1. O CEIP PORTO-CABEIRO é un centro de Ensino Público que acolle preferentemente
a nenos e nenas das parroquias de Santo Estevo, Vilar de Infesta e Cabeiro.
Está situado na Estrada de Cabeiro nº 5, Vilar de Infesta (Redondela).
O colexio conta con 6 unidades de Educación Primaria e 3 de Educación Infantil e
con mestres e mestras titores/as e especialistas para atendelos ademais do
Departamento de Orientación.
A súa construcción data aproximadamente do ano 1974, cando empezou a funcionar
con dez aulas repartidas nos dous andares do edificio.En todos estes anos o Centro
sufriu moitas modificacións ata chegar ata a súa remodelación actual: o primeiro
edificio era máis pequeno, tiña previsto un comedor, no actual ximnasio, que nunca
chegou a funcionar; a entrada era de terra, que se convetía en lama cando chovía e
construíronse vivendas para mestres.
O primeiro Director foi José Carlos Iglesias, e logo pasaron cinco máis ata chegar á
actual Mª José G. D.
No ano1981 constrúese, ao outro lado da estrada, un edificio para E. Infantil, que
agora desparareceu coma tal ao incorporarse este tramo educativo ao edificio principal.
En todos estes anos foi moito o profesorado e alumnado que pasou polas aulas do centro
que súa historia non parou de ser suxeito de cambios e modificacións.