Ese mbi dhunen ne televizion . Punuar nga : R.DELIU

1. Ese Argumentuese
Tema: Dhuna në Televizon
Dhuna në vetvete mbetet një nga fenomenet më të të shëmtuara , paralizuese e që gjithnjë mban
vulën e zezë për çdo shoqëri . Është bërë gati normale të dëgjojmë çdo ditë në edicionet e
lajmeve kronikën e zezë ,e cila është bërë pjesë e rëndësishmë e këtyrë edicioneve ,si dhe debatet
e shumta nëpër studiot televizive .Megjithatë mendoni për pak çaste sa e tmerrshme dhe e
papranueshme është kur akte të tilla shpalosen dhe dalin në televizon në mes të ditës .
Televizioni është mjeti më i përhapur i komunikimit publik. Televizioni ka rol të padiskutueshëm
në formimin e opinioneve qytetare te të rriturit dhe ndikim shumë të rëndësishëm në ngjizjen e
karakterit te fëmijët dhe adoleshentët . Ndjekja e televizionit mbetet mënyra kryesore e argëtimit
për shumicën e shtresave tëpopullsisë. Është vërejtur se, në shoqërinë pasive të programeve që
servirin transmetuesit televizivë, komuniteti harxhon sot rreth 30% të kohës së vet aktive.
Sidomos te fëmijët,në kushtet e mungesës së formave të tjera të zbavitjes, veprimtaria kryesore e
ditës mbetet ndjekja e programeve televizive, si në mënyrë individuale ashtu edhe kolektive, apo
më saktë familjare.
Sot programet televizive janë të shumëllojshme. Larmia e tyre ndryshon nga stacioni në stacion
dhe nga ora në orë. Nga të gjithë pranohet me shqetësim “rreziku mediatik”,në lidhje me trysninë
që shkakton televizioni kryesisht te fëmijët, nëpërmjet teprimit me skena dhune të pajustifikuar
dhe pamjeve e sekuencave erotike të papërshtatshme për moshën. Nuk duhen lënë mënjanë edhe
shqetësimet lidhur me elemente të tjera me efekte dëmtuese te të vegjlit, si p.sh. përdorimi i
fjalorit vulgar dhe të tjera të ngjashme me këtë. Në një studim të KKRT-së për respektimin e
normave etiko-morale nga transmentuesit tv,dilte se rreth 90% e të anketuarve mendonin se
teprohet me dhunën dhe seksin në ekranet televizive .Komunikimi vulgar ,dhuna dhe skenat e
tepruara erotike në ekranet tona përcillen edhe nga ato grupmosha ,që me ligj duhet të mbrohen
prej tyre dhe si rrjedhim kërcënohet zhvillimi fizik , mendor dhe moral i fërmijëve .
Ndërkaq një nga çështjet më shqetësuese në lidhje me këtë problem është padyshim mënyra se si
dhuna e shfaqur në televizion përmes programeve apo reklamave ndikon në psikologjinë e një të
mituri . Përzgjedhja e një të mituri nuk është e rastësishme për aq kohë sa ata mbeten një nga

2. grupet më të pambrojtura e që nuk kanë arritur maturimin e duhur të arsyetimit objektiv në lidhje
me atë që është apo jo e përshtatëshme për tu parë prej tyre . Fëmijët që shohin së tepërmi skena
dhune ,janë më tepër të prirur ta shohin dhunën si një mundësi për të zgjidhur problem e tyre .Po
kështu është tepër e qartë mënyra se si një i mitur e portetizon heroin e tij . Nuk është e vështirë
të imagjinosh një fëmijë duke imituar heroin e tij të preferuar në skena filmash të dhunshëm
,qofshin këta të fundit edhe vizatimor . Jo pak hërë , skena të tilla provokojnë frikë , pasiguri dhe
ankth tek të vegjëlit , të cilët shpesh kanë nevojën e një psikologu .Nga ana tjetër nuk janë të
pakta rastet kur fëmijët shfrytëzohen nga emisionë të shumta si dëshmi e problemeve ekonomike
e sociale me të cilat njëra apo tjetra familje përballet .
Le të ndalemi në një program të suksesshëm, “Me zemër të hapur”, të transmetuar nga “News
24”, në datën 21. 09. 2007. Aty trajtohet problemi i një familjeje të ndarë, në mes të saj qëndron
një fëmijë i mitur, për të cilin kujdeset babai i tij. Në këtë emision, ku pretendohet të
minimizohen disa probleme sociale e familjare, përdoret figura e fëmijës e pambrojtur nga
opinioni publik. Fëmija, në një foto të zmadhuar nga i ati, përdoret në formë presioni psikologjik.
Pothuajse në të gjitha mediat elektronike janë transmetuar pamjet e një të riu,teksa i vë flakën
vetes në Parkun “Rinia”, në mes të Tiranës. Transmetimi i këtyrepamjeve makabre, ndikon
negativisht te shikuesit, tepër negativisht tek fëmijëtdhe adoleshentët dhe janë vërtet tronditëse
për familjarët e viktimës .
Shpesh se cili nga ne dëgjon dhe informohet në lidhje me shifrat dhe shkallën e kriminalitetit në
rritje apo të dhunës së ushtruar mes adoleshentëve në shkolla . Më së fundmi dëgjuam lajmin
shokues kur një adoleshent qëlloi me armë për vdekje një bashkëmoshatar për motive banale .Siç
mund ta shohim , shoqëria jonë shpesh si mënyra për të zgjidhur problemet e tyre preferonë
dhunën ,e cila shkon deri aty sa merr edhe jetë të pafajshme .
Po, është e vërtetë që prindërit kanë një rol tepër dominant në të gjithë këtë situatë me të cilën ne
,familjet e shoqëria jonë përballet çdo ditë . Secili prej nesh do të mund të thoshte se fëmijët kanë
prindër e ata kanë përgjegjësinë të kujdesen për mirëqënien e tyre fizike , morale e shoqërore që
lidhet me problemin e shtruar më sipër .
Por, unë do të thosha vijeni veten në pozitën e një prindi në ditët e sotme ,mendoni pak sa
dinamike dhe e vrullëshme është bërë një ditë e zakonshme e tyre . Për tësiguruar një jetë më të
mirë , e për të plotësuar nevojat që jeta familjare ose jo të kerkon me detyrimin më të madh për ti
plotësuar ,ata shkojnë në punët e tyre me të cilat i lidh profesioni që në orët e para të mëngjesit

3. ,për tu kthyer në orët e vona të mbasdites . E në qoftëse e mendon arrin ta kuptosh mjaft mirë se
sa e vështirë është të kesh nën kontroll situatën e fëmijës tënd në çdo moment të ditës . Prandaj ,
do të doja të mos i gjykonim më shumë ata se sa institucionet kopetente ,që kanë
përgjegjshmërinë për sigurinë fizike , morale e shoqërore të fëmijëve përpara ekranit të
televizorit , e ku shpesh herë transmentojnë programe të papërshtatëshme për shkak të fitime
më të mëdha ,shikueshmërisë më të lartë apo interesave të tjera të tyre .
Të gjitha çështjet e trajtuara më sipër dëshmojnë se në median tonë elektronike, nuk zbatohen me
përpikëri kërkesat e ligjit për respektimin e të drejtave të fëmijëve, rregullat dhe normat etike e
morale, që shërbejnë për t’i mbrojtur ata nga rastet e keqpërdorimit të dhunës, të cënimit të
personalitetit, të formimit e të edukimit të cunguar, me pasoja të rënda për sot, e sidomos për
nesër.