1.
RESUMO TEMA 7 NATURAIS
A materia é todo aquilo que ten masa e volume. Está formada por átomos (a-sin
tomos-división) (partículas microscópicas) Recordade: os átomos son a parte máis
pequena na que podemos dividir a materia.
A materia preséntase en tres estados diferentes:
*sólido: forma propia; manteñen o volume.
*líquido: non teñen forma propia; manteñen o volume.
*gasoso: non teñen forma propia; non manteñen o volume constante.
A materia ten propiedades xerais (masa e volume) e características (densidade,
dureza, solubilidade, condutividade térmica).
A materia cambia. Estes cambios poden ser:
Fermentación: reacción química realizada por seres vivos en ausencia de osíxeno. O
zume da uva fermenta, converténdose en viño.
Oxidación: unha substancia combínase co osíxeno para formar outras substancias.
Combustión: reacción química que desprende luz e calor (quéimase algo).
Cambios de estado:
Chamamos forza a toda causa capaz de deformar ou modificar o estado de
movemento ou repouso dun corpo. Non podemos velas, pero si os seus efectos. A
forza mídese en Newtons.
Segundo as deformacións, os corpos poden ser:
- Elásticos: defórmanse pero recuperan a forma cando cesa a forza (goma do pelo)
- Plásticos: defórmanse pero non recuperan a forma (plastilina, papel dobrado...)
- Ríxidos: non se deforman; se a forza é grande, rompen (cerámica, vidro...)
A materia pode ser... substancias puras (non se poden separar noutras) ou
mesturas (formadas por dúas ou máis substancias: auga do mar)
As mesturas poden ser homoxéneas ou disolucións (non se observan os
compoñentes a simple vista .- auga salgada) e heteroxéneas (vense os
compoñentes a simple vista .- arroz con chícharos; granito)
Disolvente: substancia máis abundante dunha disolución. Soluto: menos abundante
Para separar as mesturas podemos empregar filtracións (mestura heteroxénea dun
líquido cun sólido .-auga con arroz); evaporación (mestura homoxénea dun líquido
cun sólido.- auga con sal); destilación (mestura homoxénea de dous líquidos.-
alambique).
A enerxía pode ser...Mecánica.- relacionada coa posición e movemento. Lumínica.-
corpos que emiten luz. Eléctrica.- electricidade. Térmica.- pasa dun corpo quente a
outro máis frío. Química.- a que se dá cando hai reaccións químicas.
A luz é unha forma de enerxía. Viaxa en todas as direccións, en liña recta e a enorme
velocidade (300.000 km/s).
Reflexión da luz: a luz choca contra unha superficie lisa e rebota (espellos, auga...).
Refracción da luz: ao pasar dun medio a outro, a luz cambia velocidade e dirección.
O son é unha forma de enerxía. Viaxa en todas as direccións, en liña recta e a gran
velocidade, variando segundo o medio (340 m/s no aire). Ten varias características:
ton (agudo ou grave); intensidade (débil ou forte); timbre (permite diferenciar as
voces); duración (tempo que tarda).
Cambios
Segundo natureza
Segundo permanencia
Reversibles: a materia pode recuperar estado inicial
xeo pasa a auga e pode volver a xeo.
Irreversibles: a materia non recupera estado inicial
cinsa non pode volver a ser madeira
Físicos: a materia non cambia de composición
dilatación/contracción; cambios de estado
Químicos: a materia cambia de composición.
fermentación, oxidación ou combustión