1. REBYUNG
PAMPELIKULA AT
PANTELEBISYON

2. Pagsulat ng Rebyu ng Pelikula
• Ang Pelikula ay isang integratibong sining, biswal na midyum at
daynamikong naratibo ng iba’t-ibang paksain, pangyayari, genre, at
panahon na nagaganap sa harap ng manonood sa pinilakang tabing (silver
screen).
• Masasabi din na ito ay multimedia dahil kasangkot sa pelikula ang iba
pang sining tulad ng musika, teatro, literatura at potograpiya.
• Ang pelikula ay biswal na midyum tulad ng aklat, inihahatid ng pelikula
ang maraming mensahe at teksto sa paraang audiovisual.
• Audiovisual – nagaganap ang lahat ng ito sa paningin at pandinig ng
manonood, na sumasaling din sa pandama niya lalo kung drama, komedi,
o aksyon ang genre ng pelikula.

3. Dalawang Mahahalagang Hakbang Bago
Magsulat ng Rebyu ng Pelikula:
1. Tangkilikin at pahalagahan ang pelikula (film appreciation). Walang
maisusulat na rebyu kung hindi mo napanood ang pelikula. Ang
pagsulat ng rebyu ay isang pasyon at sining ng pagtangkilik ng
pelikula.
2. Alamin ang iba’t ibang elemento ng pelikula. Katulad ng ibang sining,
mayroong banghay at elemento ang pelikula na kailangang matutunan
ng isang rebyuwer. Dito dahil nagmumula ang lalamanin ng teksto ng
susulating papel.

4. Mga Elemento ng Pelikula at Gabay sa
Rebyu
1. Kwento/Banghay (Story/Plot) – Ang pelikula ay isang kwento-may simula,
gitna at wakas. Isulat sa rebyu ang tingin mong pinakamahalagang eksena sa iyo.
Maari ring ibuod ang buong kwento. Huwag lamang ibigay ang kapana-panabik na
mga eksena lalo na ang wakas na kwento.
Kwento (story) – ay linyar na pangyayari batay sa takbo ng panahon. Halimbawa
nito ang kwento ng buhay mo mula noong bata ka hanggang sa maging tinedyer ka.
Banghay (plot) – ay di linyar na pangyayari batay sa pagsasaayos ng manunulat
mula sa imahinasyon at karanasan niya, at batay din sa interpretasyon at imahinasyon
ng director.

5. 2. Karakter (Bida/Kontrabida) – Magkomento kung naging epektibo ba ang
karakter ng actor/artista sa pelikula. Ihambing din ang karakter sa dating
pinagbidahang pelikula ng actor/artista. Nagimprub ba ang acting?
3. Lunan at Panahon (Setting) – Bigyang pansin ang lugar na pinagdausan ng
pelikula. Angkop ba ang lugar sa kwento? Naging matipid ba o magastos sa
produksyon? Naging makatotohanan ba ang depiksyon sa panahon.
4. Sinematograpiya - Ito ang sining ng pagkuha o pagrekord ng eksena gamit
ang kamera na isinasaalang-alang ang mahusay na pagpili ng lokasyon at
paggamit ng ilaw.
5. Iskoring ng Musika – Ang iskoring ay ang paglalapat ng musika,
instrumental man o liriko sa pelikula.

6. 6. Editing – Nangyayari ito kapag tapos na ang syuting o aktwal na recording ng
pelikula. Ang editor ang nagtatahi ng pagkakasunud-sunod ng eksena, kwento, at
kabuuan ng pelikula.
7. Kabuuang Direksyon/Kahusayan ng Direktor – Hinuhusgahan ang
kabuuan ng pelikula sa galing ng direktor. Ang direktor ang siyang kapitan ng
pelikula, ang utos at kumpas niya ang nasusunod sa syuting at maski sa usaping
teknikal, iskoring, sinematograpiya at editing.
8. Tema – Tumutukoy ito sa pangkalahatang konsepto ng palabas at ang
inaasahang epekto nito sa manonood.
9. Rekomendasyon – Sa kahuli-hulian, banggitin kung papasa ba ito sa panlasa
ng nakararami. Irerekomenda ba itong panoorin ng lahat? Kung hindi lahat, sino
kaya ang magkakainteres sa pelikulang ito?

7. Rebyung Pantelebisyon
Hindi nagkakalayo ang elemento ng pelikula sa palabas sa telebisyon. Ito rin ang
gagamiting elemento sa pagsusuri ng palabas sa telebisyon. Gayunman, maaaring
rebyuhin ang palabas sa telebisyon ayon sa mga sumusunod:
1. Episodic – ayon sa particular na episode ng isang teleserye, game show, o anumang
programa sa telebisyon na arawan o linguhan ang palabas.
2. Isahan – pagsusuri sa special feature, news special, pelikulang pantelebisyon na isang
beses lamang mapapanood sa telebisyon.
3. Wakasan – pagsusuri sa kabuuan ng palabas matapos ang isang season (serye ng
mga palabas na binubuo ng 13 episodes o depende sa palabas)
4. Sangay – pagsuri sa isang sangay o element ng palabas, halimbawa ang paraan ng
pag-host at ang kinalabasan ng interbyu.

8. Suriin, Unawain at Magnilay-nilay
1. Paano nagsisilbing tagapagpalawak ng popular na kultura ang
telebisyon at pelikulang Pilipino?
2. Paano ipinapakita ang lipunang Pilipino sa mga kasalukuyang
pelikula at palabas sa telebisyon?
3. Bakit nagsisilbing matibay na uri ng popular na kultura ang pelikula
at telebisyon?

9. Digital Literasi
Magbigay ng mga pelikulang Pilipino ayon sa iba’t ibang genre at magbigay ng rebyu
gamit ang iba’t ibang elemento.
Genre Titulo ng Pelikula Pantelebisyon
Pag-ibig/
Romansa
Katatakutan
(Horror)
Drama
Bakbakan
(Aksyon)
Nakakatawa
(Comedy)

10. Maraming Salamat sa inyong
Pakikinig at Kooperasyon! 