igualitario tratar do mesmo modo a quen son
diferentes, nin obviar as diferenzas aplicando modelos. Con todo, ter o mesmo
valor non implica que teñan a mesma identidade nin que sexan uniformes, a
igualdade admite diferenzas, pero non desigualdades.
Dende o curso 2013-14 hai nomeada unha persoa no seo do Consello
Escolar responsable da materia de Igualdade. Ata o presente curso foi a Xefa
de Estudos e actual Directora, pero no curso 2020-21 haberá que nomear unha
nova persoa por concurso de traslados.
• Non hai un protocolo de intervención específico para abordar condutas
contrarias á convivencia por razón de xénero. Pero si está entre os
obxectivos do Proxecto Educativo a “Formar cidadanas e cidadáns

℡ 982870633// 982 870634
comprometidos coa igualdade de oportunidades de homes e mulleres,
activos na loita contra a desigualdade por razóns de xénero que permanece
en moitos ámbitos” e entre os valores e principios do centro está a igualdade
de xénero “como piar fundamental da convivencia e da xustiza social.
Fomentarase a implicación de todos os membros dos diferentes sectores da
comunidade educativa na loita activa contra a desigualdade e a violencia de
xénero” e a coeducación para traballar “pola eliminación de calquera tipo de
discriminación por razón de xénero e pola superación dos estereotipos e
roles tradicionais asociados a cada sexo”. Nos últimos 2 anos hai un forte
compromiso do centro en materia de igualdade que se estructurou en torno
aos Plans Proxecta de Igualdade (Donas de si, 365 días de igualdade, etc.)
e o PFPP do Centro centrado na mellora da convivencia e que se
implementou a través das titorías coordinadas dende o Departamento de
Orientación. Sen esquecer a celebración das datas conmemorativas como o
25 de Novembro ou o 8 de Marzo que ademáis de traballarse por titorías
tamén se fará unha actividade conxunta de todo o centro que proporcione
unha maior visibilidade a estas datas.
- En canto ao Protocolo de Identidade de Centro dende o curso 2018-19
realizánronse diversas actividades de sensiblización do alumnado por exemplo,
en relación con datas conmemorativas como o Día Mundial da Diversidade
Sexual, obradoiros en colaboración con fundacións que traballan en torno á
diversidade sexual como é ARELAS, etc. Ademáis no curso 19-20 inclúese a
formación do profesorado en relación coa diversidade sexual e a identidade de
xénero dentro do PFPP do centro. Tamén se adquiriu dende o ano 2019
material bibliográfico que reflicta esta diversidade
- Dentro da PXA a coeducación e a inclusión ocupan un dos principais obxectivos
do centro. Na PXA do presente curso 19-20 recóllese como obxectivo “Traballar
na consecución dun bo clima de convivencia do centro no marco dunha escola
COEDUCATIVA e conseguir a INCLUSIÓN de todos os membros da
comunidade escolar sen ningún tipo de discriminación, traballando
especialmente na eliminación de roles tradicionais de xénero, moi acentuados

℡ 982870633// 982 870634
neste tipo de contextos e na eliminación de prexuízos cara outras culturas como
é a árabe, coa que está tendo os primeiros contactos trala chegada de
alumnado procedente de Marrocos”.
- Dende o Departamento de Orientación, no marco do Plan de Acción Titorial e
do Plan de Habilidades Sociais, promoveranse cada curso actividades
encamiñadas a conseguir unha educación afectivo-sexual libre de estereotipos
colaborando coa Cruz Vermella ou outras entidades e coordinando ás diferentes
titorías e intentando promover sempre unha orientación profesional e laboral
libre de estereotipos de xénero proporcionando referentes de ambos sexos a
nenos e nenas dende as primeiras idades.
- Todas as actividades relacionadas coa coeducación e o fomento da igualdade
entre homes e mulleres, o respecto e valoración positiva da diversidade sexual
son difundidas a toda a comunidade educativa a través da páxina web do centro
e da revista.
2. Contextualización normativa
A lexislación comunitaria en materia de igualdade de xénero constitúe a base
fundamental da política de igualdade de oportunidades en Europa.
No Artigo 8 do Tratado de Funcionamento da Unión Europea no eido
concreto da educación a Resolución do Parlamento Europeo, do 9 de xuño de
2015, sobre a estratexia da UE para a igualdade entre mulleres e homes,
despois de 2015, considera que os estereotipos de xénero seguen tendo unha
grande influencia no ámbito educativo e destácase o papel decisivo que
desempeña a educación e a capacitación na loita contra eses estereotipos e
para poñer fin á discriminación baseada no xénero, así como os seus efectos
positivos para as mulleres e para a sociedade e a economía en xeral.
Na mesma liña, a Constitución española promulga que somos iguais ante a
lei e ampara a igualdade entre mulleres e homes e a non discriminación por
razón de orientación afectivo-sexual e identidade de xénero.

℡ 982870633// 982 870634
A lei orgánica 8/2013, de 3 maio, de Educación contempla en varios
apartados o tema da igualdade entre homes e mulleres. Vexamos a
continuación algúns deles:
Non seu preámbulo establece que só un sistema educativo de calidade,
inclusivo, integrador e esixente, garante a igualdade de oportunidades e fai
efectiva a posibilidade de que cada alumno ou alumna desenvolva ao máximo
as súas potencialidades.
O artigo 1 establece que o sistema educativo debe favorecer o
desenvolvemento na escola dos valores que fomenten a igualdade efectiva
entre homes e mulleres, así como a prevención da violencia de xénero.
No artigo 17.d “Coñecer, comprender e respectar as diferentes culturas e as
diferenzas entre as persoas, a igualdade de dereitos e oportunidades de homes
e mulleres e a non discriminación de persoas con discapacidade”. Este é un
dos obxectivos que se pretenden en Ed. Primaria.
Outro obxectivo, neste caso para a Educación Secundaria Obrigatoria, atópase
contemplado no Artigo 23. c “Valorar e respectar a diferenza de sexos e a
igualdade de dereitos e oportunidades entre eles. Rexeitar os estereotipos que
supoñan discriminación entre homes e mulleres”.
No Artigo 66.3.g contémplase “Prever e resolver pacificamente os conflitos
persoais, familiares e sociais. Fomentar a igualdade efectiva de dereitos e
oportunidades entre homes e mulleres, así como analizar e valorar criticamente
as desigualdades entre eles”.
No Artigo 78. Normas de organización, funcionamento e convivencia: “Aquelas
condutas que atenten contra a dignidade persoal doutros membros da
comunidade educativa, que teñan como orixe ou consecuencia unha
discriminación ou acoso baseado no xénero, na orientación ou identidade
sexual, ou unha orixe racial, étnica, relixiosa, de crenzas ou de discapacidade,
ou que se realicen contra o alumnado máis vulnerable polas súas

℡ 982870633// 982 870634
características persoais, sociais ou educativas terán a cualificación de falta moi
grave e levarán asociada como medida correctora a expulsión, temporal ou
definitiva, do centro”.
No Artigo 84.3 “En ningún caso haberá discriminación por razón de nacemento,
raza, sexo, relixión, opinión ou calquera outra condición ou circunstancia
persoal ou social”
No Capítulo III, sección primeira, o Consello Escolar, podemos atopar os
seguintes artigos relacionados con este tema:
Artigo 126.2 “Unha vez constituído o Consello Escolar do centro este designará
unha persoa que impulse medidas educativas que fomenten a igualdade real e
efectiva entre homes e mulleres”.
No Artigo 127.g “Promover medidas e iniciativas que favorezan a convivencia
no centro, a igualdade entre homes e mulleres e a resolución pacífica de
conflitos entre todos os ámbitos da vida persoal, familiar e social”.
Ademáis temos que ter presente o Protocolo aprobado pola Consellería de
Identidade de Xénero e a instrucción en base á que se desenvolve este Plan de
Igualdade da Dirección Xeral do 6 de setembro de 2019. Outra lexislación que
temos que ter presente tanto na elaboración deste Plan como na actuación
diaria nos centros educativos:
• Real Decreto1686/2000 do 6 de outubro: Creación do Observatorio de
Igualdade de oportunidades entre mulleres e homes.
• Lei 3/2007, do 15 de marzo, reguladora da rectificación rexistral da
mención relativa ao sexo das persoas.
• Lei orgánica 3/2007 22 marzo para a igualdade efectiva de mulleres e
homes. Título IV: dereito ao traballo en igualdade de oportunidades. Artigo
23: A educación para a igualdade de mulleres e homes. Artigo 24.
Integración do principio de igualdade na política de educación.

℡ 982870633// 982 870634
• Lei 7/2004, do 16 de xullo, galega para a igualdade de homes e
mulleres.
• Lei 11/2007, do 27 de xullo, galega para prevención e tratamento integral
da violencia de xénero.
• Lei pola igualdade de trato e a non discriminación de lesbianas, gais,
transexuais, bisexuais e intersexuais en Galicia (2014)
• Decreto 8/2015 de 8 de xaneiro: Convivencia e participación da
comunidade educativa
• Decreto lexislativo 2/2015 de 12 de febreiro. Capítulo IV: A educación e
a formación para a igualdade entre homes e mulleres
• Decreto 86/2015 do 25 de xuño: Currículo educación secundaria e
bacharelato
3. Análise da situación do centro en relación coa
igualdade de xénero, coa violencia de xénero e coa
LGTBIfobia.
No curso actual hai unha representación equilibrada entre homes e mulleres
nos órganos do centro: equipos directivos, xefaturas de departamento, etc.
Aínda que cabe destacar a presenza de figuras masculinas nas áreas de
ciencias e femininas nas de letras.
Entre o alumnado hai unha distribución desigual do espazo do patio a
partir de primaria. En infantil non é moi evidente pero a partir de Primaria
parte dos nenos ocupan a maior parte do patio con xogos de balón mentras
as rapazas e parte dos rapaces adoitan a xogar ao pilla-pilla, xogos
simbólicos, etc. Hai que ter en conta que en Primaria a maior parte do
alumnado son nenos, 8 fronte a 4 nenas.
En Secundaria, o habitual é que as rapazas estén sentadas e os rapaces
xoguen ao fútbol; na actualidade so hai 2 rapaces fronte a 6 rapazas. Dende
o departamento de Educación Física intenta dinamizarse a participación de

℡ 982870633// 982 870634
todos e todas en actividades deportivas facendo pequenos torneos internos
no tempo de lecer da mañá.
En relación coa temática do deporte dende o curso 2017-18 hai un
taboleiro no edificio de ESO onde se van colocando novas relacionadas
coa muller e o deporte visibilizando referentes para as nenas e rapazas.
Ademáis no curso 2018-2019 creouse a Biblioteca de Igualdade, que na
actualidade se atopa na entrada do centro, aínda que forma parte da
Biblioteca e que se dotou dun importante orzamento do centro para
conseguir unha boa cantidade de referencias bibliográficas tanto para
alumnado como para o profesorado. Ademais, por cada conmemoración
inténtase facer unha exposición de libros dende a temática da igualdade de
xénero: libros de escritoras galegas en Maio, Libros sobre mulleres
científicas no mes de febrero, etc.
Para fomentar o coñecemento dun glosario de igualdade, polo centro
están distribuidos carteis visibles para toda a comunidade educativa co
significado de termos importantes como sexismo, machismo, coeducación,
estereotipo de xénero, etc.
Entre o alumnado detéctase que o modelo de distribución das tarefas
domésticas é o tradicional, cargando o peso do fogar e do coidado dos
fillos e fillas nas mulleres; dende o centro inténtase traballar a
corresponsabilidade nas tarefas domésticas a través da distribución de roles
igualitario en momentos como o comedor, o coidado dos rapaces e rapazas
de Educación Infantil, actividades polo día da muller enfocados a que todos
e todas realicen as tarefas do fogar, etc.
Os libros de texto do centro seguen sen visibilizar as aportacións das
mulleres ao longo da historia, sen presenza do colectivo LGTBI e con pouca
diversidade de modelos de familias, polo que o profesorado é o responsable
de reflexionar sobre esto co seu grupo. O profesorado de varias áreas
(Ciencias Sociais, Bioloxía e Xeoloxía, Física e Química, Lingua e Literatura

℡ 982870633// 982 870634
Galega e Plástica de Primaria) dende o curso 2018-2019 leva traballando
na visibilización das aportacións das mulleres nas súas materias:
táboa periódica de científicas, textos e lecturas de mulleres, proxectos de
plástica en torno a unha muller, etc.
Non se aprecia diferencia entre rapaces e rapazas nos itinerarios
escollidos pero a tipoloxía de centro non permite que se analice este
aspecto con facilidade, xa que o número de alumnado é moi baixo para
poder ter indicadores e o número de profesorado non permite ofertar todos
os itinerarios, senón que en 4º de ESO só se pode ofertar o itinerario
enfocado a BAC ou o de FP e todo o alumnado ten que optar polo mesmo.
Nos últimos anos case todo o alumnado se encamiñou a FP sen
diferenciación de xénero e no caso do alumnado que opta por BAC
tampouco se detecta esta diferenciación. No caso de optar por BAC
tampouco se diferenciaron por xénero, xa que na maioría dos casos o
alumnado optou polo Bacharelato de Ciencias, tanto rapaces como rapazas.
No tocante á convivencia escolar nos últimos anos non se poden extraer
datos significativos xa que a conflitividade é moi baixa. O único aspecto
relevante foi un Protocolo de Acoso Escolar aberto e pechado fai 3 cursos
no que todos os implicados eran rapaces.
Sendo un centro con alumnado en escolarización obrigatoria non podemos
analizar a continuidade dos estudos de rapaces e rapazas, ademáis a
práctica totalidade do alumnado titula en ESO. Nos últimos anos so cabería
destacar que o alumnado que se encamiñou cara a FP Básica foron
maioritariamente rapaces, pero as cifras son moi baixas para poder
establecer indicadores (3 rapaces e 1 rapaza nos últimos 5 anos) e so un
rapaz que permaneceu ata os 18 non titulou. Non se rexistra absentismo no
alumnado, polo que non merece análise en función do xénero.

℡ 982870633// 982 870634
4. Obxectivos coeducativos desenvoltos a través do
plan en canto aos seguintes temas:
4.1. Promoción da igualdade de oportunidades entre homes
e mulleres.
a) Facer visible e recoñecer a contribución das mulleres nas distintas facetas
da historia, a ciencia, a política, a arte, a cultura, e o desenvolvemento da
sociedade.
b) Motivar ao alumnado para que adquira a formación adecuada para fomentar
a súa autonomía persoal e os coñecementos e habilidades para compartir
responsabilidades domésticas, familiares e de coidado, e contribuír a eliminar
comportamentos e actitudes sexistas.
c) Incorporar a aprendizaxe de métodos non violentos para a resolución de
conflitos e de modelos de convivencia baseados no respecto á diversidade e no
respecto á igualdade de mulleres e homes, e visualizar ante o alumnado aos
grupos de mulleres en situación de múltiple discriminación así como dos
colectivos tamén discriminados.
d) Fomentar a diversificación profesional como forma de promover unha
elección académica e profesional libre e como vía de eliminación progresiva da
segregación ocupacional vertical e horizontal.
e) Fomentar no profesorado a posta en práctica de actuacións ou proxectos de
igualdade
f) Promover o uso da linguaxe inclusiva en todos os ámbitos educativos e por
parte de toda a comunidade educativa que contribúa á visibilización das
mulleres e dos diversos xéneros na linguaxe.
g) Espertar o espírito crítico do alumnado sobre os estereotipos de xénero que
nos chegan a partir dos produtos culturais como a publicidade, os vídeo clips,
os videoxogos e o cinema.

℡ 982870633// 982 870634
h) Desenvolver e traballar un novo modelo de masculinidade co alumnado.
i) Facilitar a utilización igualitaria de espazos no recreo para rapazas e rapaces.
4.2. Prevención, detección e intervención en casos de
violencia de xénero
- Fomentar a formación do profesorado en materia de violencia de xénero
a través do PFPP e de diferentes programas de innovación coma o
Quérote+.
- Visualizar o fenómeno da violencia de xénero para tomar conciencia
sobre el e actuar. Ter presente a importancia das redes sociais en relación
con este tipo de violencia.
- Realizar obradoiros co alumnado de ESO en colaboración con diferentes
entidades externas (Plan director, Asociacións locais, Cruz Vermella, etc.) e
a través do Plan de Acción Titorial sobre as sinais da violencia de xénero,
recursos para pedir axuda, consecuencias, etc.
- Traballar por titorías previamente e realizar actividades conxuntas con
todo o alumnado do centro co gallo de conmemoracións coma o 25 de
novembro. Estas actividades serán facilitadas e fomentadas dende o equipo
directivo e o equipo de actividades complementarias e extraescolares co
asesoramento do Departamento de Orientación.
- Elaborar circulares informativas dende o Departamento de Orientación
onde se proporcione información sobre sinais da violencia de xénero e onde
pedir axuda. Tamén serán claves as que desmonten os mitos do amor
romántico que moitas veces é o pretexto para tolerar “malos tratos” ou
violencia.
- Presenza no centro de carteis onde se visibilice a importancia de loitar
contra a violencia de xénero, sinais para detectala, onde pedir axuda, etc.
- Establecer canles de comunicación cos servicios sociais para
intercambiar información ou, se é preciso, intervir nos casos nos que sea
sexa necesario.

℡ 982870633// 982 870634
4.3. Promoción do respecto pola diversidade afectivo-sexual
a) Divulgar a toda a comunidade educativa a existencia do protocolo
educativo para garantir a igualdade, a non discriminación e a liberdade
de identidade de xénero a través do Claustro, CCP e Consello Escolar.
b) Fomentar no profesorado a posta en práctica de actuacións ou
proxectos de respecto á diversidade familiar e afectivo-sexual
c) Promover o respecto á libre orientación sexual e a identidade de xénero
e o rexeitamento a todo tipo de violencia ou agresión sexual.
d) Promover o uso da linguaxe inclusiva en todos os ámbitos educativos e
por parte de toda a comunidade educativa que contribúa á visibilización
dos diversos xéneros na linguaxe.
e) Espertar o espírito crítico do alumnado sobre os estereotipos de
orientación afectivo-sexual que nos chegan a partir dos produtos
culturais como a publicidade, os vídeo clips, os videoxogos e o cinema
f) Incorporar unha concepción de familia ampla e diversa, en consonancia
coa rica diversidade de estruturas familiares presentes na sociedade
(familias homoparentais o lesboparentais, familias monoparentais,
adoptivas, multiétnicas, multirraciais, transnacionais ou calquera outra
das moitas formas de familia que están presentes).
g) Asegurar que o alumnado «trans-» poida facer uso das instalacións do
centro, incluídos baños, conforme ao xénero elixido.
4.4. Prevención, detección e intervención en casos de
LGTBIfobia.
A) Establecer os mecanismos para que todo o persoal do centro trate ao
alumnado «trans-» conforme ao nome e ao xénero elixidos, sen
cuestionar ou negar a súa identidade nin en público nin en privado. Non
é responsabilidade do alumnado ter que comunicalo a cada un dos seus

℡ 982870633// 982 870634
docentes ou ao persoal non docente, senón que é o centro o que debe
asumir esta tarefa.
B) Fomentar unha actitude activa de rexeitamento a todo tipo de acoso
homofóbico, de non participación en situacións de acoso, de apoio e
defensa das persoas violentadas e de comunicación a calquera membro
do persoal docente, ao seu titor ou titora, ao Departamento de
Orientación ou ao Equipo directivo de situacións de violencia verbal o
física, agresión sexual, acoso escolar homofóbico ou accións de odio.
C) Aplicar o procedemento corrector das NOFC co agravante de
discriminación por motivos de identidade sexual, sexo ou xénero no caso
de ser necesario.
5. Medidas concretas de actuación nos seguintes
ámbitos
5.1 Organización do centro
• Nomear unha persoa no seo do consello escolar responsable de
igualdade, preferiblemente entre o profesorado, que impulse a posta en
marcha do Plan de Igualdade así como o seu seguimento e avaliación.
• Establecer unhas pautas de actuación comúns que supoñan un apoio á
igualdade de xénero e a promover un centro coeducativo e respectuoso
coa diversidade afectivo-sexual, de xénero e familiar.
• Facilitar e favorecer que se celebren efemérides específicas como o 17
de maio, Día Internacional contra a LGBTIfobia, etc.
• Usar e favorecer un uso da linguaxe non sexista nin heterosexista.
• Revisar e modificar, se procede, todos os documentos do centro, para
incorporar unha linguaxe non sexista nin que presupoña a
heterosexualidade da comunidade educativa nin das familias.
• Organizar actividades en efemérides concretas, tales como o 25 de
novembro, Día Internacional contra a Violencia cara á Muller; o 8 de

℡ 982870633// 982 870634
marzo, Día da Muller; o 26 de abril, Día da visibilidade Lésbica; o 17 de
maio, Día Internacional contra a Homofobia e Transfobia, etc.
• Promover que as actividades que se realicen no centro teñan en conta a
perspectiva do xénero a diversidade afectivo-sexual, de xénero e
familiar: o día das Letras Galegas, o Día da Paz, etc.
• Organización de obradoiros, charlas e actividades relacionadas coa
igualdade de xénero e contra a violencia sexista, así como contra a
LGTBIfobia.
• Difusión do Plan de Igualdade a través da páxina web, da guía que se
reparte ás familias a inicio de curso, do consello escolar, etc.
5.2 Eliminación dos estereotipos de xénero na transmisión dos valores e
dos saberes
• Analizar se se fomenta a formación sobre diversidade sexual, familiar e
de identidade de xénero a todo o persoal do centro así como ao
alumnado e se se ofrece información ás familias.
• Fomentar a presenza de referentes positivos de diversidade afectivo-
sexual, familiar e de xénero no centro educativo, apoiando a visibilidade
da comunidade LGBTI.
• Facilitar dende o Departamento de Orientación e o Equipo directivo a
través da Xefatura de Estudos, material de apoio e de recursos
didácticos para que os/as titores/as e profesores/as poidan traballar a
igualdade e a diversidade afectivo-sexual, de xénero e familiar na aula.
5.3 Xestión dos espazos, dos recursos e das oportunidades de realización
vocacional de xeito inclusivo
• Fomentar un taboleiro que recolla información de interese sobre a
igualdade de xénero e a diversidade afectivo-sexual, de xénero e
familiar, a parte do existente sobre mulleres e deporte.

℡ 982870633// 982 870634
• Analizar se os carteis e imaxes colgados nos corredores o taboleiros das
aulas así como os materiais didácticos que se utilizan no centro mostran
a diversidade étnica, corporal, relixiosa, afectivo-sexual e de expresión
de xénero.
• Continuar coa adquisición de documentación e materiais de libre acceso
de temas de diversidade de orientación afectivo-sexual e de identidade
de xénero.
• Incrementar a biblioteca do centro con títulos, filmes e outro material
coeducativo e relativo á diversidade afectivo-sexual, familiar e de
identidade de xénero.
• Aproveitar temas de actualidade para traballar a necesidade de seguir
avanzando cara unha igualdade: as mulleres no mundo do deporte (o
fútbol é un tema representativo), series como “Sabrina”, “Creedme”, etc.
Enfocadas ao público xuvenil, referentes de instagram que representan
a diversidade sexual, etc.
• Reorganizar os espazos e a oferta de actividades do patio para
fomentar unha distribución do espazo igualitaria e favorecer a inclusión
de todo o alumnado.
• Evitar e previr a existencia de prexuizos relacionados co xénero na
orientación educativa e vocacional.
5.4 Inclusión dos valores coeducativos na xestión da convivencia escolar
• Responder inmediatamente aos comentarios, chistes e burlas sexistas
ou homófobas feitas polo alumnado ou polo persoal do centro, estean
dirixidos ou non a mulleres ou a persoas LGBTI presentes. O silencio e a
pasividade reforzan os comportamentos e actitudes de acoso sexista,
homófobico e transfóbico.
• Detectar posibles situacións de homofobia e transfobia que poidan darse
dentro da comunidade educativa, elaborando unha serie de indicadores
tales como: indicadores para detectar ao alumnado que é vítima ou

℡ 982870633// 982 870634
acosadora no recinto escolar por homofobia e transfobia; farase
extensivo ao persoal docente e non docente e ás familias.
• Realizar actividades que promovan a corresponsabilidade na realización
das tarefas e evitar asignar responsabilidades e tarefas, coma as de
forza aos rapaces, de coidado dos demais ás rapazas, etc. que
perpetúen os roles de xénero tradicionais, senón que esta asignación
ten que coidarse e asignarse independentemente de ser neno, nena,
rapaz ou rapaza.
6. Avaliación e seguimento
A avaliación terá carácter continuo e avaliaremos se os obxectivos propostos
en cada actividade se conseguiron ou non.
Avaliarase a participación activa de toda a comunidade educativa.
Así mesmo avaliarase a coordinación entre o profesorado, o grao de
participación de axentes externos (asociacións, familias…), a consecución de
obxectivos, os materiais empregados, a actitude do alumnado, a implicación do
claustro en materia de Igualdade…
Os instrumentos empregados serán: a observación, enquisas e cuestionarios
coa fin de valorar o grao de consecución dos obxectivos, etc.
Avaliarase anualmente a través da Comisión de Convivencia do Consello
Escolar en función dos seguintes indicadores:
- Número de indicentes relacionados coa convivencia entre xéneros, a identidade
sexual, a orientación sexual, etc.
- Número de actividades relacionadas coa igualdade entre homes e mulleres, a
identidade sexual e coa diversidade sexual co alumnado.
- Nivel de implicación do profesorado nestas actividades ou en actividades de
formación sobre esta temática.

℡ 982870633// 982 870634
- Uso do espazo de recreo de rapaces e rapazas.
- Uso da linguaxe non sexista nos traballos do alumnado e na documentación do
centro.
- Recursos bibliográficos, gráficos e libros de texto en relación á diversidade
sexual e á igualdade entre homes e mulleres.
A partir dos resultados obtidos estableceranse propostas de mellora e accións
para conseguilo que se recollerán na PXA.

℡ 982870633// 982 870634
O plan de Igualdade foi revisado e recibe o visto bo en Claustro e Consello
Escolar o día 27 de novembro para ser aprobado pola dirección do centro.
Pedrafita, a 27 de novembro de 2019
A directora
Rocío Méndez Penela

Plan de igualdade pedrafita 2020

Empfohlen

Empfohlen

Weitere ähnliche Inhalte

Was ist angesagt?

Was ist angesagt? (8)

Ähnlich wie Plan de igualdade pedrafita 2020

Ähnlich wie Plan de igualdade pedrafita 2020 (20)

Mehr von CPI Uxío Novoneira, Pedrafita do Cebreiro

Mehr von CPI Uxío Novoneira, Pedrafita do Cebreiro (20)

Plan de igualdade pedrafita 2020