1. Pangalan: _____________________________________
Phil-IRI Pangkatang Pagtatasa sa Pagbasa, Baitang 4
Panuto: Basahin ang bawat kuwento. Pagkatapos, basahin ang mga tanong at isulat ang titik ng
tamang sagot sa sagutang papel.
Bilang ng mga salita: 116
A.
1. Saan nangyari ang kuwento? (Literal)
a. sa bukid b. sa gubat c. sa kalsada d. sa lansangan
2. Ano ang hinahanap ng aso? (Literal)
a. makakain b. makakasama c. mapapasyalan d. matutulugan
3. Anong ugali ang ipinakita ng aso? (Paghinuha)
a. madamot b. matakaw c. masipag d. mayabang
4. Bakit hindi makalabas ang aso sa lungga? (Paghinuha)
a. may harang ang labasan c. lubos na marami ang kinain niya
b. may bitbit pa siyang pagkain d. mali ang paraan ng paglabas niya
5. Bakit kaya hindi siya natulungan ng isa pang aso? (Inferential)
a. natakot sa kanya ang aso c. nainggit sa kanya ang isa pang aso
b. para matuto siya sa pangyayari d. hindi rin ito makakalabas sa lungga
Bilang ng mga salita: 122
B.
6. Sino ang naghahanap ng pusa? (Literal)
a. ang kuting b. si Muning c. si Nanay d. si Susan
7. Bakit niya hinahanap ang pusa? (Paghinuha)
a. ipapasyal niya ito c. pakakainin niya ito
b. paliliguan niya ito d. patutulugin niya ito
8. Saan niya nakita ang pusa? (Literal)
a. sa silid b. sa silong c. sa kahon d. sa kusina
9. Sino ang mga kasama ni Muning sa kahon? (Paghinuha)
a. mga anak nito c. mga nahuli nito
b. mga kalaro nito d. mga kaibigan nito
10. Ano ang isa pang magandang pamagat ng kuwento?? (Pagsusuri)
a. Nasaan si Muning? c. Ang Kahon ni Susan
b. Nasaan ang Kahon? d. Ang Pagkain ini Muning
Ang Aso sa Lungga
May isang asong gutom na gutom na naglalakad sa kalsada. Habang naglalakad,
ibinubulong niya sa sarili na kailangan niyang makakita ng isang lunggang puno ng
pagkain. Nang makakita siya ng lungga sa dulo ng kalsada, agad siyang pumasok dito.
Kumain siya hanggang mabusog. Pero kahit busog na siya, kumain pa rin at inubos ang
lahat ng pagkain sa loob ng lungga. Sa kanyang kabusugan, halos pumutok ang malaki
niyang tiyan. Nang lalabas na lamang siya, napansin niyang hindi na siya magkasya sa
labasan. Sumigaw siya upang humingi ng tulong. Dumating ang isa pang aso at nalaman
ang nangyari. Bago ito umalis, nagwika siya sa kasamang aso, “Hintayin mo na lang
umimpis ang tiyan mo.”
Si Muning!
Muning! Muning!
Hanap nang hanap si Susan kay Muning. Dala ni Susan ang lalagyan ng pagkain
ni Muning. May laman na ang lalagyan, pero wala si Muning. Wala siya sa kusina. Wala
rin siya sa silid. Nasaan kaya si Muning?
Bumaba ng bahay si Susan. Hinanap niya kung naroon si Muning. Ikot na siya
nang ikot, pero hindi pa rin niya nakita. Baka lumabas ito ng bahay.
Ngiyaw! Ngiyaw!
Hayun si Muning! Ngiyaw siya nang ngiyaw. Nasa loob siya ng kahon. May mga
kasama si Muning sa loob ng kahon.
Nakita ni Susan ang kasama ni Muning. Mga kuting ang kasama ni Muning sa
kahon! May puti, itim at magkahalong puti at itim na kulay ng kuting. Tuwang-tuwa si
Susan!
Grade 4 - Mahogany

2. Bilang ng mga salita: 122
(Bagong Filipino Saligang-Aklat II, Ibita et al, 1990)
C.
11. Saan naganap ang kuwento? (Literal)
a. sa bahay b. sa paaralan c. sa palengke d. sa simbahan
12. Ano ang katangiang ipinakita ni Brownie? (Paghinuha)
a. matapang b. masungit c. maharot d. malikot
13. Ano ang napatay ni Brownie? (Literal)
a. pesteng ipis c. dagang bahay
b. pusang bahay d. ligaw na manok
14. Bakit kaya bahagyang ginalaw ni Brownie ang buntot nang makita ang amo? (Paghinuha)
a. gusto niyang gisingin ang daga c. natakot siyang mapagalitan ng amo
b. nagulat siya sa kanyang ginawa d. upang ipakita sa amo ang kanyang ginawa
15. Bakit kaya sinulat ang kuwentong “Si Brownie”? (Pagsusuri)
a. Hatid nito ang isang balita. c. Gusto nitong magbigay ng aliw.
b. Nais nitong magbigay-aral. d. Nais nitong magbigay ng bagong kaalaman.
Bilang ng mga salita: 128
(Yaman ng Panitik 1, Resuma et al, 1987)
D.
16. Sino ang nakatatandang kapatid? (Literal)
a. Mina b. Lito c. Lita d. Tina
17. Bakit sumisigaw si Mina? (Paghinuha)
a. galit siya c. tinatakot niya si Lito
b. maingay kasi d. hindi marinig ang boses niya
18. Ano ang naramdaman ni Lito nang tinanong siya ni Mina nang pasigaw? (Paghinuha)
a. nagalit siya c. natakot siya
b. natuwa siya d. nagtampo siya
19. Bakit nadulas si Mina? (Literal)
a. madulas ang sahig c. natapakan niya ang balat ng saging
b. di niya nakita ang nilalakaran d. natapakan niya ang basang bahagi ng sahig
20. Ano ang isa pang magandang pamagat ng kuwento? (Pagsusuri)
a. Ang Basurahan c. Pulutin ang Saging
b. Ang Saging ni Lito d. Ang Sigaw ni Mina
Si Brownie
Si Brownie ay aking alagang aso. Ang aking aso ay masamang magalit. Minsan
ay may pumasok na malaking manok sa aming bakuran. Kaagad niya itong tinahulan.
Kung hindi lamang siya nakatali nang mahigpit, malamang na habulin niya ito. Nagulat
ang manok at tumakbo ito nang mabilis palabas ng bakuran.
Kagabi ay hindi ko naitali si Brownie. Panay ang ungol niya. Maya-maya ay may
tinahulan siya nang malakas. Biglang lumukso si Brownie sa kanyang tulugan at may
hinabol. Dali-dali kong sinilip ang aking alaga. May napatay siyang daga! Bahagya pa
niyang ginalaw ang kanyang buntot nang makita ako. Kaagad kong binitbit sa buntot ang
daga at ipinakita kay Tatay. Masayang hinimas ni Tatay si Brownie. “Talagang
maaasahan ang asong ito,” sabi niya.
Balat ng Saging
“Lito! Lito!” Si Mina ang sumisigaw. Kay lakas ng kanyang sigaw.
“Bakit, Ate? Ano iyon?” Ito naman ang tanong ni Lito. Lumapit siya kay Mina. Ayaw
niyang sumigaw pa ang kanyang ate.
“Balat ng saging ito, hindi ba? Sino ang nagtapon nito?” Galit si Mina. Galit siya sa
nagtapon ng balat ng saging.
“Ako, Ate,” sagot ni Lito. Mahina ang kanyang sagot. Mahina ang kanyang tinig.
“Sabi ko na nga ba. Huwag ka nang magtatapon dito, ha! Sa basurahan ka magtatapon.
Hayan ang basurahan natin. Hayan, natapakan ko ang balat ng saging. Nadulas ako.”
“E... hindi ko sinasadya, Ate. Talaga, hindi ko sinasadya. Hindi na ako magtatapon
ng balat ng saging kahit saan. Sa basurahan na ako magtatapon.”
“Mabuti. Mabuti kung gayon,” sabi ni Mina.