2. Para kay
Kgg. Feliciano “SB” Belmonte, Jr.
Isang Pagkilala at Pagpupugay sa Isang Napakahusay na
Ama ng Bayan at Ehemplo ng Tunay na Paglilingkod…
2
3. Mensahe
HERBERT M. BAUTISTA
Punong Lungsod
Mainit na pagbati sa Barangay Sta. Lucia.
Akoy ay lubos na nagagalak sa proyekto na ito na kung saan maipapakita ang
pinagmulan ng inyong barangay pati na ang mga magagandang nagawa nito sa ating
komunidad. Ito ay isang magandang simulain upang mas lalo pa nating mapagbuti ang
ating mga adhikain hindi lamang sa inyong barangay kundi pati na sa buong Lungsod
Quezon. Magsilbi rin itong inspirasyon para sa ibang barangay na mapaigting ang kanilang
mga paglilingkod tungo sa isang matatag at mapayapang pamayanan.
Pinupuri ko ang lahat ng bumubuo ng inyong barangay – sa inyong walang
pasubaling paglilingkod hindi lamang sa inyong nasasakupan kundi sa buong mamayanan
ng Lungsod Quezon. Ako ay nagtitiwala sa inyong kakayanan bilang mabisang kaagapay
ng Pamahalaang Lungsod tungo sa pag unlad at inyong maaasahan ang aking patuloy na
pagkandili at suporta sa darating pang mga hangarin at programa.
Mabuhay kayo at hangad ko ang inyong tagumpay.
3
4. Mensahe
MA. JOSEFINA G. BELMONTE
Pangalawang Punong Lungsod
Malugod kong binabati ang mga namumuno at mamamayan ng Barangay Sta. Lucia sa
inyong paglulunsad ng isang Aklat Pang-alala para maitala ang kasaysayan at pag-unlad ng inyong
Barangay.
Mula sa isang nayong pinapaligiran ng mga puno’t sakahan, ang Barangay Sta. Lucia ay
sumunod sa tawag ng panahon. Dumami ang nanirahan dito mula sa iba’t-ibang bahagi ng
Kamaynilaan at sulok ng bansa. Sa kalaunan, nagsimulang itayo ang mga subdivisions, naisaayos
ang kalsada, umusbong ang mga negosyo’t kalakalan. Ang lahat ng ito’y mga katangian ng isang
umuunlad na Barangay.
Ako, bilang inyong Pangalawang Punong-lungsod, ay naniniwala na ang kaunlarang
tinatamasa ng Lungsod Quezon ay dapat nararamdaman ng ating mamamayan sa pamamagitan ng
mga serbisyong pangkalusugan at pagpapalakas ng kakayanan nilang tugunan ang kanilang pang-
araw-araw na pangangailangan. Katuwang ninyo ako sa misyong ito. Nais ko lamang na lahat tayo
ay magkusang tumulong sa mga programa ng ating lungsod.
Hangad ko ang patuloy at matatag na pagharap ng Barangay Sta. Lucia sa hamon ng
panahon. Hangad ko ang inyong pagharap sa kinabukasan na punong-puno ng pag-asa.
Mabuhay tayong lahat!
4
5. Mensahe
WINSTON “WINNIE” CASTELO
Mambabatas ng Distrito 2, Lungsod Quezon
Mababang Kupulungan ng Kongreso ng Republika ng Pilipinas
NATATANGI AT KAHANGA-HANGANG AMBAG SA KASAYSAYAN NG
BARANGAY STA. LUCIA, LUNGSOD QUEZON
30 Agosto 2010, Araw ng mga Bayani
Katangi-tangi ang pagkakataong ito sa kasaysayan ng pamayanang Barangay Sta. Lucia. Ang pagbabalik
tanaw sa mayaman at mahalagang mga pangyayari, mga taong nakilahok at ang kanilang natatanging kontribusyon
sa kaunlaran ng komunidad na naka-impluwensya sa kanugnog na mga lugar, mga puwersa at institusyon na
humubog sa kultura at edukasyon at huwarang paglilingkod sa kapwa at munting lipunan na ito, sa nakalipas na
halos 48 taon ay tunay na kahanga-hanga.
Ang paglulunsad ng Aklat Paggunita at Parangal sa Pook Sta. Lucia, na ngayon ay Barangay Sta. Lucia sa
ilalim ng lokal na pampulitikang kaayusan sa Pilipinas, ay magpapaalala sa atin at ituturing na gabay sa patuloy na
isang Barangay na mangangalaga sa lahat ng naninirahan dito. Huhubog ng mga taong may mabuting kalooban at
maglilingkod sa kapwa, sa barangay, lipunan at bansa – sa ngalan ng Diyos na siyang bukal ng lahat ng pagkabayani
at pagmamahal.
Binabati ko sa espesyal na paraan sa napakahalagang yugto na ito ng bagong kasaysayan ng barangay Sta.
Lucia ang Punong Barangay na si WILLIAM R. BAWAG, sa kanyang matagumpay na paglulunsad ng mahalagang
aklat na ito – alay sa kasalukuyan at kinabukasan. Nagawa ito dahil sa kanyang malawak at may direksyon na
patungunahan para sa Barangay Sta. Lucia at mga tao dito. Ang nakaraan ang simbolo ng kanyang ilaw tungo sa
pagsusuri ng kasalukuyang kalagayan at pagpapakilos sa mga puwersang magdudulot ng maayos na pagsisilbi na
may katarungan at pagmamahal, magiging maligaya ang mga naninirahan, at may kaunlaran sa paparating na bukas
nang may malalim na pananampalataya sa Diyos.
Kasama sa aking pagbati ang buong Konseho ng Barangay Sta. Lucia sa kanilang paglilok ng mga
pamantayan at patakaran na tumutugon sa mga pangangailangan at tawag ng panahon, at mga Lupon
Tagapamayapa, mga Barangay Tanod, at ang lahat ng mga instrumentalidad sa ilalim ng Punong Barangay at sa lahat
ng naninirahan sa Barangay Sta. Luia sa pagsuporta sa buong mekanismo ng organisasyong paglilingkod at
pakikipagtulungan sa kabarangay.
Mabuhay kayong lahat at patuloy na maghari ang pagpapala ng Dakilang Maykapal sa ating lahat! 5
6. Mensahe
WILLIAM R. BAWAG
Punong Barangay
Sa aking tatlong termino ng panunungkulan sa ating barangay, una bilang SK Kagawad,
pangalawa bilang Barangay Kagawad at ngayon bilang Kapitan ang aking puso ay punong puno ng
pag-asa at pagmamahal para sa ating Barangay Sta. Lucia.
Nakita ng sariling kong mga mata kung paano nagkaroon ng kulay ang barangay. Bata pa
lang ako ay ninais ko na ang maglingkod. Nakita ko ang pangangailangan ng barangay,
naramdaman ko din ang pangangailangan ng mga tao na nakatira dito.
Hindi ko kahit kailan ninais na yumapak at manirahan sa ibang lugar dahil dito ko nakita
ang aking sarili. Dito tumitibok ang aking puso, mahal ko ang Sta. Lucia at dito ako maglilingkod.
Ito ang aking naging HAMON – Ang maging isang mahusay na lider na magpapalago at
magiging daan ng pagbabago para sa Sta. Lucia.
Ito naman ang aking naging daan para sa TAGUMPAY – Ang pagbibigay ng mas malawak
na mga programa, laging bukas na tanggapan kahit kanino, pagpapatupad at pagpapaunlad ng
mga daan at istruktura, pagkakaroon ng pagkakakilanlan ang barangay at ang bawat miyembro ng
komunidad.
Ang librong ito ay alay natin sa ating dating Ama ng Bayan – Kgg. Feliciano R. Belmonte, Jr.
dahil sa kanyang pag gabay at tulong upang mapaunlad ang ating barangay. Ito rin ay para sa inyo
bilang pagkilala sa bawat miyembro ng ating komunidad na tumulong sa ating paglago.
Ang ating buhay ay may mga paghamon, may mga balakid, ngunit sa pag gabay ni Santa
Lucia ang lahat ng hamon ay napapagtagumpayan. At sa tulong tulong na pagkilos lagi nating
isaisip na tayo rin ang susi upang maging Winner ang Barangay.
6
8. sang gabi habang naglalakad ako kasama ang aking asawa at anak na si Butsoy sa
kalsada ng A. Bonifacio, kung saan matatagpuan ang ating Elementary School ay
saglit akong napatigil, inikot ko ang aking mga mata at pinagmasdan ang aking
paligid. Napangiti ako at napahanga sa aking mga napagmasdan, ibang-iba na talaga ang Sta.
lucia, maunlad na!
Bumalik sa aking gunita ang itsura ng barangay natin
noon, mula sa aking kinatatayuan ay naalala ko ang mga lubak-
lubak na kalsada, kapag tag-araw kapag ikaw ay naglakad ay
para kang naglagay ng pulbos dahil sa alikabok at kung tag-ulan
naman, sayang ang kintab ng sapatos at maaring maiwan ang iyong tsinelas dahil putikan
ang iyong lalakaran. Madalas pa nga noong magkatakutan, dahil sa dilim ng mga kalye,
parang palagi kang makakasalubong ng multo at aswang sa daan.
Naalala ko pa nga ang tunog kokak ng mga palaka na nanggagaling sa tila lawa sa loob
ng malawak na bakuran ng San Gabriel na iilan pa lamang ang silid-aralan. Oo nga pala!
pwede kang dumaan sa tila burol na daan, papunta sa ating unang Barangay Hall at
Barangay Health Center o kaya naman ay papunta sa ating simbahan. Antagal na pala nun,
bata pa nun si aling Manang at si aling Marta nung dinadala ako ni Nanay sa Center para
magpa-konsulta.
Ang laki na talaga ng pinagbago at iniunlad ng STA. LUCIA, lalo na siguro kung
magkukwento ang mga lolo at lola, ate at kuya natin na naunang nakakita sa kalagayan ng
barangay natin. Ano nga kaya? Malapit na nga pala ang Foundation Day ng Barangay Sta.
Lucia, sa Mayo 10 na, at bilang KAPITAN dapat makaisip na ako ng programa para sa
pagdiriwang, dapat bongga!
Pero una, dapat alamin ko ang kasaysayan ng barangay natin, ang mga nagsilbing
kapitan at mga kagawad ng barangay, at siyempre lahat ng nagsilbing kawani nito at
nararapat lamang na ating bigyan ng pagkilala at pasasalamat ang mga tao at lider ng ating
barangay na tumanggap sa pagsubok at humarap sa hamon, upang gawing maganda, ligtas,
maunlad at kaaya-ayang panirahan ang ating pamayanan ng STA. LUCIA.
8
9. ng Sta. Lucia ay isa dati sa mga lugar na napakalayo sa kabihasnan. Maihaha-
lintulad ito sa isang kagubatan na hindi pa napapasok ng sibilisasyon.
Napapaligiran ng mga bukirin, matataas na talahib at maputik na daan. ito ay
binubuo ng 329, 245 square meters o 51.9 hektaryang bulubundukin na noon ay kaparte pa
ng San Bartolome Bata at pag-aari ng pamilya na kinabibilangan ni G. Mariano Gabriel kaya
ito ay tinawag na Gabriel Estate.
1955 sa kagandahang loob ni Mr. Gabriel ay ibenenta ang lupa sa dating People’s
Homesite and Housing Corporation (PHHC) o mas kilala ngayong National Housing
Authority (NHA) upang gawing Relocation Site ng mga residente na nililipat ng gobeyerno.
Ilan sa mga kauna-unahang pamilya na nilipat sa Sta. Lucia upang manirahan ay ang
mga taga Sorziego, Sta. Mesa ng taong 1959. Dito nabibilang ang mga magulang at kapatid
ng isa sa ating kagawad na si Kgd. Narciso Lamoglia. Sa tulong ng dating Senador at sikat na
artistang si Rogelio Dela Rosa ay nalipat ang mahigit kumulang na tatlumpung (30) pamilya
mula sa nasabing lugar. Ilan sa mga ito ay mga pamilyang kinabibilangan nila G. Isaac
Bautista, G. Juan Lopez at G. Jesus Flores.
Sa tulong naman ng dating Presidente Carlos P. Garcia ay naging simula na ito ng
sunod sunod na pagdating ng ilang mga pamilya mula sa Meralco Compound na
kinabibilangan nina G. Tamayo at Almeda Compound Tondo na kinabibilangan naman ng
mga pamilya nina Pacita Roque, Emma
Roque, Estelo Roque, Lourdes Roque,
Arturo David, Delfin Roque at ng 1962 sa
kagustuhan ng mga mamamayan na
magkaroon ng kasarinlan at pagkaka-
kilanlan ay sumulat sila ng isang petisyon
na naglalayong maipangalan ang lugar sa
isang patron.
Sa pangunguna ni G. Tamayo ay
gumawa ng petition ang mga tao na
maipangalan sa patronang si Santa Lucia
ang lugar.
9
10. Santa Lucia
yon sa pagsasaliksik, ang pagbibigay pangalan sa ating barangay ay mula sa
suhestyon ni G. Tamayo na isa sa mga masisipag na naglakad upang maging isang
bukod na barrio ang ating lugar.
Ayon pa sa mga kwento, may mga iba’t ibang pangalan na naisip ibigay sa ating lugar.
Naisama na rin sa pagpili ang pangalang San Gabriel, ngunit ayon kay Bb. Emma Roque, ang
patrona ng lugar na pinanggalingan nuon ni G. Tamayo ay si Santa Lucia at bilang deboto ninais
isunod ni G. Tamayo ang pangalan ng ating lugar kay Santa Lucia na malugod namang
tinanggap ng kanyang mga kasama.
Mula noon at sa bisa ng kanilang Petisyon, kanila ng inilagay na ang magiging pangalan
ng nooy munting barrio ay Santa Lucia.
Ang pagkakaroon ng pagkakakilanlan ay isang napakahalangang bahagi ng pagsisimula
ng isang komunidad. Sinasalamin nito na kahit noon pa man ay likas ng relihiyoso at madasalin
ang ating mga naunang ninuno.
10
11. t sa bisa ng isang City Council Ordinance 5066, S-62 at sa tulong ng City
Committee on Barrio Government noong MAY 10, 1962 ay naaprubahan ng
konseho ang paglikha sa Santa Lucia bilang isang nakahiwalay na Barrio na nooy
nasasakop pa ng San Bartolome Bata at inilagay ang takdang hangganan nito. Mapalad na
nakuha pa natin ang sipi ng nasabing Ordinansa na nilagdaan ng dating Vice Mayor Vicente
O. Novales at sinertipikahan naman ng City Secretary Rustico A. Valdellon.
B4, 3, 2, 1 First Sta. Lucia Chapel (Damayan Rice Field)
11
12. t ng taong 1975 sa bisa ng isang Executive Order mula sa Punong Lungsod Kgg.
Norberto Sarino Amoranto ay kinilala ng isang ganap na barangay ang dating
barrio Sta. Lucia, kasabay ng ilang lugar na matatagpuan din sa Lungsod Quezon.
12
13. Narito naman ang talaan ng mga kababayan natin na naglingkod sa ating barangay...
JOE DEOGRACIAS
(1955 – 1962)
yon sa ating isinagawang pagsasaliksik at pagtatanong sa mga kauna unahang tao
sa ating komunidad na sina Bb. Emma Roque, G. Eduardo Roque, G. Charito
Jacinto at Kgd. Narciso G. Lamoglia ang unang namuno sa ating barangay ay si G.
Joe Deogracias.
Bilang isa sa mga pinaka unang tao na nanirahan sa lugar ay kinilala sya ng
komunidad na maging pinuno at sangunian ng lahat ng usapin sa lugar.
Binigyan ng mataas na paggalang at napagkaisahan na syang maging Tinyente del
Barrio ng lugar. Lahat ng mga suliranin at usapin ay sa kanya dinudulog ng mga naninirahan
noong panahon na iyon.
Ayon sa ating mga napagtanungan, ang natitirang kamag-anak ng mga Deogracias dito
ay ang mga Pamilya Badiable. Sinikap ng patnugot na mahagilap ang ilang sipi ng litrato ng
unang Tinyente del barrio subalit wala na ring makapagbigay alam ng kinaroroonan ng
kanyang natitirang malalapit na kamag-anak.
Natapos ang kanyang paglilingkod ng magkaroon at maisabatas ang kauna-unahang
eleksyon pambarangay sa ilalim ni Pangulong Diosdado P. Macapagal.
13
14. Estelo Roque
(1962 - 1967)
unsod ng kauna-unahang Barangay Election noong January 28, 1962 makatapos
ang pamumuno ni G. Joe Deogracias ay tumakbo bilang susunod na Tinyente Del
Barrio si G. Estelo Roque, kasama ang ilan pang residente kabilang sina G. Arturo
David, Fabian Tamayo, Jose Lamoglia at Inocencio Reyes.
Sa pagkakamit ng pinakaraming boto ay naiproklama si G. Roque bilang Tinyente Del
Barrio at ang sumunod na apat na may matataas na boto naman ang kanyang naging mga
konsehal.
Arturo G. David Fabian Tamayo
Jose Lamoglia Inocencio Reyes
14
15. Felino Jumadiao
(1967 - 1969)
akalipas ang limang taon ay nagkaroon ulit ng Barangay Election. Naluklok
naman sa pwesto si G. Felino Jumadiao, na syang ama ng naging kapitan din na
Leonito Jun Jumadiao. Sa mga panahon ito ay wala masyadong naitala na mga
pagbabago sa barangay, dahil na rin sa kawalan ng pondo mula sa pamahalaang lokal.
Ayon sa pagsasaliksik narito ang ilan sa mga naging kagawad ng panahon ni G. Felino
Jumadiao.
Che Gagui Ben Dalida Inocencio Reyes
Renato Santos Jun Navasca
15
16. Ernesto Linga
(1969 - 1982)
sa sa mga naging pinakamalaking papel na ginampanan sa pag-unlad at
pagbabago ng Sta. Lucia ay ang dating Kapitan Ernesto Linga o mas kilala sa
pangalang “Boy Mamaw.” Dahil na rin siguro sa taglay na kakisigan nito noong
panahong iyon ay marami ang nangilag sa kanya, lalo na ang mga masasamang loob.
1969 ng una syang maluklok sa pagiging Kapitan at tumagal ito ng hanggang 1982.
Mahigit kumulang labintatlong taon (13 years) na serbisyo. 1971 ng idineklara ang Martial
Law at simula noon ay wala ng naging eleksyon para sa pamahalaang lokal.
Naging mas makulay ang barangay sa kanyang kakaibang pamamahala. Isang
pamamalakad na nirespeto at pinangilagan naman ng ilan. Halimbawa na lang ay ang
pagpapaikot sa mga nahuhuling magnanakaw upang maging babala at halimbawa sa mga
taong nag-iisip na gumawa ng masama. Ang mga nanggugulo sa barangay o nagwawala ay
kinukulong sa ginawang kulungan sa gitna ng Barangay Plaza upang di na pamarisan ng iba.
Ngunit hindi lamang ang tapang at higpit ang naitala ng panahon ni Kapitan Linga,
maging ang makulay na selebrasyon tuwing Piyesta ay sya ang nagpasimula. Ang makulay
at maingay na labanan ng Ati Atihan, Palarong Basketball sa Kabataan at sa mga nakatatanda
na rin at iba pang palaro katulad ng agawang buko, palasebo at iba pang tradisyonal na laro.
At noong June 25, 1975, kalagitnaan ng Martial Law ng magpasa ang City Government
ng Quezon City ng Executive Order No. 26 na ginagawang isang Barangay ang dating Barrio
Sta. Lucia. Ang mga pagbabagong ito ang nasaksihan ng administrasyon ng dating Kapitan
Ernesto Linga. Sa kanya ding pangunguna naitayo ang Basketball Open Court, Tennis Court
at Health Center.
16
17. Narito naman ang mga miyembro ng kanyang konseho na tumulong sa kanyang
maayos na pamamalakad.
Estanislao Galarpe Alejandro Budios Pelagio de Guzman
Konsehal Konsehal Konsehal
Felix Eudin Roberto dela Luna Pedro Aguilos
Konsehal Konsehal Konsehal
Eugenio Velena Josefina Galarpe
Barangay Secretary Barangay Treasurer
17
18. Dominador Cordero
(1982 – 1986)
ay 17, 1982 pagkatapos ng mahabang paglalagay sa Martial Law ang buong bansa
ay nagkaroon muli ng lokal na eleksyon. Sa nasabing eleksyon ay nagkaroon ng
patas o pantay ng boto ang magkalabang Dominador Cordero o mas kilala sa
pangalang “Domeng Bagyo” at Ernesto Linga o “Boy Mamaw.”
Upang malaman at maiproklama ang nanalo ay nagkasundong magkaroon ng “toss
coin”. Kinalabasan nito ay ang pagkapanalo ni dating Kapitan Dominador Cordero na
maayos namang tinanggap ni Kapitan Ernesto Linga.
Ben Briñas Teresita Gonzales Eduardo Roque
Konsehal Konsehal Konsehal
Estanislao Galarpe Alfonso Delicana Virgilio Reyes
Konsehal Konsehal Konsehal
18
19. Arturo David
(1986 - 1989)
ebruary 07, 1986, nagkaroon ng EDSA Revolution laban kay dating Pangulong
Ferdinand E. Marcos. Niluklok ng mga tao si Pangulong Corazon Aquino bilang
bagong Pangulo ng Pilinas at tinawag itong Revolutionary Government.
Kasabay din nito ay ang paglalagay ng panibagong administrasyon na pansamantalang
hahawak sa lokal na pamahalaan o tinatawag na Officer In Charge (OIC).
Naging OIC ng Quezon City si dating Mayor Jun Simon at bilang katuwang sa
barangay ay nai-appoint naman na OIC ng Barangay Sta. Lucia si G. Arturo David ngunit
nanatili sa pwesto ang ilan sa mga dating kagawad.
Teresita Gonzales Ben Briñas Alfonso Delicana
Konsehal Konsehal Konsehal
Virgilio Reyes Estanislao Galarpe Narciso Lamoglia
Konsehal Konsehal Konsehal
19
20. Ernesto Linga
arch 28, 1989, matapos ang mahabang pamamahala sa
(1989 - 1994)
ilalim ng Revolutionary Goverment ay nagsagawa
muli ng malawakang eleksyon.
Sa tinatawag na Collegial Election, ang may pinakamataas
na boto ang makakakuha ng pinakamataas na pwesto bilang
Punong Barangay at ang mga sumusunod na anim ay bilang mga
kagawad.
Punong Barangay
Estanislao Galarpe Willie Entendez Narciso G. Lamoglia
Kagawad Kagawad Kagawad
Ma. Lourdes A. Arreza Dominador Cordero Alfonso Delicana
Kagawad Kagawad Kagawad
Tennis Court Basketball Court Old Health Center
20
21. ay 9, 1994 ng nagkaroon ng pang pitong halalang Juan Arreza
pambarangay. Naluklok sa pwesto si G. Juan Arreza (1994 – 1997)
bilang Punong Barangay kasama ang pitong kagawad
na nakakuha ng matataas na bilang ng boto.
Sa kanya ring panunungkulan ay nagsimulang maitayo
ang 2-Storey Barangay Hall at Police Block.
Estanislao Galarpe Gerry Go Luciano Galvez Punong Barangay
Kagawad Kagawad Kagawad
Narciso Lamoglia Neolito Salas Willy Entendez Liliosa Sta. Cruz
Kagawad Kagawad Kagawad Kagawad
2 Floor Barangay Hall Police Block
21
22. Luciano Galvez
alagitnaan ng taong 1997 ng naluklok naman sa pwesto si
(1997 – 2002)
Kapitan Luciano Galvez sa pamamagitan ng malinis na
eleksyon.
Sa panahon ng kanyang paglilingkod nagkaroon ng sariling
Fire Sub Station ang Barangay Sta. Lucia.
Sa kanila ring konseho nagmula ang pagsasaayos ng ilang
mga rip rap sa barangay, Basketball Court at tulay ng Tarhaville at
Galvez. Punong Barangay
Nagsimula na rin sa kanyang pamumuno ang ilang asphalting Projects ng ating barangay.
Noli Salas Willy Entendez Jun Jumadiao Narciso Lamoglia
Kagawad Kagawad Kagawad Kagawad
Gerry Go William Bawag Narcisa Galvez Michael Untalan
Kagawad Kagawad Kagawad SK Chairman
22
23. Leonito John Jumadiao November 2002, naihalal ang pang-sampu na pinuno ng
ating barangay sa katauhan ni Kapitan Leonito John Jumadiao. Sa
(2002 – 2007) kanyang pamamagitan at ng kanyang konseho ay napagtibay ang
Suyod Buwis upang mapalakas ang kita ng barangay. Ang kanyang
konseho rin ang tumulong upang matupad ang ilang proyekto ng
palupa sa barangay.
Punong Barangay Jay Atienza Michael Untalan William Bawag
Kagawad Kagawad Kagawad
Hermie Flores Wawit Galarpe Ma. Lourdes Arreza Peping Ocampo
Kagawad Kagawad Kagawad Kagawad
Carmela Valerio Conrado Arias Jr. Stella Cabildo
SK Chairman Secretary Treasurer
Sta. Lucia Brgy Hall
Concreting & Drainage
San Gabriel Elementary School Improvement
23
25. William R. Bawag
Punong Barangay
(2007 – Present)
Michael P. Untalan Narciso G. Lamoglia Lourdes A. Arreza Francisco P. Niñal
Kagawad Kagawad Kagawad Kagawad
Conrado T. Arias Jr. David A. Cornejo Nestor M. Sierra Dionie C. Bawag
Kagawad Kagawad Kagawad SK Chairman
Noeme Diaz-Salonga Stella Marie A. Cabildo
Kalihim Ingat Yaman
25
26. Roque – ito ang apelyido ng unang Tinyente
Del Barrio na ginawaran ng unang pag-
titiwala ng ating mga kabarangay dito sa Sta.
Lucia. Si Estelo Roque ang unang elected
Official noong 1962 at sya rin ang lolo sa
tuhod ng ating Kapitan.
Bawag – ito ang apelyido ng ilan sa mga
mahuhusay at matatalas ang isip na nagsi-
pagtapos sa ating mga paaralan ng San
Gabriel Elementary School at Sta. Lucia High
School. Si G. Nano Bawag o mas kilalang
Mang Nano, kilalang matapang at dating
Katipunero, sya ang lolo ng ating Kapitan.
Malinaw na nananalaytay ang pagiging lider,
Kapitan William Roque Bawag talas ng kaisipan at likas na katapangan sa
kanyang dugo bilang Roque at Bawag. Sabi
nga ng iba kung ano ang puno ay sya rin marahil ang bunga. Sa paningin ng nakararami
nating residente ay higit pa ang kanyang ipinamamalas.
Ipinanganak si Kapitan William R. Bawag noong ika-6 ng Pebrero, taong 1977 dito sa
Barangay Sta. Lucia, sa mag-asawang Ofelia Roque at Florante Bawag sa kanilang tahimik at
simpleng tahanan sa may Abad Santos Street, Sitio 6 ng ating barangay.
Nagtapos ng pag-aaral sa San Gabriel Elementary School at Sta. Lucia High School kung saan
sya ay nagpamalas ng kahusayan sa larangan ng akademika at maging ekstra kurikular.
Tunay na maituturing na lehitimong taga Sta. Lucia, ipinanganak lumaki at lumago dito sa
Sta. Lucia. Nag-aral sa AMA Computer School at nagtapos ng kurso sa larangan ng
Computer Programming and Technology.
Dahil nananalaytay sa kanya ang pagiging lider ay pumasok sya sa larangan ng pulitika
bilang SK Councilor at nanalo ng taong 1994, kasama nina Rowena Tolosa sa panahon at
pamumuno ni dating Kapitan Juan Arreza.
26
27. ikas na sa kanya ang maging angat sa iba, napansin ang kanyang galing at husay
at kinuha sya na maging kaagapay ng barangay sa mas malawak na paninilbihan.
Taong 1997 ng sumabak sya bilang kagawad, buong puso naman syang
sinuportahan at binigyang tiwala ng mga residente at nailuklok sya sa pwesto bilang pinaka
batang kagawad sa kanyang panahon. At bilang kagawad naging adbokasya na nya ang
bantayan ang kalinisan, kaayusan at kabutihan ng bawat kabataan sa barangay.
BPSO RECOVERED FIREARMS & DEADLY WEAPONS
Dahil sa angking talino, makataong pamamahala, mahusay na pakikisalamuha sa lahat
ng uri ng tao at higit sa lahat mga konkretong proyekto na naipatupad sa panahon ng
serbisyo ay nailuklok sya sa pinakamataas na pwesto sa barangay noong Oktubre ng 2007.
Pagpapatunay na ang tiwala at pagmamahal ng komunidad ay nasasalamin sa ating batang
Kapitan.
27
28. ecember 1, 2007, sa edad na 30 anyos, nanumpa ang pang labing-isa at pinakabatang
Kapitan sa kasaysayan ng Sta. Lucia - Si Kapitan William Roque Bawag. Bagamat
napapaligiran ng mga Kagawad na medyo nakakatanda, hindi ito naging hadlang
upang hindi malayang maisagawa ng ating Kapitan William ang kanyang mga pangakong
binitawan. Sa katunayan, naging maayos at kaigaigaya ang samahan ng mas nakakarami sa
kanyang konseho. Ngunit, katulad ng alon sa dagat, minsan ay sadyang may mga unos na
sumusubok sa katatagan ng ating lider. Mga usaping pilit na sumisira sa kanyang pagkatao at
pamumuno. Sa lahat ng ito ay nanatili ang kanyang katatagan na maipatupad kung anuman ang
dapat at maitama kung ano man ang mali.
Ang lahat ng ito ay matapang nyang hinarap, at ni minsan ay hindi napanghinaan ng loob
o nasira ang pagiging maginoo ng ating batang kapitan. Sa makisig nyang pangunguna ay pilit
nyang pinalalakas ang hanay ng mga BSDO at Volunteer Barangay Tanod sa pagpapatupad ng
batas at pagbabantay ng kapayapaan sa kapaligiran.
At sa huli, mahirap man ang napagdaanan, tagumpay pa rin ang idinudulot nito sa
kanyang pamunuan. Patunay dito ang paggagawad ng pagkilala sa ating barangay bilang
“BARANGAY BEST PEACE IN ORDER” ito ay pinili ng mga Kapulisan at ilang mga taga
Gobyerno bilang barangay na may pinakamababang naitala na kaguluhan sa panahon ng
kanyang pamumuno.
28
29. ala na rin at tulong ng kanyang kabataan at kaalaman, naipasok nya ang mga
modernong sistema at pamamaraan na makatutulong sa barangay. Ang
Computerized Database System, ito ay isang programa na ipinangako ni Kapitan
William R. Bawag sa kanyang nasasakupan. Ngayon, ang mga taong walang mapagkakakilanlan
ay maaari ng kumuha ng BARANGAY ID sa murang halaga.
Ang kauna-unahang kumuha ng Barangay ID
Barangay Identification Card
Computerized Database System
29
30. ay mga programa ring nagnanais na maipakilala ang mga taga Sta. Lucia at
mailapit ang mga tao sa barangay. Mga programang nagbigay kulay sa
pagdiriwang ng ating Kapistahan at Araw ng Pagkakatatag upang maipakita ang
talento at ganda ng mga taga Sta. Lucia katulad ng mga sumusunod:
Search for Search for
Binibining Sta. Lucia 2008 Binibining Sta. Lucia 2009
Wiggle your Body 2008 War of the Bands 2008
30
32. Mga programa na nakatuon sa pagpapalago ng kaisipan
ng bawat mamayan, matanda man o bata
Pirmahan ng Kasunduan (MOA) sa pagitan ng Bgy Sta Lucia Council at Sta. Lucia High School
para sa programang Alternative Learning System (ALS) ng DepEd
Unang Araw ng Pasukan, dinalaw ng ating Bgy Capt William R. Bawag ang mga Day Care Centers
sa ibat' ibang sitio upang tignan ang kanilang kasalukuyang sitwasyon at pangangailangan
DILG Seminar para sa Paghahanda sa anumang Sakuna (Disaster Preparedness Program)
na isinagawa ng Barangay Council noong June 10, 2010.
Pagpapalakas at muling pagbuhay ng Barangay Sta. Lucia Anti-Dengue Brigade
32
33. Anti Violence Against Women and Child (VAWC) Seminar na ginanap sa San Narciso Zambales
kasama ang ilang miyembro ng Lupon Tagapamayapa, HOA at BPSO
Pagpupulong ng mga miyembro ng Barangay Council for the Protection of Children (BCPC) at
Barangay Nutrition Council (BNC) bilang paghahanda sa Nutrition Month
Health Center on Wheels, programa ng ating City Health Department kung saan ang klinika ay
dinadala sa mga lugar na may kalayuan sa sentro ng pagamutan o Health Center.
Anti Dengue Seminar na pinangunahan ni Dra. Ma. Corazon R. Roque
(Sta. Lucia Super Health Center), BPSO Inspectorate Jun Gabua at BPSO Ronald Añasco
33
34. ga programa na nakatuon sa pang kalusugang pangangailangan ng ating mga
residente sa pakikipagtulungan ng iba’t ibang Departamento ng Gobyerno at mga
Non-Government Organization (NGO).
Medical Mission
Dental Mission
Free Eye Check Up & Eye Glasses
Operation Tule
34
35. Libreng Ambulansya Operation Timbang
Vitamin A Supplementation Feeding Program
Feeding Program
35
36. ga programang nakatuon upang bigyang halaga ang pangangailangang espirit-
wal. Mayroon din namang mga programa na nakatuon upang palakasin ang
bigkis ng samahan ng mga empleyado at pagkilala sa kanilang mga gawa.
Unang Pagdalaw ni Bishop Tobias sa Barangay Sta. Lucia
Inagurasyon ng Atherton Bridge ni Presidente Gloria Macapagal Arroyo
kasama sina Mayor Sonny Belmonte at Cong. Annie Susano
Pagsali ng Barangay Sta. Lucia sa Parol Para sa Kalikasan
Sports Bits Bowling Tournament
36
37. Kasalang Bayan 2008 Anti Dengue Brigade 2009
ALS School Supplies Distribution 2009 Centennial Celebration 2008
Senior Citizens Red Cross 143 Seminar 2008
Blood Letting Christmas with the Kids 2009 Boodle Fight with BPSO
37
38. ay mga programa din si Kapitan William, sa tulong ng iba’t ibang NGO at ahensya
ng gobyerno, na nagnanais tumulong na magbigay kasanayan sa ating mga
residente upang magkaroon ng sariling pangkabuhayan.
Cosmetology Training Reflexology & Massages Training
Barista Training Auto Mechanic Training/Seminar
3 Months Hotel & Restaurant Services Training
Jobs Fair Local and Abroad
38
40. ng mga konkretong programang nabanggit ang nagbigay buhay sa bawat puso ng
mga magulang, estudyante, guro o maging mga simpleng mamamayan na
makibahagi sa mga programa at gawain ng ating Barangay.
Naniniwala ang ating Punong Barangay na ang susi ng isang maunlad na pamayanan
ay nasa pakikipagkaisa ng bawat doon ay naninirahan.
Sa kanyang maayos na pamumuno ay sumibol ang mga magagandang pagbabago at
paglago. Na kung ating babalik tanawin ay madaling makikita lalo na sa aspetong pisikal ng
Barangay.
NOON NGAYON
Kalye ng T. Alonzo
Kalye ng P. Paterno
40
41. NOON NGAYON
Kalye ng J. Luna
Kalye ng J. P. Rizal
Kalye ng A. Bonifacio
41
42. NOON NGAYON
Barangay Court
Barangay Plaza
Kalye ng J. P. Rizal cor T. Alonzo
42
45. a kasalukuyan ay binabalangkas naman ni Kap William R. Bawag ang ilang mga
programa na makakatulong sa kalusugan ng ating mga kabarangay na may
espesyal na pangangailangan sa tulong ng Far Eastern University (FEU) Hospital
at mga estudyante nito.
Gayun din naman ang mga pang laboratoryo ng mga matatanda ay nais matugunan ng
ating Kap William sa tulong na rin ng Presidente ng Federation of Senior Citizens of the
Philippines (FESCAP) Sta. Lucia Chapter na si Kgd. Narciso G. Lamoglia ay naglagay sila ng
kaunting pondo upang mailibre ang ilang mga laboratoryo ng mga piling matatanda .
Kung tutuusin ay napakarami pa ang nakalista sa mga bagay na nais magawa ng ating
Kapitan, subalit lahat ay nakasalalay sa pagkakaroon ng sapat na pondo na manggagaling sa
ating pamahalang lokal.
Sa huli, masasabi natin na ang pagiging Ama ng Barangay ng ating Kap William R.
Bawag ay parang iginuhit na ng tadhana. Dahil sa simula pa lamang ay nailatag na ng
kanyang mga ninuno ang malinis na pangalan sa pangangalaga ng ating pamayanan.
Ang pagiging Public Servant ay isang biyaya mula sa ating Panginoon para kay Kap
William R. Bawag, dahil hindi lahat ay nabibigyan ng ganitong pagkakataon na makapagsilbi
sa nakararami. Isa ito sa mga dahilan kung bakit ang ating nasasalamin ay isang maayos at
mahusay na liderato mula sa kanya na malinaw nating nakikita sa mga konkretong
pagbabago, mula sa mga daang sementado hanggang sa mga maliliit na programang
ibinababa sa bawat sulok ng ating barangay.
Sa kanyang maayos at magandang paglilingkod, marahan ngunit siguradong
pamamaraan, mula sa maliliit na pangarap ay unti-unti ng naisasagawa ang magandang
simulain at adhikain na gawing Winner ang Barangay hindi lamang sa programa kungdi
maging sa pag-iisip ng bawat residente nito.
Sa huli nais ng ating Kapitan William R. Bawag na ating tandaan, na ang isang
maganda at progresibong barangay ay nagmumula sa isang aktibo, maayos at makataong
samahan na nakasalalay sa tunay na paglilingkod na ating kasalukuyang nararanasan.
45