1. CIENCIAS DA NATUREZA - PRÁCTICA DE LABORATORIO
FORMACIÓN DE CRISTAIS DE SULFATO DE COBRE
OBXECTIVOS
• Manexo de material de laboratorio.
• Desenvolver traballo en grupo amosando responsabilidade no
desenvolvemento da tarefa.
• Comprobar que tempo, espazo e repouso son 3 condicións
necesarias na formación de cristais.
MATERIAIS E REACTIVOS
• Auga destilada.
• Sulfato de cobre
• Tubo de ensaio.
• Pinzas de madeira.
• Tapa de placa Petri.
• Acendedor de alcohol.
• Tapón de cortiza.
PROCEDEMENTO

2. 1. Engade no tubo de ensaio os gramos de sulfato de cobre que
Marga colocou na mesa do laboratorio.
2. Engade auga no tubo de ensaio ata a metade do mesmo.
3. Coloca o tapón e axita.
4. Suxeita coas pinzas de madeira o tubo de ensaio e lévao á chama
do chisqueiro.
5. Ao quentar hai que evitar a ebulición violenta. Para iso, achega o
tubo de ensaio á chama, inclinado, e procurando que a chama
actúe sobre a metade superior do contido. Movéo constantemente.
NON DIRIXAS A BOCA DO TUBO CARA OUTRA PERSOA.
Cando se observe a ebulición rápida, retírao, achegándoo
novamente aos poucos segundos, realizando un quentamento
intermitente.
Coa calor conseguimos acelerar o proceso de disolución.
6. Rematarás cando todo o sulfato de cobre estea disolto.
7. Verte o contido do tubo de ensaio na placa Petri e colócaa onde
Marga indique.
8. Esperaremos varios días (é necesaria a evaporación da auga) e
posteriormente observaremos os cristais formados.
9. Unha vez rematada a práctica hai que lavar e recoller todo o
material empregado.

3. CUESTIÓNS
1. Que tres condicións son necesarias para a formación de cristais?
2. Debuxa os critais formados.
3. Como se formaron os cristais?