1. KORESPONDENSIYA OPISYAL
Inihanda ni: Gng. Joan M. Torreres

2. Memorandum- karaniwang mula sa pamunuan
na nagsasaad ng mga paalala, isyu sa
organisasyon at aksyong kailangang gawin, at
iba pang bagay na may kinalaman sa
organisasyon.

3. Ang komunikasyon sa pamamagitan ng palitan ng mga nakasulat na liham ay
tinatawag na Korespondensiya.
1. Personal na korespondensiya
2. Korespondensiya opisyal o business correspondence

4. Kahalagahan ng korespondensiya Opisyal
1. Madali at epektibong paraan ng paghahatid ng impormasyon ang
korespondesiya opisyal, lalo na ngayong may teknolohiya na sa komunikasyong
sumusuporta sa mabilis at mabisang paghahatid ng mensahe.
2. Nakatutulong ang korespondensiya opisyal sa pagpapanatili ng ugnayan.
3. Kaugnay nito, ginagamit ang korespondensiya opisyal upang lumikha at
magpatatag ng ugnayan ng mga negosyante,empleyado,kliyente, at iba pang
may interes sa organisasyon o kompanya.
4. Nagsisilibing permanenting record at ebidensiya ang mga korespondensiya
opisyal.
5. Nakatutulong din ang korespondensiya opisyal sa paglago ng kompanya. Ang
bawat negosyo ay nangangailangan ng mga impormasyon tungkol sa mga
kakompetensiyang produkto o serbisyo,presyuhan sa merkado, target na kliyente,
promosyon ,poliyikal na kaligiran at iba pa.

5. PAGSULAT NG KORESPONDENSIYA OPISYAL
(Learning for Empowerment and Development, 2009):
1. Ano ang layunin ng isusulat na liham o memo?
2. Sino ang magbabasa nito?
3. Ano-anong mga ideya ang iyong isasama sa liham o memo?
4. Paano mo gagawing organisado ang mga ideya? Maaari kang gumamit ng
academic format, upfront format, at soft- approach format.
Ang balangkas ng academic format, na ginagamit kapag nais ilagay ang
pangunahing punto sa huling bahagi ng liham pantrabaho o memo, ay
karaniwang ganito:
• Kaligiran
• Introduksyon(Suliranin, saklaw)
• Katawan(mga fact,argumento,detalye,ebidensiya)
• Kongklusyon o rekomendasyon (resulta, mungkahing aksyon)

6. Karaniwan namang ginagamit ang upfront format sa mga liham na
humihiling. Dito, hindi na kailangan pang himukin ang pinadadalahan dahil
siguradong “oo” ang isasagot. Sa format na ito, nasa unang pangungusap ang
pangunahing punto. Ito ang karaniwang ayos ng ganitong format:
• Mensahe(pangunahing ideya, kongklusyon)
• Rekomendasyon (aksyon)
• Paliwanag(mga fact,detalye,elaborasyon,Ilustrasyon)
• Reiterasyon (pag-uulit ng kongklusyon at inaasahang aksyon

7. Soft-approach format- karaniwan itong ginagamit kapag inaasahang negatibo
ang magiging tugon ng pinadalahan. Sa pagsulat nito kailangang panatalihin
ang magandang ugnayan sa mambabasa. Ang mga sumusunod ay ang mga
element ng format na ito:
• Atensyon(pagpuri o pabibigay-loob)
• Interes (detalye ng problema,benepisyo para sa mambabasa.
Gustong Mangyari(Paglalahad ng inaasahang mangyayari, mga material na
makapaghihimok sa mambabasa
Aksyon (malinaw na pagpapahayag ng aksyon,petsa,benepisyo sa mambabasa