1. BOLETIN PARROQUIAL
Nº 182 - Xuño 2015
PARROQUIA SAN FRANCISCO DE ASÍS DOS TILOS
VODAS DE PRATA PARROQUIAIS
No anterior boletín do mes de Maio invitábavos a unha reflexión ante as
vodas de prata parroquiais, reflexión que se centraba nas características
dos vintecinco anos de vida dunha comunidade: madurez, compromiso,
experiencia, o realizado e o non realizado tanto a nivel individual como
colectivo. Remataba o artigo facéndome e facéndovos unha pregunta: ¿Non
vos parece unha boa ocasión, a das vodas de prata, para dar un paso adian-
te para formar parte das diferentes comisións e ofrecerte a servir á comuni-
dade no teu tempo libre?
Pois ben, o primeiro gran acto desta celebración, será o 7 de Xuño, ó que
todos estades invitados.
O segundo gran acto será o 4 de outubro, festa de S. Francisco de Asís, o
noso patrón. Ese día celebrarao con nós o noso querido Sr. Arcebispo, D.
Julián. Coincidirá co cume da celebración das vodas de prata e comezo do
curso pastoral parroquial. Previamente teremos a asemblea parroquial pre-
paratoria do novo curso, que será o 19 de Setembro, sábado, en horario de
mañá.
¡Que bo colofón sería, aproveitando a presenza do Sr. Arcebispo, presentar-
lle a todos os colaboradores das diferentes actividades parroquiais e, ó
mesmo tempo, a programación das actividades pastorais no novo curso
2015-2016!
Pensa, comprométete e participa na asemblea de comezo de curso e na
gran celebración eucarística, ás 12 da mañá, do día 4 de Outubro e,
logo, no compartir no salón de actos da Asociación.
Benjamín
PARROQUIA, EUCARISTÍA E ACOLLIDA
Que a celebración dos 25 anos –VODAS DE PRATA– da parroquia coincida coa
festa de Corpus Christi é unha afortunada coincidencia chea de simbolismo.
O cerne dunha parroquia é o seu templo, o seu referente o altar ou mesa na que
Xesús se ofrece por amor e se nos ofrece como alimento, así como o sagrario no
que permanece como veciño fiel que ás veces, en circunstancias especiais, se nos
ofrece como viático ou alimento para os momentos difíciles ou como amigo para
ser visitado e consultado en oración. Por tanto, a parroquia ven ser un lugar euca-
rístico que nos presenta a Xesús como “camiño, verdade e vida”.
Camiño por ser centro e referente, lugar de encontro e de acollida. No templo con-
flúen todos os camiños.
Verdade porque proclama a Palabra, mantén viva a Fe, alenta a esperanza fronte
ás dificultades da vida e constrúe comunidade e fraternidade.
Vida que nace coa auga bautismal e que se alimenta cos sacramentos, especialmen-
te, co do Corpo e Sangue de Cristo. Pola caridade facilita que os máis débiles
encontren apoio e favor.
Esta forza só se mantén pola presenza de Xesús que permanece entre nós e polo
servizo que a propia comunidade establece para apoiar aos irmáns caídos e facili-
tar a vida aos que teñen dificultades.
A chamada que nos fai Cáritas dentro da súa campaña anual do Día da Caridade:
“Unha soa familia, alimentos para todos”, fainos pensar nunha visión universal
para que nos esquezamos que, segundo a FAO, hai uns 805 millóns de persoas con
fame crónica no mundo, o que constitúe un verdadeiro motivo de escándalo, xa que
sabemos que hai alimentos suficientes para todos e que a fame se debe á mala dis-
tribución dos bens e da renda, problema que aumenta polo mal uso deses bens e dos
alimentos.
A celebración festiva, nesta data tan importante, non pode permitir que nos esque-
zamos do gran papel que xogamos cada cristián, cada familia e cada comunidade.
Pode axudarnos a compréndelo aquela frase memorable do Papa Francisco: “A
medida da grandeza dunha sociedade –nós podémolo aplicar á nosa parroquia–
está determinada pola forma en que trata a quen está máis necesitado, a quen non
ten máis que a súa pobreza”.
A parroquia hase distinguir sempre por ser lugar de celebración eucarística, de fra-
ternidade e de acollida.
2. Seguro que haberá cambios na con-
cepción pastoral das parroquias, pero
o seu matiz de comunidade viva e
depositaria dunha fe coherente co
Evanxeo, hase manter para dar res-
posta ás necesidades espirituais e
humanas das novas xeracións.
Este ano de celebracións debe axu-
darnos a ir conseguindo unha maior
autenticidade e compromiso cristián.
O sentido de Igrexa mentense vivo
coa presenza, primeiro, do bispo
auxiliar, D. Jesús; nesta data coa pre-
senza do vicario territorial, D. José
Antonio; e na próxima festa de San
Francisco coa presenza do noso arce-
bispo, D. Julián.
Todos xuntos celebramos “unha soa
fe, un só bautismo e un só
Señor…”.
PARROQUIA VIVA
5.- Pleno do Consello pastoral
Parroquial, ás 20,45.
7.- Festa de Corpus Christi. Día
nacional da Caridade. XIX aniversa-
rio da consagración do templo parro-
quial e celebración das vodas de
prata parroquiais (ver programa
aparte).
13.- Viaxe-excursión a Marcelle
Natureza, como fin do curso cate-
quético.
14.- Remata o curso de catequese.
15.- Comeza a preparación intensiva
dos nenos/as da Primeira Comuñón,
ás 7 da tarde.
24.- Reunión do grupo de Cáritas, ás
20,30.
27.- Celebración do perdón, ás 6 da
tarde
28.- Primeiras Comuñóns, as 12 da
mañá.
5 de Xullo: Primeiras Comuñóns, ás
12 da mañá (en galego).
DÍA DA CARIDADE
Con motivo desta celebración, o Papa
Francisco, anímanos a ser solidarios:
“Encontrámonos ante un escándalo
mundial de case mil millóns de perso-
as. Mil millóns de persoas que aínda
sofren fame hoxe, non permiten mirar a
outra parte, finxindo que o problema
non exista. Os alimentos que hai a dis-
posición hoxe no mundo abondarían
para quitar a fame de todos.
A parábola da multiplicación dos pans
e os peixes ensínanos precisamente
iso: cando hai vontade, o que temos
non se esgota, mesmo sobra e non se
perde.
Por iso, queridos irmáns e irmás, inví-
toos a que fagan un lugar no seu cora-
zón para esta urxencia, respectando
ese dereito que Deus concedeu a todos,
de ter acceso a unha alimentación
axeitada.
Compartamos o que temos, con carida-
de cristiá, con todos aqueles que se ven
obrigados a facer fronte a numerosos
obstáculos para satisfacer unha nece-
sidade tan primaria e, á vez, sexamos
promotores dunha auténtica coopera-
ción cos pobres, para que a través dos
froitos do seu traballo e do noso traba-
llo poidan vivir unha vida digna”.
Só o amor constrúe a paz. Nos Tilos
debemos ser promotores desa paz de
Xesús.
CÁRITASSUPERCELEBRACIÓN
Este mes iníciase –domingo 7– coa
solemne e festiva celebración das
VODAS DE PRATA parroquiais.
Son 25 anos cheos de dificultades,
historias e ilusións desde que un
grupo de fregueses entusiastas se
puxeron en marcha para configurar
unha parroquia desde a súa base
humana e crente.
Entre as primeiras aventuras estivo a
idea de construír un complexo parro-
quial no que o templo fose o elemen-
to central. O proceso construtor
levou un tempo pero rematou con
éxito en tempo récord coa xenerosa
colaboración de todos.
No transcurso destes anos, coa
imprescindible colaboración inicial
dalgún crego e, sobre todo, do noso
párroco Benjamín, foron quen
–todos eles– de contaxiar aquel espí-
rito intrépido aos que nos fomos
incorporando ou foron nacendo den-
tro da propia comunidade.
O camiño segue e estamos seguros
que aínda nos queda moito que facer,
pero tamén confiamos en que o teste-
muño dos que tanto se sacrificaron
dará froito abundante para que os
máis mozos, que tanto recibiron da
parroquia, se incorporen para manter
unha parroquia viva que responda ás
necesidades espirituais e humanas
que demandan uns novos tempos.
ACONTECEMENTOS
Bautismo:
Alejandro Martínez Sánchez, de
Pablo e Beatriz (24-05-2015)