Aurkezpen honetan ilustrazioaren azalpen labur duzu. Nola landu informaziorako, literaturarako edota musikarako lanen ilustrazioak ? Ilustrazioan erabil ohi diren teknikak eta gai hauen adibide desberdinak dituzu azalpenak ongi jarraitu eta ulertu ahal izateko.
2. SARRERA
“Orduan ene begiak
harresiaren oinera zuzendu, eta
jauzi egin nuen! Hantxe
zegoen, printze txikiarengana
luzatua, hogeita hamar
segundotan edonork akaba
dezakeen suge hori horietako
bat.”
Printze Txikia. ANTOINE DE
SAINT-EXUPÉRY. 1943
3. SARRERA
Ilustrazioa esaten diogu lan mota batzuekin batera agertu ohi
diren irudien bidezko azalpen edo adierazpenei. Ilustrazioa
erabiltzen duten lan mota batzuk hauek dira: azalpen
katalogoak, literatura, musika edota beste batzuk.
Ilustrazioaren helburu nagusia gai bat azaldu, adierazi
edo apaintzea da.
4. SARRERA
Ilustrazioaren bitartez
ikuslegoari oinarrizko
informazioa eman behar zaio,
eta honetarako, ilustratzaileek
teknika desberdinak erabili ohi
dituzte: argazkia, marrazkia,
muntaiak etab., batzuetan
kolorez eta bestetan zuri beltzez.
Ilustrazioetarako erabiltzen
diren formak eta koloreak,
adierazi nahi den gaia edo
mezuaren arabera aukeratu
behar dira.
5. SARRERA
Ilustrazioak izan behar duen ezaugarri nagusia irudiaren
garbitasuna da, batez ere azalpenerako ilustrazioan, mapak
edo tresnen erabilerarako ilustrazioetan adibidez
6. SARRERA
Enpresarientzako lehiaketa
baterako ilustrazio honetan
irudiaren garbitasuna oso
ongi ikus dezakegu. Lerroak
eta formak modu sinplean
erabili dira. Koloreek
formen gainazalak osorik
betetzen dituzte aurkezpen
ona eta garbitasuna lortzeko.
8. ILUSTRAZIO MOTAK
Ikasgai honetan ilustrazio mota hauek aztertuko ditugu:
informaziorako ilustrazioa eta literatura eta musika lanen
ilustrazioa.
Informaziorako
ilustrazio honetan,
forma eta koloreen
erabilera azaldu nahi
den gaiaren arabera
landu ditu egileak.
Xehetasunek garrantzi
berezia dute irudian,
formak eta koloreak oso
zehatzak direlarik.
9. ILUSTRAZIO MOTAK
Antoine de Saint-Exupéry
idazle frantziarrak, Printze
Txikia ipuina idatzi
zuenean, ilustrazioak egin
zituen baita ere,
literaturaren bitartez
adierazi zuen mezua
irudien bitartez ere
adieraziz aldi berean.
10. ILUSTRAZIO MOTAK
Hiru Truku musika
taldearen disko azalean,
taldeko partaideak
nortzuk diren erakutsi
nahi da era original
batean. Honetarako,
koloretako argazki
muntaia erabili da
kolore apaletako hondo
baten gainean.
12. INFORMAZIORAKO ILUSTRAZIOA
Testu liburu, entziklopedia, hiztegi eta antzerakoetan, askotan
irudiak erabiltzen dira gaia beste era batean azaldu edo
adierazteko. Ilustrazio mota honen helburu nagusia
irakurleei informazioa ematea da. Testuaren bitartez
azaltzen den gaia hobeto ulertzeko askotan irudiak behar
izaten dira.
13. INFORMAZIORAKO ILUSTRAZIOA
Bideokameraren pila aldatzeko
jarraitu behar diren pausuak
azaltzen dizkigu irudiak.
Manualean agertzen diren
azalpen idatziekin batera, pila
aldatzeko jarraitu behar diren
pausuak marrazkien bitartez ere
agertzen dira. Ilustratzaileak
bideokameraren atal desberdinak
xehetasunez azaltzen ditu. Era
honetan, jarraitu behar diren
pausuak modu errazean ulertuko
ditu irakurle edo ikusleak.
14. INFORMAZIORAKO ILUSTRAZIOA
Beheko ilustrazioa historiako azalpen bat osatzeko erabili da.
Ilustrazio honen helburua irudien bitartez informazioa
ematea da. Formak eta lerroak herrialdeen mugak eta
maparen koordenadak adierazteko erabili dira, eta koloreak
herrialdeen berezitasunak adierazteko.
16. LITERATURA LANEN ILUSTRAZIOA
Literaturako lanen ilustrazioan garrantzitsuena gaia da,
hau da, literaturak adierazten duen mezua kontuan izan
behar da irudiaren bitartez ere mezu berdina adierazteko.
17. LITERATURA LANEN ILUSTRAZIOA
Ezkerreko irudian umeentzako ipuin desberdinak jasotzen
dituen liburu baten azalerako ilustrazioa dugu. Eskuineko
irudian liburuaren azala ikus dezakegu.
18. LITERATURA LANEN ILUSTRAZIOA
Ilustrazio honetan formak eta
koloreak haurrentzat eginak
dira. Otsoa eta astoaren
keinuak aprobetxatu ditu
egileak irudia testuaren
inguruan kokatzeko. Ekintza
kokatzeko, paisaia marraztu du
egileak. Irudian koloreak
alaiak eta biziak dira.
19. LITERATURA LANEN ILUSTRAZIOA
Azeria eta zaldia umeentzako
ipuinaren ilustrazio honetan,
ohiko liburuen itxura erabili
beharrean egitura desberdina
erabili du egileak, beti ere
ezarritako testuak errespetatuz.
Erabilitako teknika akuarela
eta tinta izan da.
20. LITERATURA LANEN ILUSTRAZIOA
“Contemplas maravillado lo
que ocurre alrededor y
escuchas el sonido de un
espléndido batir de alas. Alzas
la vista emocionado y observas
que el primer Dragón del Arco
Iris vuelve a casa.”
FIN
21. LITERATURA LANEN ILUSTRAZIOA
Irakurle edo ikuslearen adina
kontuan izan behar den
ezaugarri garrantzitsua da
ilustrazioa lantzerakoan.
Literaturaren gaia eta
irakurleen adina aldatzen
denean, ilustrazioaren estiloa
ere aldatu egiten da.
22. LITERATURA LANEN ILUSTRAZIOA
Ondorengo irudietan
literaturako pertsonaia
batzuen ilustrazioak aztertuko
ditugu. Kasu bakoitzean
ilustratzaileak erabilitako
teknika behatu eta aztertu:
lerro motak, koloreak eta
hauek aplikatzeko modua,
irudiaren aurkezpena eta
garbitasuna etab.
28. MUSIKA LANEN ILUSTRAZIOA
Diskoak ilustratzeko, musika eta hitzen bitartez zabaltzen
den mezua kontuan izan behar da. Honez gain, musika
taldearen irudia, ingurunea, herrialdea eta antzerako
ezaugarriak ere kontuan izan behar dira.
29. MUSIKA LANEN ILUSTRAZIOA
Azalak eta kontrazalak erabiltzen dira CDak ilustratzeko,
era honetan egileak bi irudien artean lotura bat sor dezake.
Erabilitako teknikak oso desberdinak izan ohi dira: argazkiak,
muntaiak, marrazkiak, pintura etab.
30. MUSIKA LANEN ILUSTRAZIOA
Batzutan CD albumaren barnealdea ere ilustratzen da:
abestien hitzekin batera, argazkiak eta mota askotako
ilustrazioak agertu ohi dira. Era honetan, lotura bat sortzen
da musika, hitzak eta irudien bitartez adierazten den
mezuarekin.
31. MUSIKA LANEN ILUSTRAZIOA
Fool´s Garden taldearen CD honen azala eta kontrazalaren
artean jarraipena dagoela ikus dezakegu. Ilustratzaileak
marrazkia eta pintura erabili ditu irudian kolore biziak eta
kontrasteak sortzeko. Diskoa eta abestien izenburuak idazteko
espazio zuriak utzi ditu erdialdean.
32. MUSIKA LANEN ILUSTRAZIOA
Nirvana taldearen CD hau ilustratzeko, Robert Fisherrek
argazkia eta marrazkia erabili ditu. Azalean eta kontrazalean,
ilustratzaileak lekua utzi du taldearen izena, CDaren
izenburua eta abestiak idazteko.
33. MUSIKA LANEN ILUSTRAZIOA
Oskorriren CD hau umeentzako da, horregatik ilustrazioan
ume txikien argazkiak erabili dira. Azalean, argazkiak
kolorez agertzen dira: lauki txikietako argazkiak kolore bizi
eta beroez eginak, eta lauki handietakoak kolore hotzez. Era
honetan, kontrastea sortzen da, aurpegiak bereizi ahal izateko.