1. ТОДОРХОЙЛОЛТ Бодисын төлөв байдал, өнгө, үнэр, гялтан, үнэр, уусах чанар, хайлах ба буцлах температур, нягт, цахилгаан дамжуулах чанар зэргийг бодисын физик шинж гэнэ.

2. ТОДОРХОЙЛОЛТ Тодорхой нөхцөлд химийн бодисууд өөр бодис болон хувирах шинжийг химийн шинж гэнэ.

3. ТОДОРХОЙЛОЛТ Хими сургалтыг зохион байгуулахад зориулан тавилга, багаж хэрэгсэл, бодис урвалж бусад материалаар тоноглож төхөөрөмжилсөн өрөө тасалгааг химийн кабинет гэнэ.

4. ТОДОРХОЙЛОЛТ Физикийн тогтмол шинж үзүүлдэг бодисыг цэвэр бодис гэнэ.

5. ТОДОРХОЙЛОЛТ Найрлага дахь бодисуудын жижиг хэсгүүд нь энгийн нүдээр болон микроскопоор харахад үл ялгагдах холимгийг нэгэн төрлийн холимог гэнэ.

6. ТОДОРХОЙЛОЛТ Найрлага дахь бодисуудын жижиг хэсгүүд нь энгийн нүдээр болон микроскопоор ялгагдан харагдах холимгийг нэгэн төрлийн биш холимог гэнэ.

7. ТОДОРХОЙЛОЛТ Бодисын төлөв байдал, хэлбэр дүрс өөрчлөгдөх үзэгдлийг физикийн үзэгдэл гэнэ.

8. ТОДОРХОЙЛОЛТ Бодисын өнгө үнэр өөрчлөгдөх хий ба тунадас, гэрэл дулаан ялгарах шинж илэрч өөр бодис болон хувирах үзэгдлийг химийн үзэгдэл гэнэ.

9. ТОДОРХОЙЛОЛТ Тухайн бодисын найрлага, шинжийг харуулж чадах бодисыг бүрдүүлэгч эгэл хэсгийг молекул гэнэ.

10. ТОДОРХОЙЛОЛТ Химийн урвалаар үл задрах бодисын эгэл хэсгийг атом гэнэ.

11. ТОДОРХОЙЛОЛТ Цөмийн цэнэгээрээ ижил атомуудын тодорхой төрлийг химийн элемент гэнэ.

12. ТОДОРХОЙЛОЛТ Протоны тоогоороо ижил нейтроны тоогоороо ялгаатай атомуудыг изотоп гэнэ.

13. ТОДОРХОЙЛОЛТ Цахилгаан саармаг атом электрон авах эсвэл алдах тохиолдолд сөрөг ба эерэг цэнэгтэй эгэл хэсгүүд буюу ион үүсэх бөгөөд сөрөг цэнэгтэй ионыг анион , эерэг цэнэгтэй ионыг катион гэнэ.

14. ТОДОРХОЙЛОЛТ Химийн элементийг латин нэрний нь эхний нэг буюу хоёр үсгээр тэмдэглэснийг химийн тэмдэг гэнэ.

15. ТОДОРХОЙЛОЛТ Химийн элементийн атом нь өөр бусад химийн элементийн тодорхой тооны атомыг нэгдүүлэх чанарыг валент чанар гэнэ.

16. ТОДОРХОЙЛОЛТ Химийн нэгдэл үүсгэхэд оролцсон элементийн атомаас электроныг нь өөртөө татах тухайн элементийн атомын шинжийг харьцангуй цахилгаан сөрөг чанар гэнэ.

17. ТОДОРХОЙЛОЛТ Харьцангуй цахилгаан сөрөг чанар багатай элементийг металл , харьцангуй цахилгаан сөрөг чанар ихтэй элементийг металл биш гэнэ.

18. ТОДОРХОЙЛОЛТ Тухайн нэгдэл үүсэхэд молекул атом, ион дээр илэрч гарах цэнэгийг химийн элементийн исэлдлийн зэрэг гэнэ.

19. ТОДОРХОЙЛОЛТ Дан бодисын шинж чанар болон эдгээрийн нэгдлийн хэлбэр, шинж чанар нь элементийн атом жингийн хэмжээтэй үелэх шүтэлцээтэй байна.

20. ТОДОРХОЙЛОЛТ Химийн элемент ба тэдгээрийн үүсгэх дан болон нийлмэл бодисын шинж чанар нь атомын дэс дугаар буюу цөмийн цэнэгтэй үелэх шүтэлцээтэй.

21. ТОДОРХОЙЛОЛТ Бодисыг бүрдүүлж буй эгэл хэсгүүдийн (атом, ион,молекул) хоорондын харилцанүйлчлэлийн хүчийг химийн холбоо гэнэ.

22. ТОДОРХОЙЛОЛТ Электроны дундын хосоор холбогдон үүсэх химийн холбоог ковалент холбоо гэнэ.

23. ТОДОРХОЙЛОЛТ Харьцангуй цахилгаан сөрөг чанараараа ижил атомуудын хооронд үүсэх ковалент холбоог туйлгүй ковалент холбоо гэнэ.

24. ТОДОРХОЙЛОЛТ Молекулд үүсч буй дундын хос электроныг цэгээр тэмдэглэж харуулсан томьёог электрон томьёо дундын хос электроныг зураасаар илэрхийлснийг байгуулалтын томьёо гэнэ.

25. ТОДОРХОЙЛОЛТ Цахилгаан саармаг атом электрон авах, алдах үед үүссэн эсрэг цэнэгтэй ионуудын хоорондох таталцлын хүчийг ионы холбоо гэнэ.

26. ТОДОРХОЙЛОЛТ Тухайн бодисын чанарын ба тооны найрлагыг химийн тэмдэг, индексийн тусламжтай илэрхийлсэн бичиглэлийг химийн томьёо гэнэ.

27. ТОДОРХОЙЛОЛТ 0.012кг нүүрстөрөгч дэх атомын тоо 6.02 * 1023 тай адил тооны эгэл хэсгийг агуулсан бодисын хэмжээг моль гэнэ.

28. ТОДОРХОЙЛОЛТ Хэд хэдэн бодисоос нэг нийлмэл бодис үүсэх урвалыг нэгдэх урвал гэнэ.

29. ТОДОРХОЙЛОЛТ Нийлмэл бодис задарч хэд хэдэн дан буюу нийлмэл бодис үүсэх урвалыг задрах урвал гэнэ.

30. ТОДОРХОЙЛОЛТ Нэг дан бодис, нэг нийлмэл бодистой харилцан үйлчлэлцэж шинэ дан бодис, шинэ нийлмэл бодис үүсэх урвалыг халалцах урвал гэнэ.