Кампанія ПеРАКможам

2. Брыф
У Беларусі каля 250 тысяч чалавек
маюць анкалягічны дыягназ.
Нягледзячы на гэта, тэма раку - адна з
табуяваных тэмаў беларускага
грамадзтва. Дзяржаўныя мэдыі не
прысьвячаюць праблеме дастаткова
ўвагі. А доступ да інфармацыі пра
магчымасьці мэдыкамэнтознай і
псыхалягічнай тэрапіі і якаснага
лекаваньня абмежаваны. Праект
“Перакможам” мае на мэце
згуртаваньне людзей вакол праблемаў,
зьвязаных з анкалёгіяй, прыз
стварэньней адмысловай пляцоўкі для
абмену думкамі, інфармацыяй і
абароны сваіх правоў.

3. Ідэя
Правесьці яркую сацыяльную кампанію ў супрацы з грамадзкімі
арганізацыямі. Кампанія ўключае ў сябе выданьне кнігі, сэрыя
онлайн і папяровых публікацыяў, шэраг івэнтаў і рэклямных
разьмяшчэньняў. У межах праекту людзям прапануецца
распавесьці пра сваё жыцьцё пасьля раку. Як зьмяніліся
прыярытэты? Ці зьявілася новае разуменьне сэнсу жыцьця?
“Перакможам” мае на мэце выкараніць працоўную ды
псыхалягічную дыскрымінацыю, зь якой могуць сутыкацца хворыя,
а таксама стымуляваць анкапацыентаў да супольнага вырашэньня
ўласных праблемаў.

4. Рэалізацыя і вынікі
Было зроблена 22 разгорнутыя гісторыі анкапацыентаў, у тым ліку - 8 відэаролікаў. Была
выдадзеная двума накладамі па 500 асобнікаў кніга "Жыцьцё пасьля раку". У гэтай кнізе
сабраныя гісторыі беларусаў, у якіх яны распавядаюць, што ім дапамагло перамагчы рак.
Аднаму дапамагла вера, другому каханьне, трэцяму музыка. Але ўсе яны даказваюць адно -
што рак - гэта адно з выпрабаваньняў, а не прысуд.
Разам з Артурам Вакаравым з агенцтва "Адліга" была праведзеная рэклямная кампанія на
розных плятформах. Была створаная сэрыя плякатаў з «пеРАКможцамі». На плякатах
Сяржук Бахун - у вобразе салдата-героя, Ірына Жыхар - як Бэтмэн, які дапамагае іншым,
Арцём Фрэнкель - Чэ Гевара - падарожнік, Ганна Маслоўская - касманаўт. Па Менску
зьявілася больш за 200 плякатаў кампаніі, 4 вялікія білборды ў пераходах мэтро. Была
рэкляма кампаніі на першых палосах "Беларусаў і рынак", "Камсамольскай праўды".
Круціліся ролікі на Беларускім радыё, выдадзеныя майкі, налепкі, улёткі з атрыбутыкай і
інфармацыяй пра кампанію.
Усіх герояў запрасілі 20 кастрычніка на прэзэнтацыю кнігі "Жыцьцё пасьля раку" ў малую
канцэртную залю Менск. Заля была поўная
Разам з арганізацыяй дапамогі анкахворых пад кіраўніцтвам Ірыны Жыхар, адбыліся
сустрэчы з анкахворымі або прэзэнтацыі праекту ў Бараўлянах, Клічаве, Бабруйску,
Смаргоні і інш. Праект быў адзначаны ў конкурсу «Болезнь, изменившая жизнь»