Traballo elaborado por alumnado do IES Monte das Moas

1. A ILLA DE ONS
Ángel Lorenzo Castañeda 2º ESO-E
-SITUACIÓN
É unha illa situada á entrada da ría de Pontevedra (na provincia de Pontevedra, en
Galicia).
É a illa principal do arquipélago de Ons xunto con a illa de Onza e outras pequenas
illas.
-CARACTERÍSTICAS MÁIS SALIENTABLES
Esta illa é catalogada Zona de Especial Protección para as Aves (ZEPA) e Lugar de
Importancia Comunitaria (LIC).
Pola parte sur da illa podemos atopar o Burato do Inferno que é unha profunda sima
mariña duns oitenta metros de profundidade.
O Burato do Inferno

2. -FAUNA E FLORA
·Fauna: Nas zonas rochosas, podemos atopar organismos como: percebes, lapas,
mexillóns, landras de mar, etc. Na franxa mareal existen: ourizos de mar, anemones,
bígaros, caranguexos, gobios ou polbos. Nos fondos arenosos podemos atopar con:
navallas, berberechos ou ameixas, rodaballo, a sepia ou o caranguexo ermitán. Tamén
podemos atopar aves como a gaivota patiamarela, o corvo mariño moñudo, a gaivota
sombría e o paíño europeo.
Tamén hai aves invernantes ou en paso migratorio como o corvo mariño grande, a
pardela balear e o arao común. Nas zonas de menor influencia mariña habitan aves
como o falcón peregrino e anfibios como a píntega e réptiles como o eslizón de cinco
dedos.
·Flora: É, sobre todo, matogueira: breixos, endrinos, fentos, xestas e toxos. O tipo de
árbores son salgueiros e amieiros nos pequenos cursos de auga, e en menor cantidade,
exemplares de eucalipto, piñeiro e carballo. Ons está actualmente deforestada, pero no
pasado estaba cuberta de especies autóctonas, como o rebolo, a sobreira, ou a camariña
nos areais.
O corvo mariño O eslizón de cinco dedos

3. -OUTROS DATOS DE INTERESE
En Ons existen nove aldeas habitadas que ofrecen distintos servizos aos visitantes. A
máis poboada é a parroquia do Curro, onde podemos atopar o porto, a igrexa, os
restaurantes e o antigo centro cívico que agora é un centro de acollida aos visitantes.
Existen catro rutas sinalizadas para coñecer a illa.
A igrexa de San Xaquín(O Curro)