nationalismo sa india

1. GROUP 12
● Daryl Joseph Janda
● Eric Gabriel Angeles

2. NASYONALISMO SA
INDIA
ARALIN 1

3. 1. Salik sa Pag-usbong ng Nasyonalismong Indian
2. Mga Pambansang Samahan
3. Tensiyon Pagkaraan ng Digmaang Pandaigdig
4. Si Mohandas K. Gandhi
5. Ang Government of India Act ng 1935

4. Mga Pangyayari:
•1885 – Pagtatag ng Indian National Congress
•1906 – Pagtatag ng Muslim League
•1919 – Pagtakda ng Rowlatt Act
– Ang Massacre sa Amritsar
•1920 – Pangunguna ni Mohandas Gandhi sa pagboykot ng
mga produktong British
•1930 – Pagsagawa ng Salt March
•1935 – Pagtakda ng Government of India Act

5. Ang kalupitan at mababang pagtingin ng mga British
sa mga mamamayan ng India ang nangingibabaw sa
bansa sa panahon ng kanilang pamamahala. Ang
pagkamuhi ng mga Indian sa dayuhang mananakop
ang nagsilbing mitsa sa pag-usbong ng damdaming
nasyonalismo sa mga mamamayan nito. Ang kanilang
pagmamahal sa bansa ay naipakita sa pamamagitan ng
pagtatag ng mga samahan na naghahangad ng
pagbabago sa kalagayan ng mga Indian.
Higit na naging masidhi ang mga mamamayan ng India
na makamit ang kalayaan ng bansa nang pangunahin
ni Mohandas Gandhi ang isang natatanging paraan ng
pagtutol sa di-mabuting pamamahala ng mga British sa
bansa--- ang Satyagraha

6. Salik sa Pag-usbong ng
Nasyonalimong Indian
Nagsimulang mabanaagan sa mga Indian
ang pagmamahal sa sariling bansa sa
kalagitnaan ng 1800s. Ito ay nang mag-alsa
ang mga sundalong Sepoy laban sa
mga British noong 1857 dahil sa
pagwalang-bahala ng mga dayuhan sa
kanilang paniniwala. Para sa mga Indian,
ang kalupitang dinanas ng mga Sepoy sa
kamay ng mga British ay isang patunay ng
kawalan ng pagmamalasakit ng mga
British sa kulturang Indian.

7. Ang pagpatuloy na diskriminasyon ng mga dayuhang
mananakop tulad ng hindi pagbibigay ng pagkakataon sa
mga Indian na humawak ng mataas na posisyon sa
pamahalaan at di-pantay na pagtingin sa mga katutubong
Indian ang nagpatindi sa galit ng mga mamamayan laban
sa mga British. Dahil dito, naging mabilis ang mga
pangyayari sa India tungo sa pag-unlad ng damdaming
nasyonalismo ng mga mamamayan nito.
Maliban sa diskriminasyon, nakapag-ambag din ang mga
sinasabing mabuting nagawa ng mga British sa India
tungo sa pagkakaroon ng damdaming nasyonalismo.
Halimbawa nito ay ang pagbibigay ng edukasyon sa mga
kabataan at pagpapaunlad ng transportasyon at
komunikasyon sa India.

8. Edukasyon
Malaki ang papel na ginampanan ng edukasyong nakamit ng mga Indian sa
pag-usbong ng nasyonalismo sa bansa. Sa mga taong 1800s, maraming
Indian ang nakapag-aral sa mga pamantasang ipinatayo ng mga British sa
India. Ilan sa mga katutubong Indian ang nakapunta sa London at iba pang
lugar sa Britain upang magtapos ng kanilang piniling kurso. Sa kanilang
pag-aaral, natutunan nila ang iba't ibang paniniwala ng mga pilosopong
Europeo na naninindigan ukol sa kalayaan at pagka-makabansa. Nabuksan
ang kanilang isipan ukol sa pagkakapantay-pantay at sa karapatang pantao
ng bawat mamamayan. Dahil dito, nagsimulang tuligsain ng mga mag-aaral
na Indian ang di-mabuting pamamalakad ng mga British sa India.
Isang halimbawa nito ay si Ram Mohun Roy na nabuhay noong 1722
hanggang 1833. Siya ay edukadong Indian na nagnais na magkaroon ng
pagbabago sa India. Binibigyang-diin niya na nararapat lamang na alisin na
sa buhay ng mga Indian ang makalumang tradisyon na nagsilbing hadlang
sa kaunlaran ng bansa kung kaya't patuloy paring kontrolado ng mga
dayuhan ang India. Isa rito ang pag-alis sa suttee o pagpapakamatay ng
mga naulilang asawang babae.

9. Transportasyon at Komunikasyon
Pinaunlad ng mga British ang transportasyon at
komunikasyon sa India upang maging mabilis ang
kalakalan sa bansa. Malaki ang naging kabutihan
nito sa mga dayuhan sapagkat lumaki ang kita ng
Britain mula sa mga produkto na iniluluwas sa
India. Magkagayon man, ang maayos na kalsada
at mabilis na komunikasyon ay nagbigay-daan sa
pagkakaisa ng mga mamamayan sa India. Dahil
dito, madaling nakapag-usap ang mga Indian ukol
sa kanilang kalagayan at nakapagplano sa
maaaring maging hakbang sa paghingi ng
pagbabago sa pamahalaang British.

10. Mga Pambansang Samahan
Napatunayan ang kahalagahan ng edukasyon at mahusay na komunikasyon bilang
mga instrumento sa pag-unlad ng damdaming nasyonalismo ng mga Indian sa
pagtatag ng mga samahang may layuning pangalagaan ang kapakanan ng mga
mamamayan sa bansa. Ito ay ang Indian National Congress at Muslim League.
Itinatag ang Indian National Congress noong 1885. Pinangunahan ito ni Allan O.
Hume na isang Ingles na nanirahan sa India. Umabot sa 70 kintawan mula sa mga
lalawigan ng bansa ang lumahok sa pulong nito sa Bombay na karaniwan ay mga
edukadong Hindu. Nanawagan sila sa mga pinunong British na bigyan ang mga
Indian ng mas mataas na posisyon sa pamahalaan.
Noong 1906, isang samahan ng mga Muslim ang itinatag sa bansa at tinawag ito na
Muslim League. Pangunahing layunin nito na magkaroon ang lahat ng mga
katutubong Indian mula sa iba't ibang relihiyon at pangkat-etniko ng pagkakataon na
makalahok sa pamahalaan.

11. Ang dalawang samahang ito ang nagsilbing tinig ng mga mamamayang
Indian laban sa maling pamamalakad ng mga British. Ito rin ang nagtaguyod
ng mga pagbabagong nararapat lamang ipatupad ng mga dayuhang
mananakop sa India. Isa rito ang isyu ng paghahati ng Bengal sa dalawang
magkahiwalay na distrito.
Nang magpasiya ang mga pinunong British na hatiin ang lalawigan ng
Bengal sa dalawang rehiyon kung saan pinaghiwalay ang mga lugar ng mga
Muslim at ng mga Hindu, maraming Indian ang tumutol. Noong 1905,
nanawagan ang Indian National Congress na iboykot o huwag tangkilikin
ang mga produktong British bilang protesta sa isinasagawang paghahati sa
Bengal. Nagsimula ang boykot sa Calcutta at mabilis na lumaganap sa lahat
ng panig ng bansa. Bukod dito, pinayuhan nila ang mga mag-aaral na huwag
pumasok sa mga institusyong pinangangasiwaan ng mga British, bagkus ay
nagplano na magtayo ng paaralang magbibigay-tuon sa kadakilaan ng
kulturang Indian. Ilan sa mga radikal na Indian ay gumamit ng marahas na
paraan upang ipakita ang kanilang galit sa mga dayuhan.
Higit na naging maalab ang damdaming makabansa ng mga Indian
pagkaraang maganap ang Unang Digmaang Pandaigdig sa Europe na
nagsimula noong 1914.

12. Tensiyon Pagkaraan ng
Digmaang Pandaigdig
● Ang Pangako
Kabilang ang Britain sa mga bansang nakipaglaban sa Unang
Digmaang Pandaigdig. Dahil dito, nagpadala ang mga British
ng mahigit isang milyong sundalong Indian upang tumulong
sa panig ng Britain. Pinangakuan nito ang mga Indian na
kapag nagtagumpay ang Britain sa digmaan, pagkakalooban
ng kalayaan ang India. Agad na sinang-ayunan ito ng mga
Indian.

13. ● Amritsar Massacre
Sa patuloy na pakikipaglaban ng mga Indian sa Rowlatt Act, may
10,000 Hindu at Muslim ang nagtungo sa Amritsar na kabisera ng
Punjab noong 1919. Ang malawakang protestang ito ay
ikinabahala ng pinunong militar ng Amritsar na si Heneral
Reginald Dyer. Dahil lumabag sa kautusan ang mga Indian, agad
na iniutos ni Dyer sa kanyang mga tauhan ang pagbaril sa mga
Indian nang walang hudyat. Halos 400 na mga Indian ang nasawi
at mahigit 1,200 sa mga ito ang nasugatan.
Mabilis na lumaganap ang balita ukol sa ginawang pagpaslang ng
mga British sa mga walang laban na Indian sa Amritsar. Dahil dito,
sunud-sunod na nagprotesta ang mga Indian na umabot sa mahigit
isang milyong kasapi na humihingi ng kalayaan mula sa mga
British.

14. Nang bumalik si Gandhi sa India noong 1915, mabilis siyang
nakilala dahil sa kaniyang dedikayon na ipaglaban ang
mabuting kapakanan ng India mula sa mapaniil sa
pamamahala ng mga British. Tinagurian siya bilang
“Mahatma” na nangangahulugang great soul o dakilang
kaluluwa. Dahil sa paniniwala ni Gandhi na maaaring
makamit ang hinihinging kalayaan para sa bansa, inilunsad
niya ang satyagraha. Ito ay tumutukoy sa passive resistance o
pakikipaglaban sa mapayapang paraan. Ayon kay Gandhi,
maisasagawa ang satyagraha sa pamamagitan ng:
● hindi pagtangkilik sa mga produktong British tulad ng damit
at iba pang kagamitan;
● hindi pagpasok ng mga Indian sa mga paaralang
pinangangasiwaan ng Britain;
● hindi pagbayad ng buwis at paglahok sa mga halalang
itinakda ng mga British.

15. Ang Government of India Act ng 1935
Noong 1935, ipinasa ng Parliament ng Britain ang isang batas na
tinawag na Governtment of India Act na naglalayong bigyan ng
nagsasariling pamahalaan ang mga lalawigan ng India. Bukod
dito, nagkaroon ng pagkakataon ang mga Indian na makalahok
sa batasan ng bansa kung saan ang mga miyembro nito ay
inihahalal ng mga mamamayan. Ang nasabing batas din ang
nagbigay-daan sa pagtaas ng bilang ng mga Indian na binigyan
ng pagkakataong makaboto.
Ang mga pagbabagong ito sa pulitikal na kalagayahan sa India
ay tumatahak sa pagkamit ng bansa ng kalayaang matagal na
minimithi. Nabinbin lamang ito nang sumiklab ang Ikalawang
Digmaang Pandaigdig sa Europe noong 1939.