Beginners Guide to TikTok for Search - Rachel Pearson - We are Tilt __ Bright...
Gamb’tadan nu babay sya sa agama islaam
1.
2. Ad’n isa a Hadith a pidtalu nin, su Dunya na kasangkapan na nya
d’n pinaka mapya kasangkapan na su babay a mapya. yanin tanda
na mana so kadtalu nu nabi Muhammad .
Pidtalu nu nabi Muhammad su Dunya na
kasangkapan na nyad’n mapiya kasangkapan na su babay a
mapya.
3. Katawan tanu a manga babay i s’kitanu na masla i
kamb’tadan tanu kanu Agama Islam iniganat d’n ku
kinauma nu pangahulu tanu a Nabi Muhammad
kagina ka maytu na dayt mambu salkitanu i
sabutan tanu su mga mapya adat-b’tad a mabaluy a
mangguman tanu kanu kabpagin’taw tanu sya sa
Dunya. Sabutan tanu i s’kitanu a manga babay a
minggungalan sa Muslimah atawaka Mu'minah na
ad’n a tuwangan nu kabpaguwag-uyag tanu a
panduwan nu Agama tanu sa ya maytu na dayt a
engguman’n tanu, unutan tanu, ditanu diyandin ka
masampay tanu siya ba su kapya kamb’tadan.
Kagina ka maytu na su niya a manga panduwan
salkitanu a manga babay na madak’l ugayd na
sinatiman’n ku salkanu a manga sul’d nami sa endaw i
taman a magaga ku lun di kalu-kalu maka enggay a
guna-guna salkitanu :
4. 1- Tatap’n su kalabit kanu ingalan nu
ALLAH(swt) kanu manga timpu a napatut su
kalabit lun, yanin ibaratan na amayngka
makak’du su taw na ad’n antu na salakaw i
kalabit nin, ad’n pan antu na yanin d’n malabit
na talampasa katatapan inya kanu s’kitanu a
manga babay i amayngka makak’du na
embalangkabiyas d’n i madtalu tanu sabap sa
dala malayam su dila ku ingalan nu ALLAH(swt).
Layam’n tanu su ginawa tanu kanu kalabit ku
ingalan nu ALLAH(swt) magidsan i siya sa
kakan, kain’m, kambal’gkas, kapangagas,
kapagabdas, kabpaygu, kaliyu nandu kalud’p sa
walay endu salakaw pan san ka su pangahulu
tanu a Nabi Muhammad na
s’kanin na tatap nin p’labit’n su ingalan nu
ALLAH(swt).
5. 2- Tatap’n su kalimpiyu kanu lawas,
bal’gkas, p’gkalb’nan, bagigan endu salakaw
pan san ka su kalimpyu na sabad kanu
palitiyaya (Eeman) nu taw magidsan i
babay atawaka mama. Dik’na siya bu kanu
ginawa ka taman d’n kanu pamilya upama
ka ad’n a pamilya nu taw na su manga wata,
su manga lawas nilan, bal’gkas nilan, atawa
ka mangadila nilan sa ya maytu na
ipamandu sa kanilan su mapya adat ka su
nya na responsibilidad nu luk’s salta na
kawagib bun mambu nu manga wata I
ipamandu sa kanilan su manga mapya adat
kanu Agama Islam.
6. 3- Tatap’n su kambal’gkas sa mal’ndu sa ya
maytu na dili mailay su awrat iganat d’n sa
baba na taman d’n sa pulu ka u bagilayn
tanu bu man na awrat a babay na langun nu
lawas nin ya tabiya na su duwambala a lima
nin endu su biyasnin. Kagina ka maytu na
apas’n tanu a manga babay i kasap’ngan
tanu su awrat tanu sa endaw i taman a
magaga tanu lun salta na u masulut bu na
dili tanu kakamutan amayka siya tanu sa
liyu ka inisapal bun inya nu Agama tanu
sakamaytu bun su kambal’gkas sa manga
bal’gkas a mamakaakit atawa
mamakabimban kanu manga mama.
7. 4- Tatap’n su ka kump’n kanu suwara sa
ya maytu na mapya su
kambibitiyala, mananaw, dik’na
masasaw endu dik’na matanug, su
kadtatawa na itagu sa sugat labi d’n u
amayngka ad’n a manga mama ka su
suwara nu babay na ad’n antu a timpu na
gabaluy a awrat ya nin ma'na na nisisita
b’s’n salkitanu a manga babay a
minggungalan sa Muslimah atawaka
Mu'minah i ad’n a tuwangan tanu
magidsan i siya kanu kambibitiyala tanu
atawaka siya kanu kadtatawa tanu.
8. 5- Dili tatap’n su kalyu sa walay sa apya dik’na
impurtanti na b’lyu sa makamana-mana lakwatsa
atawaka p’dsugud ka su kalyu nu babay sa dala bun
nisisita nin na dik’na intu pinam’dta kanu Agama
Islam ka ya man pinam’dta na su babay a tatap sa
walay. Amayngka Malayam d’n su babay l’myu atawa
s’mugud na paydu-paydu na gaawa d’n su kaya nin,
na ya ustu manga sul’d nami a manga babay na su
kaya banya na sul’d u kapalitiyaya kanu
ALLAH(swt), ka amayngka maawa d’n su kaya nu
taw na maawa d’n su palitiyaya nin kanu
ALLAH(swt), ya muntos a Mu'minah babay atawaka
maya mapya babay na su babay a balikayan ka
amayngka maawa su kaya nin na dili nin d’n
madsuliman na maawa su manga kapyanan, na ngin
i katagan nu babay amayngka dala kapyanan nin?
9. 6- Dili tatap’n su kapapamagilay-ilay
kanu manga taw sa ya maytu na titind’g-
tind’g kanu manga
paliwangan, pintuwan, sa galb’kan, sya
sa mga lalan asal bu a madsuliman su
kanisan atawaka salakaw pan san ka su
manga maya ba a style atawa ka gway-
gway na p’d inya a kadsabapan na fitnah
ya maytu na makasimpang kanu manga
mama ad’n antu na kadsabapan pan a
kabinasa nu tiwalaya.