Зміцер Янкоў з адроджанай ім вёскі Чырвоны Кастрычнік распавёў аб праекце мастацкага пленэру пад працоўнай назвай “Чароўны Кастрычнік”. Пленэр ужо праходзіў год таму, а цяпер арганізатары маюць намер перавесці яго на новы ўзровень, зрабіўшы падзеяй не толькі для ўдзельнікаў і іх знаёмых, але і для ўсёй Гомельшчыны. – Я ў любым выпадку зраблю гэты пленэр, – падзяліўся планамі Зміцер Янкоў, – нават калі праект не будзе падтрыманы; проста тады гэта запатрабуе больш высілкаў, але ідэя таго вартая.