Published by Yangon Matu Literature Committee(Yangon, Myanmar)

1. By. Dr. Aung Htang
VVVVVol.1. Issue 1.ol.1. Issue 1.ol.1. Issue 1.ol.1. Issue 1.ol.1. Issue 1. MATU PAKHAT, AWL PAKHAT, CAA PAKHAT 15th Jun 2013
EDITORIAL Awlthang (Media) Lawhna
By. Moses Pa (New Delhi)
Page 3 kolaam 1 la cet de.
Thlaang lawng khaw au
thlaang ti la ndooet vengah “MATU”
ka ti na. Khasut lawngah Kachin
thlaang nsak u tih Putao ben kah aw
ntina u. Chin thlaang ni ka ti bal
veengah Tidim, Falam aw n’ti na u
bal tih Matu ni ka tina bal. Matu he
ka yah pui thai nawh.
Matu ram lawng aka law
mami boeih he mianau thli boeih la ni
n’awm u. Lotoen imsak ben nbueh
veengah hleem mincang caakaawk ka
khueh nawh khawdeng thli khaw
moek awm tih, imtheen lotheen oen
motor hli aka khueh thlaang toe la aka
bawi khaw n’awm u van poen.
Hetila khawsak a rooengna
bueng oenah khoek poen nti ngaihna
nawh tih awlpui latah nhing khuiah
Matu thlaang khat oen khat metila
cilhuep nthui haih lah vetih, khat oen
khat metila lungna ntuengsak u lah ai
ti he poek angoe.
Matupi he khaaw pakhat lani
a awm mai de Matu thlaang lawng
Pathen kah reenna moek npaang u.
Chin pum akhuk la Bungtla tuisawr
(Water fall) ming-thaang pakhat
nkhueh u. Paham That Dun he Matu
hlaanghli sungraai bawkna kut khui
kalawng aka loeihsakkung Pathen
celtuih pakhat la awm tih Paham
Ngai Tim he Matu thlaang lawng
Pathen a koehbawk thaina ham Matu
caa aka suenkung la Pathen lawng
avan hawna Pathen celtuih pakhat la
awm. Pahaam Sang Ning he khaw
Matupi he myo ka van huhsakkung
pakhat la awm.
Tede, tihin hil ah Ma-tu
pakhat,awl pakhat, caa pakhat la
n’cet u thai hlan. 1955 kum vengah
“Valang awl la laabu sai langtah,
Valang awl oen a thut caa he Matu
caa ti u sih,” tila Matu ahaamca
hli lawng awl ana tloek u. Tekah
awltloek angla, laabu te ana sai tih,
Matu ram pum lawng ana sak u.
Baibal khawh Valang awl oen ana
kong u. Lungding laa hli khawh
Valang awl la ana phuah u vengah
bahoeng roeproei tih, a hutung
theen tangkiik. Mah ngaihna awl
oen n’cal u cakhawh, Baibal oen
Laabu heah tah, Matu pakhat, awl
pakhat la ana cet thai u. Tede,
caalung (spelling) tah vai u nawh
toeng toeng. Taheah khawh vai u
thai hlan huen.
Matu awl he khat oen khat
awlphawh a vai u nawh mai
dongah, Matu caa n’thut vengah
kai awl nang awl n’ti tih,
n’kawpoek he khat la cet thai nawh
mangkhak. Matu pakhat ni a awm
de, awl soeprep oen caa atloetloe
la n’thut he lawng Matu hli kah
kawhuina nawh he a tuengsak.
N’cathut lawng Matu hli kah
n’roepna nawh te a tuengsak. Mah
imkhuikaw kah caa la rip n’thut he
imkhuikaw pakhat kah level ah
alawlhna awm ngoen nawh. Tede,
Matu rangpui hamla a kau ngai la
khaw aka poek hli hamla tah a
lawlhmaihna broe a awm pe. Matu
caa he hlaang haiah phousak sih
n’ti vengah, awl khawh vai u nawh,
spelling khawh vai u nawh la caa
n’thut he, Matu pum level ah khaaw
aka poek hli hamla a lawlhmaihna
bou koek la awm.
2005 kum ah Yangon kah
Matu Capae Komiti lawng catlep
voei khat ana thoengsak. Tekah
catlep te ‘Matu pakhat, awl pakhat,
caa pakhat’ ava thoengna thai
hamla mengtengna ana khueh de,
caa a thut u tangtang vengah tah,
awl soeprep, caa soeprep la avan
thut u. Tetih la a thut u vengah,
hlaang kah lungbui ah
ngaikhuekna a awm nawh bueng
ouhla, Matu timah khat oen khat
uepvoetna avan lawsak. Yangon
kah Matu Capae Komiti kah
paihuen he khawh hlaang lawng
tangna ham koei la awm nawh. “A
kaa oen ni Valang awl seh, a ti u
de, caa a thut u tangtang vengah
tah amami awl la ni a thut u,” tila
Valang ben hli lawng Valang nawh
hlaang hli sawah upvoetna a khueh
u.
Tu kum kalawng tah,
Yangon kah Matu Capae Komiti
lawng amami kah paihuen oen a
mengtengna “Matu pakhat, awl
pakhat, caa pakhat” te a paipuina
la “Matu Awlthang” he rangpui
tengah koep avan thoengsak u.
Hekah paihuen he lawng Matu pum
kah kawhuina oen roepna muime
te avan tuengsak poen ai. Hailam
ah Matu timah awl tukna, caa
tukna he boet vetih, Matu hli he
capae ben ah kawpoek khat la
n’pai thai u poen ai. Chin timah
Kawl timah Matu he pakhat bueng
ni a awm ti te n’cathut (written
language) oen n’phousak van poen
ai tila ngaiuepna ka khueh.
Bokna atloetloe, poekna atloetloe,
cuihna atloetloe, awlcal atloetloe la
awm mai cakhawh, Matu aka
mingna hlaang boeih lawng “awl
pakhat, caa pakhat” la rip n’thut
thai poen atah, tekah Matu caa
lawng Matu pum hamla kawhuina
avan thoengsak vetih, Matuu
hlaang lawng coengsak hamla
n’ngaih meang thaihu khawh
cooeng thai poen ai tila ka
ngaiuep.
Dilai haan ah awlthang
(media) he tha aka ra koek la awm
tih, antam bawm (Atom Bomb)
lakah khawh a thaa ra ngaai tila
thlangcuih hli lawng a thui. A thui
u angla, tihin ah ataktak la va
tueng hang li la awm. Tetih angla
awlthang he Ram aka rooengsak
kung oen aka roksak kung la awm.
Ukkung hli kah thinkaw
lungbui aka thaw aka lengsak
kung la awm. Naingaanyae tama
(Politician) oen rangpui (Civil)
thlang hli te lawngpui doeng aka
mawtsak kung la awm. Ram pakhat
oen pakhat raal aka tuksak kung
la khawh awm bal. Awlthang
thutna daan he adang kah ning la
kavan phousak.
Awlthang lawh ning (News
Collection)
Awlthang aka lokung lawng,
“Tu (What)?
Au (Who)?
Mevengah (When)?
Meah (Where)?
Metila (How)?
Tu dongah (Why)?”
Ti la awldoet (5) kah a ngaih
thaihu hli te boeih a soepsak ai.
A soepsak poen atah, awlthang
he soep poen.
Report thutna
A kawng pakhat te report
na thut veengah suttung (topic)
pakhat tah awm ai. Tekah a kawng
te aka awm ning angla asoep la
na thut ai. Namah kah awl oen na
tawm manawh, na pueh manawh.
Awl khawh na thuhphah manawh.
Namah kah kawhlawpna (emotion)
na thuumsak manawh. Namah kah
personal view khawh na thumsak
nawh mue. Khatben te bawmna
angtoek (bias) la na thut manawh.,
a laklaw (neutral) ah na awm ai.
Na cathut te tawi de soep ai.
Matu
C a a
n’thutna
kum 60
cup tom
poen.
Kai tah
Chin khuiah
M a t u
thlaang la
ka awmna
he ka ooek
pui u.
Matu
phun lawng
awlthang sai
he akuung
n’tongcuekca
la awm van
poen.
Page 3 kolaam 2 la cet de.
By. Rev. Ral Luai
MATU
Y M
C K

2. Page (2) YMCK 15th Jun 2013
MATU CAA CANGNA
By Rev. Van Peng
Kai ka thangna
oen ka rooengna Hlotan khaaw
he 1972 toe ah Acoyah Sengim
awm nawh. 1957 July ah Yipeng
F. Za Hu kaimi khaaw la valaw
tih camaw tawngpa 12 a tuuk tih
Matupi la sengim a kaaisak. Tekhui
ah a nouca koekla kai he ka thuum
van, ka kum 8 law poen.
1957 kum Tangcheu ka
cang veeng ah Laica ka cang
poen. Ayoeica la ka thoem. Tangli
hil ka cang u. 1958 veeng Rev.
Ngai Tim kah a sai A Aw Bu,
Matu primar va thoeng. Hehe Matu
cacangna lamhacuek poen ni. A
pebee ah 1965 veeng cahaai
(Page number) 100 aka awm Matu
laabu va thoeng. Te coeng ah
Matu laabu number 300 tlek
vathoeng bal.
1965 kum lamha cuek aka
thoeng laabu he pahaam J.
SangNing (Sibawi Ro Uk pa) im
ah hlemhah ah uemna service a
sai utih ka cet van. Te vengah
bawda ah ka awm. Matu awlla
laa nsak thai van poen, Matu caa
a cim cala awm van poen ka ti tih
ka ngawlh na kung ah calcalla ka
kaw hoe.
Te vengkah kawhoe na te
tahe toe ka hilh thai nawh. Te
veng kah Primar cabu, labu hli te
Laica aka thoem lawng tah hat
hat a te u thai. Caa hli, laabu hli
he Baptist Krica thlangboel lawng
taham a lawh. Te veng ah Matu
Krica thlangboel huiat buengni
Maturam ah a awm huen.
A Aw cabu coeng ah Matu
caa cangna Reader athaai va
thoeng tlaih nawh. Matu Grammar
khaw awm nawh. Paham Rev.
Ngai Tim kah a saina teah boet
poen. A thaaila reprint khaw awm
tlaih nawh. 1971 ah caalung athaai
thawna awm tih University Seng
camoe hli lawng a thawh pui de
awlpungna awm tih pekbouna la
cooeng hang.
2003 kum ah
Matu Caa Sui Jubilee te Matupi
Baptist Church talawng ah a sai
u. Teveng ah awlthuina ayawl ka
huh tih ka thui tah “Matu caa a
paina 50 a pha poen de,
atawngna ah ni a awm poe huen,
a rooengna awm hlaan” ti la ka
thui. Hetila Matu caa a rooengna
nawh kawng tah pahaam Ngai
Tim angla Matu caa he thlaang
lawng a ming thaina hamah tha
aka huer thlaang awm nawh.
Jubilee khawhin a vuen ah
Longvan shitlansung lakphak dawr
ah U Yung Nae, Saya Rheng Soel,
Saya Kui Lung, Rev. Tui Hing
oen ka ngawl utih Matu caa cangna
ham la tangka ben resource kawng
ka thui u tih Bible Society ah Project
bih ham ka thui u. Te kalawng
Yangon la ka voei thuk ah Bible
Society ah pahoei ka thui veeng
kum 5 khui Matu Caa cangna ham
project mpeek. Matu Literature and
Culture Committee lawng Rangpui
la cangnaham tavuan a lawh tih
2011 hil ah a theen cala khaw
tawm ah cangpui na a sai u.
Committee lawng Primar, Reader
1, 2, 3 toe a sai tih tahe ah Reader
4 he coeng hlaan huen.
Bible Society lawng Matu caa
cangna dawng bawmna npeekna
kah a mengtengna tah Matu thlaang
boeih lawng Matu caa thooem
selang matu Baibal te thai seh ti
he a ngaih. Matu Baibul he 2002
kum veeng Rev. Dr. Lawk Thing
kah sai Baibul Cathaai, 2006
veeng Rev. Dr. Chan Thleng kah
sai Baibul Caruem Cathaai, 2007
veeng Rev. Lai Nou kah sai Baibul
Cathaai ti la va thoeng hang van
poen.
Matu Caa a paina kum 60
a pha poen de tihin toe ah Matu
Caa a rooeng thai nawhna kawng
he Matu thlaang boeih lawng npoek
heet ham la a ngoe poen. Tahe
tue veeng Kawl baran lawng
thlangphun boeih lawng amah kah
awlkaa, cabu cabeel pawmsaang
van poen seh ti la thawh avan
awng taw veeng heah mami khaw
thinkaw pakhat oenah haai la cawh
tih Matu capee a rooengna hamah
tha huer ham la awm van poen.
2015KumVeengahKawlRam
President U Lawng A Bi Ai?
By Mercy Thang
Kawl ram voihihna election
tah 2015 kum ah koep sai la awm
poen ai. Teveengah Kawl ram
ukkung alu (President) he u lawng
a bi ai ti he Kawl ram thlaang boeih
on ram tloe kah thlaang lawngah
khaw ming a ngaih koek pakhat
la awm. Ram ukna ben ah kaw
akacet thli lawng a poek u tah tahe
alula la ka awm lii president U
Thein Sein, Thura U Shwe Mann
oen Daw Aung San Su Kyi he hue
la awm.
Tahe president aka bi U
Thein Sein lawng hu veengah a
thui awl tah kai he vaai bueng ni
alu he ka bi ai ti. Tede hu la koep
awl a thui tah ram tloe ah media
lawng a doett veeng thlaang
yahawh lawng n’ngaih atah koep
bi ka ngaih huen ti la a thui
dawngah 2015 kum ah president
aka bi ham koei la awm huen tit e
ming la awm.
Parliament Chairman
Thura U Shwe Mann he khaw a
mami party khuiah a uepna u tih
vice chairman la aka awm U Htay
Oo lawng U Shwe Mann he Kawl
ram kah alu la awm a ngaih atah
awm thai ti la a thui bal. Amah
lawng khaw USA ah media pakhat
lawng a doet veeng Kawl ram kah
president bi ham ka kaw lawng a
huem van ti la a thui bal.
NLD kah alu la aka awm
Daw Aung San Ku Kyi lawng khaw
Japan ram a ceh veengah media
pakhat lawng a doet vengah June
ni 6 veeng 2015 kum ah Kawl ram
kah alu la awm ham ngaihhna ka
khueh ti la a thui bal. Tedawngah
voeihih election saina 2015 kum
ah tah asaw kah pathum hue he
Kawl ram kah alu la awm ham koei
la a poek u.
Daw Aung San Su Kyi
lawng alu la awm ham ka ngaih ti
laa thui awl dawngah U Thein Sein
lawng Australia ABC program TV
dawngah a thui tah Kawl ram kah
Ram Maawtna (Constitution) he
kamah kah aana oenah ka tlaih thai
nawh tih thlangping kah tuek Laipai
(Delegate) (75%) a pueh ngaai
kah ngaihna oen ni tlaih vawng thai
la a awm ai ti la thui.
2008 kum kah sai la aka
awm Ram Maawtna he tlaihvawng
muehla tah Daw Aung San Su Kyi
he alu bi ham la khui nawh. Te
khuiah Kawl ram mawtkung alu la
aka awm ham koei tah a imkhui
pakhat khat khaw ram tloe thlaang
oenah yuvaana awm nawh mue ti
la awm. Te Upadi te tlaih
vawngmuehla nuhaam Su Kyi
lawng alu (president) bi thai nawh
mue. Te upadi voeih thaina ham tah
union dlegate boeih bueng muehla
ralkap ben kah Laipai khasut
lawng haa a tlaak pui dengah voeih
thai la awm ai. Ralkap ben kah
lawng haa taak muehla constitution
he tlaih thai nawh angla ralkap
lawng hatlaak puimuehla president
bi thaina Kawl khaw ah awm thai
nawh huen. 2015 kum a pha hlan
veeng 2008 constituition he
tlaihvawng dengah ni nuhaam Su
Kyi lawng Kawl ram alu a bi thai
ai.
Tedawngah kum 2015
veengah au lawng Kawl ram alu a
bi ai ti he ming ham raai huen tih
Kawl ram thlangping lawng a ngaih
koek Daw Aung San Su Kyi aw,
Kyanh KhaingYae kah Thura U
Shwe Mann ai aw, tenawhatah a
party tah ngaih nawh de tahe toe
ah thlaang yahawh lawng a ngaih
koek van U Thein Sein lawng aw a
huh koep ai ti hetah atue atang a
pha veengah ni ming thai la a awm
huen ai tila ka huhna ayawl ka
tuengsak.
Yangon Matu Baibal Sengim Thli
1.Hosanna Bible College:
Ph:0943055177,0973120926.
Principle: Rev Timothy Thang Lyan;
2.Word of life Bible College:
Ph:01644141.
Principle- Rev.Dr Joseph Than Sang;
3.Grace Biblical School of Theology:
Ph:095052095.
Principle: Rev Dr Titus TAye Maung.
4. Biblical Reformed Seminary:
Ph:01643776,
Principle: Rev David Khobal.
5.Victory Bible College:
Ph:0973178589,
Principle: Rev Dr John Zung
Taung.
6.Myanmar School of Bible and
Missions; Ph:098624413,
Principle: Rev. Lian Thang.
7.Reformed Theological;
Ph:09421004832,
Principle: Rev. PAung Win.
8.Pacific Rim Bible College:
Ph:01642703;095189275;
Principle: Rev. Bong Thang;
9.Penial Bible Seminary:
Ph:0943107286;
Principle: Dr. Ngun Mang;
10.Myanmar Mission School:
Ph:0973089561;
Principle: Rev. Peter

3. 15th Jun 2013 YMCK Page-3
Matu kah a cawngna
Hetila Matu khuiah thaihu
phutlo hli nkhuehna he mami kah
theenna oen doengna dawngah nawh tih
Pathen kah reenna ni ti he nming u. Tede
tihin ah Matu thlangmi kutvaangca mai
khuiah nang van kai van ti la pekbouna
a phunphun a awmna he metih tlukla
kawthe ham a awmna ti he thlaang boeih
kah a taawng thaihu la awm.
Bamar a ti he Kawl thlaang
bueng ni a thuingaih na. Myanmar ti he
tah ram khui aka awm Kachin, Kayin,
Kaya, Mon, Bamar, Rakhaing, Shan
thlaang boeih he a thuingaihna. Tih van
angla Matu ti he khaw Cing, Doem ti
oen pekbo ah tah soep thai nawh mue.
Matu ti hetah Ngala, Tuivaang, Ta-aw,
Thaiphum, Thlangpang, Ngaleng,
Tlamtlaih, Awmthang boeih asoep deng
ahni Matu ti kah awllung he asoep thai
ai.
Matu thlaang he Thiling,
Kankaw, Moepi, Rakhaing ben kalawng
nthaawt u ti la boeih nming u. Mehuen
lawng nthaawt tih mehuen meram ah
n’awm ti te awlpui nawh tih tihin ah
Matu awlkaa la ncalna, nlawna lawng
buengah ni Matu te a tuengsak ai.
Israel phun he thlangmi yawlca
de Pathen lawng yotheen a peek tih tahe
dilai ah ram pakhat la cak, thlangmi
khaw tare pung hang. Mami khaw
Pathen lawng npaipui atah he lakah tare
npung hang ai, nrooeng hang ai, nsaang
hang ai.
Tihmuehla khat oen khat
tawhsina oen pekbouna a awm khuuep
atah Pathen kaw ntaawng nawh vetih
Isreal oen khaaw aka sa haih Kanaan,
Hit, Hiv, Periz phun thli tihin ah a hata
u paraap angla mami khaw n’hata van
ai ti he khatben ah lakueng ham la
awm. Page 3 Kolaam 2 la cet de.
Awldoet saina (Interview)
1. Rangpui lawng a ming hamla aka
theen a kawng pakhatkhat a awm
vengah, tekah a kawng oen tuhkaai
u tih doet ham koei suttung (topic) te
aka ming thlaang tengah oepsoeh
la na thuipe lamha ai. Tecoengah ni
awldoetna (interview) te na sai thai
ai.
2. Muihlip (photo) lawh hamla na
ngaih atah, awl na doet li thlaang
tengah permission na bih lamha
coengah muihlip te na lawh ai.
3. Na doet ham koei (questions) te
oepsoeh la boeih na khueh tangte
la awm ai.
4. Aka thui kung lawng a thui ning la
na thut (record) ai.
5. Namah kah poekna oen na tawm
na thap nawh mue.
Catlep (Article & Feature) thut
ninglam
“Au kah a kawng? N’tu kawng? Au
hli kah a sai? Metila a sai? Etc.,” tila
awlpui topic pakhat he na tuek
coengah na thut ai. Direct la na thut
ngaih suttung (topic) te pahoei na
thut thai, nawhatah, awlroekna
(Introduction) na thut coengah khawh
na thut ngaihna a kawng te na thut
thai bal. Caa aka tee kung hli lawng
a yakming yoei awllung oen
awlphawh te na tuek vetih caa na
thut ai. Cateekung hli kah thinkaw
lungbui lawng a lawh koei, a poek
khuep ham koei la na poek vetih
catlep te na thut ai. Na cathut lawng
thlaang kah lungbui a thawlengsak
thai bueng ouhla, ram pakhat kah
ukna ben, politicians, oen civil society
khawh aka rooengsak thai cathut la
a awm thaina ham hil ah na poek
vetih na thut ai.
Haai hla ah koep taawm ham la.
LA SALLE CENTRE
La Salle Centre he tah 1996 Kum veng De La SalleLa Salle Centre he tah 1996 Kum veng De La SalleLa Salle Centre he tah 1996 Kum veng De La SalleLa Salle Centre he tah 1996 Kum veng De La SalleLa Salle Centre he tah 1996 Kum veng De La Salle
Brothers, a Catholic Religious Order hli lawng a tawng tih, 2004Brothers, a Catholic Religious Order hli lawng a tawng tih, 2004Brothers, a Catholic Religious Order hli lawng a tawng tih, 2004Brothers, a Catholic Religious Order hli lawng a tawng tih, 2004Brothers, a Catholic Religious Order hli lawng a tawng tih, 2004
vvvvvengah Bengah Bengah Bengah Bengah Brrrrr. Ling John la. Ling John la. Ling John la. Ling John la. Ling John lawng Englwng Englwng Englwng Englwng English prish prish prish prish progrogrogrogrogram te a taam te a taam te a taam te a taam te a tawngthiwngthiwngthiwngthiwngthil. Del. Del. Del. Del. De
La Salle Brothers hli he tah, yaan vengah Myanmar ah amiingLa Salle Brothers hli he tah, yaan vengah Myanmar ah amiingLa Salle Brothers hli he tah, yaan vengah Myanmar ah amiingLa Salle Brothers hli he tah, yaan vengah Myanmar ah amiingLa Salle Brothers hli he tah, yaan vengah Myanmar ah amiing
aka thaang St. Paka thaang St. Paka thaang St. Paka thaang St. Paka thaang St. Paul’aul’aul’aul’aul’s High Ss High Ss High Ss High Ss High School-chool-chool-chool-chool-YYYYYangon, St. Pangon, St. Pangon, St. Pangon, St. Pangon, St. Peteretereteretereter’’’’’s High Ss High Ss High Ss High Ss High School-chool-chool-chool-chool-
MandalaMandalaMandalaMandalaMandalayyyyy, St. Albert, St. Albert, St. Albert, St. Albert, St. Albert’’’’’s-Mas-Mas-Mas-Mas-Maymymymymymyyyyyooooo, oen St. P, oen St. P, oen St. P, oen St. P, oen St. Patrick’atrick’atrick’atrick’atrick’s High Ss High Ss High Ss High Ss High School-chool-chool-chool-chool-
Mawlamyaing tila seng-iim aka tawng hli, RMC kah Pathen bibiiMawlamyaing tila seng-iim aka tawng hli, RMC kah Pathen bibiiMawlamyaing tila seng-iim aka tawng hli, RMC kah Pathen bibiiMawlamyaing tila seng-iim aka tawng hli, RMC kah Pathen bibiiMawlamyaing tila seng-iim aka tawng hli, RMC kah Pathen bibii
hli ni.hli ni.hli ni.hli ni.hli ni.
English Program (3 Months)
• Listening
• Speaking
• Reading
• Writing
August 19 —November 29, 2013
(Placement Test: August 12 – 16, 2013)
January 6—April 4, 2014
May 5—August 8, 2014
August 18 —November 28, 2014
Computer Program
• Basic (2 Months)
(Window XP, MS Word 2007,
MS Excel 2007, PowerPoint
2007)
• DTP (2 Months)
(Adobe PageMaker 7.0,
CorelDRAW X4, Publisher,
Adobe InDesign CS3)
• Graphic (2 Months)
(Adobe Photoshop CS3,
Adobe Illustrator CS3,
CorelDRAW X4)
ProgramAthai
Diploma in Business Management
Program
(7 Months – October 2013—May
2014)
1. Introduction to Business
Management
2. The Finance Function
3. Marketing Management
4. Human Resource
Management
5. The Operation Function
6. The Value of Information
Sources
7. Integrated Management of
the Enterprise
8. Real Estate Management
To Contact;
Br. Ling John (Director)
Bld 5, RoomA6, B6
U Tunlynn Chan Lane
Hledan, Kamayut,
Yangon
PH:507328;09731860
Awlthang lawh a cawngna
*Nang namah bueng na
MATU thai nawh. *Kai kamah bueng
ka MATU thai nawh. *Ahih amah
bueng MATU thai nawh. *Nang, Kai,
Ahih boeih nbawngyawng u dengah
ni MATU acooeng thai ai.
2012-13, 10th StandardAwngcayinYangon-Matu, Myanmar
Note: A haai thawlh a awm atah koep nan yaaksak u ham la;
2013
Matri-
culation
Exam
Result
of
Matupi
Township
Ref:
The
Matupi Times
10th Jun 2013

4. Page (4) YMCK 15th Jun 2013
OENGNA (Faith) Pahaam Rev. Ngai Tim kah Thangthuina
Im, Bethel Huen,
Pahaam Rev. Ngai Tim Maturam ah Bawipa ham bi a bina kum 10 yun a
lawna 1963 kum veeng kalawng he huen he a hawna poen. Thangthuina a khueh
pek veeng thlaang lawng a yakming hlaan huen dawngah ramhuem ah yarkhat
hlai a diu te vawm nawhatah kaai lawngah a ngeh poen cawini ti u tih a tlap u
veeng he huen heah buh yeh thangthuina a khueh te a huh u. Hetila thangthuina
a khueh veengah yahawh koek ah khawhiin 15 toe diu tila yaak la awm.
Pahaam amah a patawng ben tue a pha hang kum 2004 veeng he huen ah
thinglamtaai liing hamah kamhlahna a khueh tih tung sut a liing coeng 3. 12.
2005 veeng Bawipa tengah vik a duuem taak. Te coeng 2009 kum a pha veeng
pahaam kah cavaa saya Khrisborn oen Pathen thlaangthli lawng im sak hamah
kamhlahna a khueh u veeng Pathen reenna rangoenah Australia Melbun Viktoria
pumim lawng a bawm u tih 21-04-20013 veengah Bawipa tengah nawn la awm
thai.
He Bethel thangthuina huen ah he tahe veengatah vangkhui kah thlaangthli
bueng muehla khawteng khawvaai kah thlangthli, gospel la aka cetthli law u tih
thangthuina a khueh u veengah hinat hinhih hinthum toe la thangthuina a khueh
u thai poen. Aka cet thli boeih lawng atloe kah thangthuina oenah avaai u
muehla ahloek la ciim muithla kah bibina ka dang tila a thui u.
Matupi peeng Lalui khaaw ni khoem navan pha atah pahaam Rev. Ngai Tim
kah thangthuina Bethel huen he thlaawng ouhla na cet tih khawnoek pakhat
khui mai ahkhaw Bawipa tengah thangthuina na khueh kawinih Pathen teng
kah ngaimaawngna, hlaatna kawpoek raai la na dang van ai.
1.He kahYangon MatuAwlthang he thla
rooek yarhbeena (2nd
Week) ah suah
ham la.
2.He kah Awlthang caram dawng heah
Pathen awl phawngna, Dilai cuihna,
Sipuayae, Matu khawsak rooengna, Ciil
awl, Nueih Ciil, Tatuk awl, Mingkaauna
oen thlaang yahawh lawng a ming koei
me-aang awlkathli khaw navan thut u
thai.
3.Catlep (Article) na thut veengah
calung side, point 11 oenahA4 one page
dawngah atawi oen asoep la na thut
vetih pasport side muihlip oen haih, ni
7th hlaan ah nan phasak ai.
4.Catlep nan pat he tahe kah awlthang
dawngah pahoei a thuum nawh atah
haai hla kah dawngah koep thuum ai.
5.He kah Awlthang (Journal) saina
dawngah au khaw poekpuina (Advice)
theen na khueh atah nan peek thai.
6.Tawngpekla a awm dawngah akhui kah
cathli he asoep nawh buengmuehla a
palhna moek aka awmthli dawng heah
kaimi Yangon Matu Capee Komiti kah
voetna ni ti he mingsak ka ngaih.
7.Adang kah awlthang boelraaikungthli
tengah Catlep (article) na pat u thai ham
la kan yaaksak u.
1.Rev. Tui Hing; Ph:0943098659; Email:
luketuihing@gmail.com,
2.Sya Jimmy; Ph: 0931 034 379; Email:
rbjimmy@gmail.com,
3.Rev. Ral Luai; Ph:0973 240 346;
Email: ralluai@gmail.com,
Hebrew 11:6 “Oengna ng’khueh
nawh tah Pathen kaw ng’tawng thai
nawh.”
Pathen ca,Oengca hli tengah
oengna he a awm roeroe hamla
awm. Oengna a awm nawh ahtah
oengca tila thui ham rai.
Bible awlciim dawng Oengna
kawng he moen athut de Hebrai
dawng kah he ni awlpui la thui ham
ka ngaih. Hebrai 11 dawng ah
1.Noah kah oengna: Noah lawng
ahuh hlan thaihu kawng a tengah
thui pe la a awm vengah te Pathen
awl te a oeng tangtang tih Long
(Tinbaw) te a sai. A tue a khoek
vengah a tang na angla a
imkhuikaw boeih lawng loeih dem
na ahuh.
2.Abraham kah oengna: Abrahma
lawng rou la a pang ham koei
huenkhat la ceh ham khue la a awm
vengah meben la ka ceh ai ti khaw
ming nawh de awl a ngaai tih
oengna oen cet. Pathen lawng
thlangphun bou hlangla, vandawng
kah aisi yahawh thlang oen tuitunli
keeng kah divinlai yoeh cadil a
pung pe sak, yotheenna a peek.
3.Mosi kah oengna: Aroeng hang
vengah Fero Siangpharang canu
kah capa paihuen te a ceh taak,
kawlkalh thawlh awmtheenna boen
lakah Pathen thlang hli oen
patangpalai khangham ana tuek.
Hukhueng ah Israel cahli Egypt ram
sal khui ka lawng loeih sak kung
oen mawtkung then la Pathen
lawng a haw na.
Bible dawngah – Oengna
oen akacet thlaang hli tengah a
oengna saw ah Pathen lawng
apaipui te nming u.Tahe san
ahkhaw oengna oen khaw aka
kaan hli lawng loeihna, taana,
yothen na oen Pathen bawilenna a
dawng u ti te nhuh.
Oengna he awlka oen
thuiphawng tah yoei de a takla
(practically) tah oengna oen ceh he
yoei van nawh. Metila khaw raai seh
Pathen saw ah upvoetna tehca khaw
khueh ouhla thinkaw nhal baat
veengah Pathen bawilen na atakla
tueng.
Tedawng ah mami kah
kamhlah na (purpose) oen
mengtengna (aim) dawngah
manthuui (Awngmyin) van ham
n’ngaih ahtah Pathen amah uepna
tangtang oenah oengna dawngah
ceh ham angoe. Oengna oen sai na
he a bawngyawng hih ham la a awm
baal dawngah (Jakop 2:26) ng’oeng
bueng khoek ouhla, sai ham, bi ham,
yaawm ham, angoe atah khawdeng
patang mingna oenah khaw aphuu
peek roeroe ham la awm.
Kai khaw Bawipa bi ka bina
dawng heah oengna oen khaw ka
kaan van. Kawlram oen ramtloe ah
Bible sengim ka kaai veng aka cawm
kung (sponsor) awm heet muehla ka
kaai. Jisu kri he ni aka cawmkung
theen la ka phoeih mangkhak
vengah amah lawng a theen koekla
khaaw avan khaan poepa. Tihin
Bawipa ram bibina dawng ah khaw
mik oen huh hlan de kawpoek mik
oen huh oepsoeh tih tangna, rapsaat
ruila oengna oen ah ni ka ceh li van.
Pathen bibi kung hli oen
Bible sengim kaai hli hamla
thaapeek ham ka ngaih tah tihin
hangah khatsut bibikung hli oen
Bible sengim kai hli lawng athaa the
uh tih kawpoek vaivawn u.
Tecakhaw Pathen bi bi hamah
thinkaw aka pe tang tang hli lawng
tah oeng na oen uep awmla bi hawn
sih. Mik oen huh thai nawh Pathen
kah sai thaina oen youtheenna tah
mami oengca hli ham la Pathen
lawng sut a van roekbah tangte poen
ni (Mathai 6:33).
Mami kah kamhlahna oen
n’mengtengna dawngah oengna oen
khaw kaan mangkhak lah sih.
Teatah mik oen nhuh hlaan thaihu
te oengna rangoenah atak la ndang
ngai badai. Akate hli boeih sawah
Pathen lawng yotheenna pe hawn
seh. Amen.
By Rev. Bong Thang
Hebrew 11:1
“Oengna tah
ng’hu nawh de
ngaiuep thaihu
awm kheng ti
mingna he ni.”
M I N G S A K N A
He kah muihlip hetah Matupi
peeng Lalui khaaw Pahaam Rev.
Ngai Tim kah Bethel Thangthuina
im, Australia Melbourne Victoria
Matu Christian Church kah bawmna
rangoenahsaklaawmtih2013April
21st hiin veengah Pathen tengah
nawnna khueh la awm poen.
By Oengca Pakhat
He kah Yangon MatuHe kah Yangon MatuHe kah Yangon MatuHe kah Yangon MatuHe kah Yangon Matu
Awlthang Vol.1, Issue 1. heAwlthang Vol.1, Issue 1. heAwlthang Vol.1, Issue 1. heAwlthang Vol.1, Issue 1. heAwlthang Vol.1, Issue 1. he
kawpi 1,000 suah la awm tihkawpi 1,000 suah la awm tihkawpi 1,000 suah la awm tihkawpi 1,000 suah la awm tihkawpi 1,000 suah la awm tih
Dr. Aung Htang lawng $ 100Dr. Aung Htang lawng $ 100Dr. Aung Htang lawng $ 100Dr. Aung Htang lawng $ 100Dr. Aung Htang lawng $ 100
sponsor a peek. Issue 2, 3sponsor a peek. Issue 2, 3sponsor a peek. Issue 2, 3sponsor a peek. Issue 2, 3sponsor a peek. Issue 2, 3
hamah sponsor sai aka ngaihhamah sponsor sai aka ngaihhamah sponsor sai aka ngaihhamah sponsor sai aka ngaihhamah sponsor sai aka ngaih
hli tah Rev.Tui Hing, tengahhli tah Rev.Tui Hing, tengahhli tah Rev.Tui Hing, tengahhli tah Rev.Tui Hing, tengahhli tah Rev.Tui Hing, tengah
contact na sai u thai. Issuecontact na sai u thai. Issuecontact na sai u thai. Issuecontact na sai u thai. Issuecontact na sai u thai. Issue
1, 2, 3, toe ah free rek la awm1, 2, 3, toe ah free rek la awm1, 2, 3, toe ah free rek la awm1, 2, 3, toe ah free rek la awm1, 2, 3, toe ah free rek la awm
vetih te coeng atah aphuuvetih te coeng atah aphuuvetih te coeng atah aphuuvetih te coeng atah aphuuvetih te coeng atah aphuu
oenah peek la awm ai.oenah peek la awm ai.oenah peek la awm ai.oenah peek la awm ai.oenah peek la awm ai.