1. Çka është menaxhimi i cilësisë?Menaxhimi i cilësisë është
mënyrë sistematike për t’u siguruar se aktivitetet e domosdoshme për të disenjuar,
zhvilluar dhe ofruar produktet dhe shërbimet të cilat kanë më shumë gjasë për të qenë të
përshtatshme për qëllimin e synuar, të realizohen sipas planifikimit dhe realizohen në
mënyrë efikase dhe efiçiente.
Ekzistojnë tri aspekte kryesore që kërkojnë menaxhim pro-aktiv, të
cilat janë:
• Çfarë do të ofrojë apo do të bëje biznesi;
• Si do të bëhet kjo
• Vlerësimi çfarë mund të bëhet për të përmirësuar proceset dhe ofertat e
shërbimit apo produktit
Apsketi I tretë ndihmon për të adresuar problemin e nevojave të
kuptuara, meqë mendimet e konsumatorëve duhet të mbrohen; fusha
e ankesave dhe zhgënjimeve gjithmonë do të jetë e ndërlidhur me
nevojat e kuptuara.
Mënyra përmes të cilës një organizatë planifikon ta menaxhojë
biznesin e vet është që ajo të ofrojë produktet dhe shërbime cilësore
siç specifikohet me Sistemin e Menaxhimit të Cilësisë (SMC). SMC-ja
është mjet për ofrimin e menaxhimit të cilësisë; ajo definon strukturën
organizative, përgjegjësitë, politikat, proceset, standaret dhe burimet
e kërkuara për të ofruar produkte dhe shërbime cilësore. Megjithatë,
SMC-ja nuk duhet të kosniderohet si model statik, por si system
veprues dinamik njerëzor i cili do të funksionojë vetëm siç synohet
nëse menaxhmenti dhe stafi janë të përkushtuar në realizimin e
objektivave. SMC-ja ka dy aspekte të ndërlidhura, nevojat e
furnizuesve dhe interesat e tyre, dhe nevojat e konsumatorëve dhe
pritjet e tyre. Nevojat e furnizuesve për të realizuar dhe pasur cilësinë
e dëshiruar me një shpenzim të favorshëm. Nevojat e konsumatorëve
për të pasur besim në aftësinë e furnizuesit për të ofruar dhe mbajtur
atë cilësi. Të dy aspektet kërkojnë që të mbahet videncë objektive dhe
ato ta analizohen për të treguar se cilësia e kërkuar planifikohet dhe
realizohet. Prandaj, rëndësia e realizimit të disenjeve përkatës,
implemtimi dhe mbështetja e SMC-së janë të nevojshme për të dhënë
kontribut të rëndësishëm në përmirësimin e efiçiencës dhe efikasitetit
të proceseve të biznesit.
«