Rasool (saww) ka Martabaey Fasahat aur Kalam e Rasool (saww) ki Khaas Infiradiyat. Hazrat Paighamber e Islam (saww) ko Khaliq ne johar e fasahat meiN imtiyazi martaba ataa farmaya, jise aapne khud apne eik jumle meiN iss ke donoN pahluoN meiN ek saath numayaN farmaya hai: " Qureish meiN se honEy ke alawa maiN tamam uss qaum meiN jo harf e zaad ka talaffuz jaanti hai (Arab) sab se zyada faseehul lisaan hooN."