2. Fëmijët duhet të rriten nën pavarsinë e tyre të mbikqyryr dhe siguruar nga prindërit gjatë etapave të fëmijërisë.
3. Lidhja prind-fëmijë është aq e fortë saqë duhet patur kujdes se kjo lidhje mund të ngurtësojë zhvillimin e fëmijës.Këta janë makrotezat që në çdo fjalë, fjali apo kapitull kam pikatur gjatë leximit të këtij libri, por Dolto punen e saj e ka të ngritur në teza të pafundme, prandaj thuajse në çdo faqe ngrihen teza që kanë të bëjnë kryesisht me mënyren e të sjellurit dhe të kuptuarit të fëmijës. <br />“ETAPAT E KRYESORE TË FËMIJËRISË” <br />Ky libër duke qenë se nuk është konceptuar dhe përmbledhur nga vetë autorja e shkrimeve nuk është i ndarë në kapituj apo seksione të ndryshme, nuk ka një vijëmsi logjike që fillon me problemet e hershme te fëmijërisë dhe të vazhdojë në kronologji kohore apo problemore.<br />Libri fillimisht fillon të shqyrtojë pasiguritë e prindërve në lidhje me rritjen dhe edukimin e fëmijëve, më vonë kalon në situata konkrete që F. Dolto ka trajtuar në jeten e saj reale. Struktuara që vajza e F. Dolto i ka dhënë shkrimeve dhe kumtesave të nënës se saj nuk është e mirë llogaritur dhe të jep përshtypjen e një grumbulli materialesh shumë interesante të mbledhura në një vend por të pa rënditura me bazë logjike.<br />Libri “Etapat kryesore të fëmijërisë” nuk është i ndarë në kapituj të mirëfilltë, por ka një ndarje në bazë të temave apo rasteve që Dolto ka trajtuar dhe përjetuar në veprimtarinë e saj. Pasi shqyrtohen pasiguritë e prindërve kalohet në situatat konkrete të familjes, ku paraqitet dinamika familjare në momentet kur ndërveprimi rritet me një anëtar të ri që është fëmija. Nga fokusimi tek situata konkrete e familjes, autorja hedh një hipotezë duke guxuar të shprehë se edukata fillestare nuk shuhet, ku ndalet dhe sqaron shumë gjerësisht modelet edukative dhe impaktin që ka modeli i parë edukues ne vijëmsinë e procesit të edukimit të fëmijës. Problemet e fëmijërisë së hershme vijnë nga mesi i librit dhe paraqiten qartë dhe të renditura mirë, duke filluar që nga ambjenti pozitiv që duhet të ketë familja deri në këshilla intime dhe praktike si edukimi seksual dhe zgjedhja e krevatit të fëmijës apo gjimnastika e lirë.<br />Në vazhdimësi libri merr linjen e trajtimit të problemeve të fëmijërisë si: ushqimi dhe ndërprerja e gjirit, pastërtia e fëmijës, shqetësimet e gjumit, fëmija dhe loja, të folurit me fëmijët që në vegjëli, dhuna verbale dhe jo verbale etj. Gjatë shqyrtimit të këtyre temave vihet re fryma psikoanalitike e Dolto-s por edhe prakticizmi dhe përshtatshmëria e këshillave dhe instruksioneve për prindërit. Çështjet që ngre janë konkrete, të kapshme dhe ndihmuese për secilin prind, por edhe për secilin lexues sepse ajo e çon thellë në fëmijëri dhe bën që të mendojmë për stilet e prindërimit që kemi pasur, por edhe në krijimin e stileve të reja më të përshtatshme. Libri merr trajten e një rënditjeje të intervistave që Dolto ka dhënë, si dhe në dhënien e përgjigjeve që prindërit kishin ngritur në drejtim të Dr. Dolto.<br />Ajo që ka vijimsi në temat e mëtejshme është shqyrtimi praktik dhe deduksional që iu bëhet shqetësimeve të ngritura nga prindërit dhe revistat (Notre Damme) apo emisionet radiofonike. Trajtimi që i bëhet secilës temë, problem të fëmijëve është thellësisht me bazë psikoanalitike. Dolto merret me potencialin seksual që kanë fëmijët dhe i trajton shumë qartë mekanizmat veprues, por edhe impaktin që jep kjo energji e fëmijës në jeten familjare dhe sociale të fëmijës. Dolto me anë të këshillave konkrete thyen tabu në mënyren e rritjes dhe edukimit të fëmijëve. <br />Fundi i librit ndalet në një problematikë të gjerë për shoqërine, adoleshenti kriminel. Pra, pasi sqaron proceset e thella psikologjike që shoqërojnë fëmijen ne procesin e rritjes dhe edukimit në shkollë dhe familje, kalimin në moshen e adoleshencës e sheh si moment kyç ku fëmija duhet të jetë autonom, por në një autonomi të mbikqyrur nga prindi.<br />Megjithë se libri nuk është i ndarë në kapituj të mirëfilltë apo në seksione të lidhura kuptimisht me njëri-tjetrin, impakti që të len gjatë leximit është fryma praktike dhe psikanalitike që Dolto iu bën problemeve që sjellin prindërit për rritjen dhe edukimin e fëmijeve të shëndetshëm dhë të lumtur.<br />METODOLOGJIA<br />“Etapat kryesore të fëmijërisë” është një libër që nuk ka një strukturë të qartë, biles është libri i parë që kam lexuar dhe që nuk jam i qartë se kush është autorja e librit, F. Dolto apa vajza e saj Catherine Dolto, sepse kumtesat dhe punimet janë të F. Dolto por që janë mbledhur dhe strukturuar për tu botuar nga C. Dolto.<br />Metodologjia që është përdorur është bashkimi i kumtesave, intervistave, shënimeve që Dolto kishte bërë pas çdo takimi me fëmijë dhe prind të shqetsuar për ecurinë e edukimit.<br />Shënimet e mësipërme jane kombinuar me një interpretim më të thellë logjiko-psikoanalitik për të na sjellë këtë libër.<br />Metodologjia e qartë dhe e paraqitur ndershmërisht nga autoret është e besueshme pasi të gjithë tezat dhe këshillat janë të bazuara në punen praktike të Dr. Dolto-së, por mund te jenë edhe të dyshimta ngaqë libri është bazuar në përvojen e një individi, por edhe jo i konceptuar si libër nga vetë mendja e autores.<br />Metodologjia e të shkruarit të këtij libri është në përputhje të plotë me tezat që ngre Dolto, sepse tezat dhe ky libër vijnë nga puna e saj praktike me mijëra fëmijë. Fakti që libri është i lexueshëm dhe i vlefshëm edhe në ditët e sotme tregon që metodologjia dhe tezat e ngritura kanë vlera universale dhe çështje që kërkojnë çdo herë të jetohen dhe të trajtohen me profesionalizëm dhe pasion. <br />Dolto për të mbrojtur tezat që ngre është plotësisht e bazuar tek puna e saj praktike por edhe në teoritë psikoanalitike, sodomos nga teoria psikodinamike e Frojdit, por edhe nga Alis Miller , psikanaliste gjrmane (drama e femijerise gjeni 1983) ; Klod Shasanji ,pedagog dhe psikanalist (pedagogjia relacionale e gjuhes 1968) ; Zhyljet Favez-Butonj,mjeke 1946 ; Revista Franceze e psikanalizes, Le Seuil 1981etj.<br />Dolto--Frojd<br />Frojdi shpalosi teorinë e tij për zhvillimin psikosocial të fëmijës ku e fillon me fazen orale dhe mbaron me kthimin në zonë erogjene të organit seksual. Dolto si një psikanaliste është bazuar terësisht në teorinë frojdiane për të paraqitur mendimin e saj për zhvillimin e fëmijës. Në çdo paragraf kuptohet fryma frojdiane e të konceptuarit dhe të trajtuarit të çështjeve si: xhelozia, ankthi i ndarjes, ndërprerja e gjirit, personifikimi seksual etj..<br /> ANALIZA IME KONSTRUKTIVE OSE DESTRUKTIVE...?!<br />“Etapat kryesore të fëmijërisë” është një libër që i drejtohet një target grupi shumë të gjerë si: prindërit, mësuesit, edukatorët, psikologëve, punonjësve social, mjekve, studentëve dhe të gjithe atyre që kanë kuriozitet të thellojnë njohuritë mbi zhvillimin e fëmijës. Si i tillë, ky libër përmban vlera të shumta në temat që trajton, tezat që ngren, mënyren e trajtimit dhe në thellësine e gjetjes së problemeve që shpesh herë i kalojmë pa vënë re, por që na ndikojnë ngado që shkojmë. Vlera primare është sepse ky libër vjen nga puna praktike e një pediatreje që njeh mire zhvillimin bio-fizik te fëmijës, nga një psikanaliste që futet thellë në problematiken e shfaqur dhe nga një nënë që ka instikte dhe intuitë të studiojë dhe kuptojë deri ne detajin me të imët të fëmijës.<br />Libri na jep të gatshme instruktazhe që Dolto i ka nxjerrë nga puna e saj e përditshme, instruktazhe që na bën të mendojmë dhe të kuptojmë përtej asaj që vazhdimisht shohim kur kemi fëmijë përballë.<br />Me këtë libër, ajo guxon të thejë tabu për kohen e saj, ajo sfidon prindërit dhe shoqërinë duke i dhënë fëmijës pushtetin që meriton dhe duke ndërgjegjësuar të gjithë lexuesit se fëmija është një qënie aktive që para se të vijë në këtë botë. Ajo i jep nje godtje shoqërisë patriarkale duke i dhënë pushtetin dhe lirinë fëmijës, kur thotë se djemt mund të lozin me kukulla dhe vajzat me makina.<br />Libri ka vlera universale sepse shkrimet e saj pothuajse kanë një shekull që janë bërë dhe akoma në ditët e sotme janë të vlefshëm dhe shumë aktual. Libri ka vlera universale sepse ka kuptim në të gjitha shoqëritë njerëzore.<br />Kultura e çdo njeriu ose çdo shqiptari është se libri është mjeti i dijes dhe vlersohet deri në hyjnizim, por ky libër përveç anëve pozitive ka edhe aspekte të diskutueshme.<br />“Etapat kryesore të fëmijërisë ” është shumë i pastrukturuar dhe lexuesi duhet të jetë shumë i kualifikuar dhe herë pas herë të mbaj shenime sepse mungesa e struktures e ndërlikon të kuptuarin e lexuesit dhe sjellë ç’orientim tek ai.<br />Dolto në këtë libër përshkruan çdogjë sipas këndveshtrimit të saj dhe është shumë e mbyllur në raport me pikëpamjet e shumë specialistëve bashkëkohës të saj. Në faqen 105 të librit jepet një leterkëmbim me nje pediatre dhe Dolto reagon duke u përfshirë me rende ideologjiko-politike. Besoj që secilit lexues i krijon një pikëpyetje që në një libër për edukimin të përfshihen replika për pikëpamje politike,<br />Dolto na e sjellë psikoanalizen shumë të qartë, të kuptueshme, të këndshme për tu lexuar, por shpesh herë prindërit mund të stepen nga thellësia e kuptimit të gjërave.<br />Libri është një manual që secili lexues të mësojë për kurshtje por edhe të fitojë aftësi për të kuptuar këta qënie të brishta por kaq komplekse që janë fëmijët,<br />Libri eshte nje burim i pashterrshem per te gjithe ata qw kane nevoje te zgjerojne njohurite e tyre per moshen e femijerise.<br />Mars 2010<br />