Atzerriko biztanleriarekiko pertzepzioak eta jarrerak
PIMEs_proiektua.pdf
1. ZER DA PIME’S PROIEKTUA
Europako Batzordeak CONCERTO hirien europar mapan kokatu du
Gasteiz eta PIME’s proiektua aukeratu du, beraren garapenean
diruz lagundu (10 milioiko subentzioa) eta etxebizitza‐garapenetan
energia‐ eta gizarte‐iraunkortasunaren alorrean jokabide egokiaren
adibide izan dadin. Proiektu horrek Salburua auzoan babestutako
432 etxebizitza eraikitzea eragingo du.
CONCERTO ekimenak (I+Geko 7. Esparru Programa) era
proaktiboan ekiten dio Europaren energia‐premietarako
iraunkorragoa izango den etorkizuna sortzeko erronkari, eta tokiko
komunitateei laguntza eskaintzen die estrategia iraunkorrak garatu
eta etxebizitza‐garapen iraunkorrak burutu ditzaten:
energia‐eraginkortasun handia eta energia‐iturri berriztagarrien
integrazioa, hori guztia teknologia berritzaileak erabiliz eta, aldi
berean, herritarren bizikalitatea hobetuz. Ekimen hori posible
egiteko, ezinbestekoa izan da erkidegoko eta tokiko agintaritzen
konpromiso tinkoa.
PIME’s proiektuaren ezaugarriak:
PIME’s proiektuak hainbat jarduketa jasotzen ditu Gasteizen,
Sandnesen (Norvegia) eta Szentendren (Hungaria). Halatan, hiru
hiriak lankidetzan ari dira I+Gko jardueretan, bai eta erakusketa‐ eta
zabaltze‐jardueretan ere, ahalik eta handiena izan dadin ezarritako
neurrien eta proiektu indibidualen inpaktua.
Proiektuak 4 herrialdetako 14 bazkide ditu, bost urteko iraupena
(2010‐2014), eta 18 milioi euroko aurrekontu orokorra, horietatik ia
11 EBk diruz lagunduta. Honako hauek dira hiru proiektuen
ardatzak: eraikinen diseinu bioklimatikoa, eguzki‐energia
termikoaren sasoian sasoiko metaketa, mikrosareen bidez
energia‐kudeaketa adimentsua ezartzea, eta ESCO's eredu berriak
garatzea, etxebizitza horietako biztanleen partaidetzarekin.
2. Gasteizen burutuko den jarduketa
Proiektu horretan, VISESAk 432 etxebizitza egingo ditu Gasteizko
Salburua auzoan, eta energiaeskaera murrizteko neurri berritzaileak
ezarriko ditu eraikinetan, horiei esker araudiaren eskakizuna baino
% 30 energia gehiago aurreztu ahal izateko.
Gainera, eraikin‐multzoan elektrizitatea eta berotasuna ekoizteko
mikrosare bat ezarri nahi da.
Barruan hartuko ditu iturri berriztagarriak, eta ingurumen‐ eta
ekonomia‐ikuspegitik energia optimizatuko duen kudeaketa‐sistema
bat.
Gasteizko Udala, VISESA, TECNALIA, EVE eta Acciona dira
bazkideak.
Gure hiriak jarduketarako duen aurrekontua 7 milioi eurokoa da, eta
horietatik 4 CONCERTO ekimenak diruz lagunduko ditu.
CONCERTO komunitateentzako onurak:
Alde batetik, komunitate horiek lehen‐lehen planoan egotearen
abantaila jasoko dute, energiaren kudeaketa iraunkorrerako
baliabide‐garapenaren alorrean aitzindariak izando direlako,
klima‐aldaketaren aurka borrokatu eta energiaren horniduran
segurtasuna hobetzeko Europar Batasunaren asmo orokorrak
burutzen laguntzeko jardunean. CONCERTO ekimenean parte
hartzen duten komunitateek abantaila garrantzitsuak dakarzkie
herritarrei klimaaldaketaren aurkako borrokan eta
energia‐horniduraren segurtasunean, toki‐mailan ez ezik, eskualde‐,
nazio‐ eta nazioarte‐mailan ere.