1. RIZAL ESSAY WRITING CONTEST
Bakit nga ba mahirap ang Pilipinas?
Hindi maipagkakaila na mahirap ang Pilipinas sapagkat sa maraming mga
aspetong nakapaloob dito.
Ang mga Pilipino ay may mga katangian sanhi ng kahirapan dinaranas natin
ngayon. Isa na rito, ang pagkakaroon natin ng “Crab mentality”. Maraming mga Pilipino
ang hirap umasenso dahil sa mga taong mabilis mainggit at naghahatak sa kapwa
pababa. Makikita ito sa mga Pilipinong nagtatrabaho sa ibang bansa, sila-sila mismo
ang naghihilahan pababa o nagsisiraan. Pangalawa, ang “Ningas kugon”. Sinisimulan
ang isang trabaho ngunit hindi tinatapos nang maayos. Sanay tayong mga Pilipino na
simulan ang isang bagay ngunit kapag tinamad na o nawalan ng gana, hindi na ito
tinatapos o pinababayaan na lamang. Pangatlo, ang “Mañana habit”. Ang katangiang
ganito ay pinagpapabukas pa ang mga bagay na puwede namang gawin na. Ito ay
tanda ng isang katamaran o pagiging tamad ng mga Pilipino. Pang-apat, ay ang
“Bahala na”. Ito yong ugaling nagpapakita ng kakulangan sa pag-iingat at pagsisikap .
Ilan sa mga nakasaad dito ay malamang na likas na ugali natin o maaring nagawa na
natin ng hindi sinasadaya o namamalayan. Hindi ito maiiwasan dahil ang ilan dito ay
sadyang nasa dugo nating mga Pilipino. Maaari ding marami sa kaugaliang ito ay isa sa
mga dahilan kung bakit tayong mga Pilipino ay hirap na umasenso gayun din ang
bansang Pilipinas. Siguro kung mababago natin ang kaugaliang ito malaki ang
possibilidad na magbago rin ang kalagayan ng bansang Pilipinas

2. Isa pa sa dahilan ay ang ating mga namumuno sa pamahalaan na ang ilan sa
kanila ay mga ganib na nanungurakot sa kaban ng bayan na sana’y gagamitin para
makaahon sa kahirapan, kasabay din nito ang mga batas na ipinangakong ipatupad
ngunit ang lahat ay nabigo dahil ang batas ng bayan ay sinawalang bahala kaya ang
mga tao sa ating bansa ay pawang nalululong sa masasamang gawain sapagkat
umaasa sila sa mga namamahala sa pamahalaan na akala nila buong tapat itong
nagsisilbi sa taong bayan. Hindi rin makuntrol ng pamahalaan ang paglubo ng
populasyon ng Pilipinas, at nagreresulto ito sa kahirapan ng mga mahirap na pamilya.
Kapag mas marami ang mga tao, mas marami rin ang mga taong kailangang pakainin.
Nahihirapan tuloy ang mga tao sa kanilang pamumuhay kaya naglipana ang mga taong
walang trabaho na napipilitang gumagawa ng iba't ibang karahasan, mga kabataan
ngayon na sa murang gulang ay ibinibenta ang sarili upang mairaos ang pang araw
araw na buhay, mga batang gumagamit ng bawal na gamot at dahil dito’y nagiging
sanhi pa ito ng pagkitil ng buhay ng kapwa tao. Ang patuloy ang pag-angat ng
kahirapan na nadaragdagan pa ng mga kalamidad na kalahati nito ay kasalanan din ng
mga mamamayan at ng pamahalaan kagaya na ng “Global Warming” ang dahilan nito
ay ang pagpapabaya ng ating mga kababayan, gaya na lamang ang walang
pakundangang pagputol ng mga punongkahoy, ngunit may mga programa ang
pamahalaan na isinasagawa upang maiwasan ito pero hindi nila siniseryoso ang mga
suliranin datapwat naging daan pa ang mga programang ito upang makakurakot ng
mga pundo para sa sariling kapakanan.
Ano ba ang nangyayari sa atin? Nakakalimutan na yata natin ang nagawang
pakikipaglaban ng ating mga bayani para lang tayo maiahon sa kalugmukan sa sarili

3. nating bansa laban sa mapang-abusong mga dayuhan. Dapat tayong magmuni-muni
para baguhin natin ang maling kaugaliang Pilipino na nagiging sagabal sa ating pag-
unlad. Karamihan sa mga kaugaliang ito’y tila anay na sumisira sa ating pagkatao,
pagkabansa, at organisasyong kinabibilangan natin. ‘Wag na tayong magtago sa ating
sariling anino. ‘Wag tayong makontento na maging isang kahig, at isang tuka. Dapat ay
may layunin tayong makaahon sa kahirapan at maging matagumpay. Gayunpaman,
hindi pa huli ang lahat. Bumangon tayo at magtulungang talunin at kalabanin ang ating
sariling anino at tumawag tayo ng pagbabago laban sa kahirapan upang maiangat ang
ating bansa. Tahakin natin ang liwanag na landas at hikayatin natin ang mga
mamamayan at humukin natin sila na makiisa sa pagtawid na gumawa ng tama,
malinis, responsable, respeto sa batas at alituntunin, respeto sa karapatan ng iba,
masipag, matipid at namumuhunan, buo ang loob gumawa nang malaki, tapat sa oras,
at sikapin natin ilatag ang sistema na magpapabuti, magpapaganda at higit sa lahat
ang paunlarin ang ating bansa.