Empfohlen
Weitere ähnliche Inhalte
Andere mochten auch
Andere mochten auch (11)
Valgerður Gunnarsdóttir - Ljóð
- 2. Dalvík Dalvíkin er draumablá dýrðleg til að sjá. Dalvíkin er draumablá dýrðleg til að sjá. Ofar stendur Upsafjall eins og gamall karl. Sólin skín á stein og stekk og stúlkur í okkar bekk.
- 3. Sumarnótt Kemur af hugans hafi heitust ein sumarnótt. Glampi á gullnu rafi gleðin þá sumarnótt. Leikur á lítill vafi Lofnar var sumarnótt.
- 4. Fang Mæti þér nú, Tröllaskagi, týni úr fangi þér myndir og steina, dýjagrænt, mjúkt og hrjóstrugt, síkvikt landið, himinblátt hafið, sem tók...
- 5. Söknuður Á enda veraldar sólblár himinn, og ský úr bómull. Grásilfruð strá hrjúf á vanga, vagga úr grasi. Rekur á huga seint gleymdur tími. Týnist í þrá og þögn.
- 6. Rof Í berg numin bjó hugur í ei stað dillað var hjarta í stein runnið hjarta þitt brast strengur.
- 7. Gluggi í þríeinum spegli speglast stund í stað alkyrrð heitt andartak svo ólgar hjá
- 8. Skógarþoka Óræði mögnuð hylur þokan skógarbotninn, vefur sig utan um stofna trjánna, teygir slóða upp greinarnar, þræðir sig ofar, ofar, og liðast sundur, ósnertanleg, inn í hvíta, undurhvíta eilífð.
- 9. Bolero Eins og blæöspin kliðar í andvara vorsins eins og stráin bærast í golunni hægt eins og bárurnar freyða við bakka vatnsins eins og kólgan ólmast við klettótta strönd voru dagarnir þeir voru atlotin þín
- 10. Óráð Svo heit nóttin, krefjandi, dregur þig á tálar, leggst þétt að þér, sefar og egnir, teygar hug þinn óræð, strýkur hlæjandi hár þitt undir morgun fálma hendur þínar eftir engu.
- 11. Hækur Í vornótt hvítri vappar mófugl um lyngmó sígur rauðgul sól. Fjárhúsið rökkvað Fluga suðar í glugga Værð yfir ánum
- 12. Hækur Sólin tindrandi í svalgrænu úthafi freyðir um stefnið Úthafsins eyja sandur og sæbarið grjót hvönnin gul og græn Dauðir krossfiskar er brimaldan fjarar út á svörtum sandi