3. A predicación de Xesús ábrese co sermón do monte. Ante o lago
de Tiberiades, nun outeiro cerca de Cafarnaún, sentado, como
adoitaban facer os mestres, Xesús anuncia á multitude como é o
home das benaventuranzas.
4. Xa no Antigo Testamento resoara varias veces a palabra
“benaventuranza“, é dicir, a exaltación de quen cumpría de
distintos modos a Palabra do Señor.
5. As benaventuranzas de Xesús evocan en parte as que os discípulos
xa coñecían; pero agora oían por primeira vez que os puros de
corazón, non só, eran dignos de subir ao monte do Señor, como cantaba
o Salmo,(cf.Sal 24,4), senón que incluso podían ver a Deus.
6. Que pureza era esa tan alta como para merecer tanto?
Xesús explícao varias veces ao longo da
súa predicación. Por iso, tratemos de seguilo
para beber na fonte da auténtica pureza.
8. Ante todo, segundo Xesús, hai un medio excelente de
purificación: "Vós xa estades limpos pola Palabra que vos
anunciaron". (Xn 15,3).
9. Non son os exercicios rituais os que purifican a alma,
senón a súa Palabra.
A Palabra de Xesús non é como as palabras humanas;
10. nela está presente Cristo, así como está
presente doutro modo na Eucaristía. Por ela Cristo entra
en nós sempre que a deixemos actuar, fainos libres do
pecado e, polo tanto, puros de corazón.
11. Así pois, a pureza é froito de vivir a Palabra,
todas esas Palabras de Xesús que nos liberan
dos chamados apegos, nos que caemos sen remedio
se non temos o corazón en Deus e nas súas ensinanzas.
12. Poden referirse ás cousas, ás criaturas, ou a un
mesmo. Pero se o corazón está atento só a Deus,
todo o resto cae.
13. Para saír airosos desta empresa pode ser útil
repetir durante o día a Xesús, a Deus, esa invocación
do salmo que di:
"Señor, ti es o meu único ben". (cf.Sal 16,2).
14. Repitámolo a miúdo, e sobre todo cando algún apego queira
arrastrar o noso corazón cara a esas imaxes, sentimentos e
pasións que poidan ofuscar a visión do ben e quitarnos a
liberdade.
15. Cando nos apeteza mirar certos carteis publicitarios,
ou ver certos programas de televisión,
16. non! Digámoslle: «Señor, ti, es o meu único ben», e este será o
primeiro paso para saír de nós mesmos e volver a declararlle
a Deus o noso amor. E así teremos gañado en pureza.
17. Decatámonos a veces de que unha persoa ou unha
actividade se interpoñen, como un obstáculo, entre
Deus e nós e enturban a nosa relación con El?
18. Entón é o momento de repetirlle:
«Señor, ti es o meu único ben".
Isto axudaranos a purificar as nosas intencións
e a recobrar a liberdade interior.
20. Vivir a Palabra fainos libres e puros porque é amor.
O amor é o que purifica co seu lume divino
as nosas intencións e toda a nosa intimidade,
pois o corazón, segundo a Biblia, é a sede máis profunda
da inteligencia e da vontade.
21. Pero hai un amor que Xesús nos recomenda e que nos permite
vivir esta benaventuranza: o amor recíproco, o amor de quen
está dispuesto a dar a vida polos demais, a exemplo de Xesús.
22. Este crea unha corrente, un intercambio, un clima
cuxa nota determinante é precisamente a transparencia, a pureza,
pola presenza de Deus, que é o único que pode crear en nós un corazón
puro (cf. Sal 51,12). Se vivimos o amor mutuo, a Palabra produce os
seus efectos de purificación e santificación.
23. O individuo illado é incapaz de resistir longo tempo
ás instigacións mundanas, mentres que o amor recíproco
encontra o ambiente san capaz de protexer a súa pureza
e toda a súa existencia cristiá auténtica.
25. E aquí está o froito desta pureza que sempre hai que
reconquistar: que se pode ver a Deus, é dicir, comprender a súa
acción na nosa vida e na historia, oír a súa voz no corazón,
captar a súa presenza alí onde está: nos pobres, na Eucaristía,
na súa Palabra, na comuñón fraterna, na Iglesia.
26. É un modo de saborear a presenza de Deus xa desde esta
vida, «camiñando en fe e non en visión» (cf. 2 Co 5,7), ata
que vexamos «cara a cara»" (1 Co 13,12) eternamente.
27. “Benaventurados os limpos de
corazón, porque eles verán a
Deus“ (Mt 5, 8).
Texto de Chiara Lubich
Publicado en Ciudad Nueva n. 359 (11/1999), pp.28-29.
Gráfica Anna Lollo en colaboración con D. Placido D’Omina (Sicilia, Italia)
* * *
Este comentario da Palabra de Vida tradúcese cada mes en 96 linguas e
idiomas e chega a varios millóns de persoas en todo o mundo
a través da prensa, radio, televisión e internet.
Para máis información www.focolare.org
Este PPS, en distintos idiomas, publícase en www.santuariosancalogero.org