Proxecto para desenvolver nas aulas e fóra deles, coa finalidade de educar e concienciar na necesidade de erradicar a violencia machista.

1. PROXECTO: Máis alá do machismo hai unha vida
digna para as mulleres
PERIODIZACIÓN: SEMANA DO 25 DE NOVEMBRO – 2016
DESTINATARIOS/AS: ALUMNADO 1ºBACHARELATO
OBXECTIVOS:
1. Comezar a exercer a cidadanía democrática, desde unha perspectiva global, e
avanzar no proceso de adquisición dunha conciencia cívica responsable, inspirada
polos valores da Constitución española e do Estatuto de autonomía de Galicia, así
como polos dereitos humanos, que fomente a corresponsabilidade na construción
dunha sociedade xusta e equitativa e favoreza a sustentabilidade.
2. Fomentar a igualdade efectiva de dereitos e oportunidades entre homes e
mulleres, avanzar na análise crítica das desigualdades e discriminacións existentes
e, en particular, a violencia contra a muller, e impulsar a igualdade real e a non
discriminación das persoas por calquera condición ou circunstancia persoal ou
social, con atención especial ás persoas con discapacidade.
3. Avanzar no afianzamento do espírito emprendedor con actitudes de creatividade,
flexibilidade, iniciativa, traballo en equipo, confianza nun mesmo e sentido crítico.
4. Desenvolver cada vez máis a sensibilidade artística e literaria, así como o criterio
estético, como fontes de formación e enriquecemento cultural.
CONTIDOS:
1. Lectura comprensiva, análise e comentario de textos (poéticos).
2. Elaboración de textos argumentativos e artigos de opinión.
3. Participación nos debates que se celebren no seo da aula.
4. Produción de textos escritos respectuosos coas regras de corrección lingüística.
5. Respecto polas normas básicas que rexen a interacción comunicativa.
6. Identificación e produción dos tipos de textos: O manifesto
ESTÁNDARES AVALIABLES:
1. Participa (con progresiva autonomía, estimulado pola persoa docente ou polos
compañeiros/as) en traballos de investigación e/ou proxectos e é quen de integrar
outras manifestacións artísticas nas súas producións textuais (case sempre).
2. Organiza o seu traballo (case sen dúbidas e con progresiva autonomía) arredor da
súa produción escrita e é quen de planificalo e revisalo, respectando as indicacións
dadas para a súa realización, ademais das propiedades textuais e a corrección
gramatical.
3. Comprende interpreta e sintetiza (case sen dúbidas e con progresiva autonomía) os
textos expositivos e argumentativos e é quen de identificar neles a idea principal e
as secundarias, distinguir a súa estrutura e elaborar (cada vez con maior
autonomía) textos semellantes.
4. Consulta (cada vez con maior grao de autonomía e guiado pola persoa docente)
fontes de información diversas para mellorar a súa comprensión e obter información
de cara ás súas propias producións.

2. 5. Comprende (con escasos erros) e interpreta (seguindo unha pautas dadas) a
intención comunicativa, a idea principal e as secundarias e os temas e subtemas de
todo tipo de textos escritos en calquera rexistro, nivel ou variedade de lingua e é
quen de elaborar resumos e esquemas respectando a coherencia e a corrección
gramatical.
6. Intervén (cada vez con maior grao de autonomía e guiado pola persoa docente) en
coloquios e debates e é quen de argumentar, respectando as quendas e a opinión
dos demais e empregando unha linguaxe non discriminatoria.
TAREFAS e TEMPORALIZACIÓN:
◦ Elaboración nas aulas dun manifesto contra a violencia machista, partindo do
máis famoso manifesto da Literatura galega nacido das mans dun rianxeiro, o
manifesto Máis Alá! de Manuel Antonio. (Ao longo de toda a semana).
◦ Participación nun obradoiro organizado polo concello contra a violencia
machista. (Martes 22 de Novembro).
◦ Construción dun muro de tixolos na entrada so instituto para escribir nel un
poema de Carlos Negro que recolle o caldo de cultivo da violencia machista: os
micromachismos. E que simboliza o muro que a nosa sociedade constrúe con
cada un dos prexuízos sexistas que amontoamos arredor da muller. (Fóra de
horas de clase, polas tardes)
◦ Colocación de poemas contra o machismo, obtidos da obra de Carlos Negro,
Masculino singular, no vestíbulo do instituto. (Fóra de horas de clase, polas
tardes)
◦ Distribución de noticias e imaxes da prensa cotiá arredor dos asasinatos
de mulleres.(Fóra de horas de clase, polas tardes)
◦ Lectura do Manifesto polo alcalde de Rianxo diante do muro dos prexuízos
sexistas. (Venres 25 de Novembro ás 13h.)
◦ Lectura de textos creados polo alumnado de Bacharelato e proxección
audiovisual arredor da violencia machista. (Venres 25 de novembro na
Biblioteca do Instituto, ás 13:30h.)
◦ O día 25 todas as persoas vinculadas ao instituto serán invitadas a asistir
ao mesmo vestidas de negro en sinal de loito polas mulleres mortas.
CRITERIOS DE CUALIFICACIÓN:
Dado que se trata dunha actividade complementaria e voluntaria, non forma parte dos
criterios ponderables para avaliar a materia de LGL, polo que entra a formar parte do
apartado Tarefas voluntarias para subir nota unha vez acadado o 4 na proba escrita do
trimestre.
En consecuencia, a participación neste proxecto pode subir a nota do trimestre de 0’1 a 1
punto. Dependendo do grao de participación e do grao de consecución dos estándares
avaliables sinalados máis arriba.