1. GUÍA DE LECTURAS 2017-18
“A miña relación co galego
é unha historia de amor”
Mª Victoria Moreno, autora homenaxeada
no Día das Letras Galegas, 2018.
LIBROS PARA EDUCACIÓN INFANTIL
A chegada dun novo irmán ou irmá suscita a curiosidade do protagonista de “Un máis”, un
relato para primeiros lectores que destaca pola súa estrutura repetitiva a tres niveis: pola
reiteración das fórmulas coas que pequeno coello interpelaa súa nai para saber cando se
producirá o nacemento; a outros habitantes do bosque anunciándolles a boa nova e
trasladándolles a súa insistente pregunta; e por como imaxina os xogos que poderán
compartir.
Aos nosos irmáns querémolos, pero ás veces en vez de chamalos polo seu nome, facémolo co
dun animal: Osiño Xeitosiño, Bolboreta Requetecoqueta... E cando nos enfadamos, os animais
xa non son tan bonitiños e pasan a ser: un Coello Fedello, unha Saltona Mamalona...
Descubre os 5 continentes: Europa, África, América, Asia e Oceanía. Viaxa polo mundo da man
dunha nena, un neno e un can, aprendendo unha morea de curiosidades.Percorre 22 países
mergullándote na súa cultura e tradicións: España, Italia, Exipto, Etiopía, México, Perú, a
China, Irán ou Australia, entre outros. Cun pasaporte para personalizar, pega a túa foto e
escribe o nome dos países que visitaches.E… a cales che gustaría viaxar?
É o primeiro día de Daisy na escola de vacas, e os becerriños pásano pipa, pero Daisy non se
acaba de afacer. Os seus cascos pintan diferente, a súa bosta non é igual e o mesmo pasa cas
clases de remoer, e de espantar moscas co rabo.
As outras vacas e touros pregúntanse se Daisy é unha vaquiña normal, ata que as pitas
deciden tomar cartas no asunto! Esta historia para escachar ca risa celebra a diferenza e
aceptación. Esta é a segunda parte do incrible libro A vaca que puxo un ovo..
2. A NENA E O GRILO NUN BARQUIÑO está cheo de pequenas historias orixináis, cada unha
acompañada da súa canción do máis exquisito e pegadizo pop, todo creado polo polifacético
MAGIN BLANCO. Decorado con fermosas ilustracións a cargo de LEANDRO LAMAS e aderezado
con estimulantes actividades creativas e interactivas paraos nenos, para que poidan pintar,
escribir e debuxar o seu propio libro.
LIBROS PARA AS FAMILIAS
Poucas cousas cambian a vida dunha persoa. Presenciar un asasinato é unha delas. A Porta do Sol é
unha festa. Risos, barullo. Na praza ateigada de xente só uns poucos saben o que está a piques de
acontecer. E, aínda así, ningún dos asistentes esquecerá xamais esta tarde de domingo. Un disparo
camuflado no rebumbio, o alcalde botando a man ao peito antes de caer. Aí está o comezo dunha
investigación que nos levará dous séculos atrás, perseguindo as sombras do barrio vello, escoitando
os silencios dunha cidade chea de preguntas incómodas, rúas de sinais esquecidos e imaxes que non
son o que aparentan. Os mellores segredos sempre son os que se ocultan aí, nese lugar á vista de
todos. Regresan os personaxes de" Os fillos do mar" , a novela que deu a coñecer a Pedro Feijoo, para
enfrontarse a unha das intrigas mellor protexidas na historia da cidade de Vigo: a da súa fundación.
Un cineasta exiliado decide retornar ao país décadas despois de salvar a vida tras unha fuxida á
desesperada. Co seu regreso, tensións políticas e vellas historias da guerra do 36 volven ao presente.
Mais tamén volve a lembranza dos amores perdidos naqueles días de terror. Sen sospeitalo, o
xornalista da televisión que o animara a regresar para reivindicar a súa obra cinematográfica terase
que enfrontar ás temibles e violentas consecuencias de desenterrar un pasado negado e maldito.
Combinando memoria histórica, elementos de thriller policial e unha homenaxe ao cinema político,
Miguel Anxo Fernández logra con Blues para Moraima, Premio Blanco-Amor 2016, unha das súas
obras literarias máis ambiciosas. Unha novela de grande axilidade narrativa e unha intriga que
apreixa o lector.
Ratos e gatos serven a Art Spiegelman para narrar con gran mestría e unha linguaxe innovadora a
biografía do seu pai, Vladek, xudeu polaco supervivente do Holocausto. Con esta conmovedora
historia, Spiegelman marcou un fito na novela gráfica.
Honesto, transparente, vibrante…, tal vez haxa máis adxectivos para definir este libro de Miriam
Ferradáns, mais estes son os que se me ocorren para cualificar Nomes de fume, galardonado na última
convocatoria do Xose María Pérez Parallé.
Equipo de Dinamización da Lingua Galega (CEIP Antonio Palacios)