1. Domingo 23º TEMPO ORDINARIO - CICLO B
Abriranse os ollos do cego,
os oídos do xordo destaparanse, saltará
coma un corzo o coxo e a lingua do mudo
cantará”.
( Isaías 35, 4-7)

2. A profecía de Isaías anunciaba os
futuros tempos mesiánicos.
O profeta ollaba ao seu redor e vía
un ermo.
Anunciaba tempos de mananciais
e torrentes, de augas e estanques
na estepa.

3. Esas esperanzas eran o reflexo
dunha humanidade que busca
en Deus a salvación integral da
persoa e da sociedade.

4. É bo evocar esas esperanzas, por
utópicas que parezan.
Por difícil que pareza a
tarefa, ninguén pode caer na
tentación de abandonala.
O Evanxeo xera un mundo novo.
A evanxelización é a tarefa da vida
cristiá.

5. O evanxeo deste domingo dinos que a
xente pediu a Xesús
que impuxese as mans sobre un home
xordo e que apenas podía falar.
Xesús apartouno da
multitude, achegou os seus dedos
aos oídos
e á boca do enfermo
e pronunciou a palabra “Effetá”
que significa “Ábrete”.

6. Só os xestos das súas mans
podían facer perceptible
a compaixón e o poder de Xesús.
E aquela palabra podía
manifestar a súa forza e
autoridade a todos os que
podían oílo.

7. Xesús ergueu a vista ao ceo
e suspirou.
Coa súa mirada ao alto sinalaba
habitualmente a súa confianza
no Pai.
O seu alento cortado reflectía o
seu achegamento á dor o á
debilidade das xentes.

8. Divino e humano. Así era El.
E así terían que ser
todos os que tratasen de seguir
o seu camiño ao longo dos
séculos.

9. “Todo o fixo ben”
As accións boas reflicten a
bondade de quen as fai.
A bondade e a compaixón de
Xesús.

10. “Fai oír os xordos”
Se en Israel os libros santos
invitaban ao crente
a “oír” a voz de Deus,
é porque dela dependía
a súa liberdade.
Agora Xesús capacita os xordos para escoitar e
aceptar de corazón
a única palabra que libera.

11. “Fai falar os mudos”
Se os ídolos tiñan boca, non
había voz na súa garganta.
A mudez era o sinal máis claro
da súa falsidade.
Agora Xesús exhorta os seus a
anunciar por todas partes a
mensaxe da salvación
e da vida.

12. Señor Xesús,
axúdanos a escoitar con fe
a túa palabra
e a anunciala en todas partes con
coraxe e ledicia. Amén.

13. Autor: José Román Flecha
A PALABRA DO SEÑOR
Ed. Secretariado Trinitario -Salamanca 2007