Proxecto Documental Integrado curso 2016/2017

1. OÍDO COCIÑA!
ACHEGAS DESDE O EQUIPO DE BIBLIOTECA AO PLAN LECTOR
O Proxecto Documental Integrado para o curso 2016/2017 xirará a través do
centro de interés da cociña. Experimentar, investigar, crear e compartir o
aprendido serán os ingredientes clave. Convertiremos a biblioteca nun lugar
onde adquirir e consolidar coñecementos e competencias relacionadas coa
cociña, a alimentación e a adquisición de hábitos saudables.
O proxecto dividirase en tres fases:
MOTIVACIÓN
Iniciamos o proxecto coa construción dunha cociña no andar onde se atopa a
biblioteca. Para a súa decoración contaremos coa colaboración do alumnado,
profesorado e as familias que axudarán a darle cor aos utensilios. Os acertixos
que inclúen os utensilios e as probas que terán que pasar na actividade que
levaremos a cabo o día da inauguración da biblioteca serán o punto de partida
para as actividades que desenvolveremos ao longo do curso.
BIBLIOTECA ESCOLAR, TERRITORIO DAS ARTES
A cociña é unha tarefa que se caracteriza pola creatividade e o traballo en
equipo e con esas premisas sumámonos un ano máis á campaña das
bibliotecas escolares.
A cociña é creatividade, ciencia, matemáticas, xeografía, historia,
arte...aspectos que unidos ou por separado axudaranos á construción do
coñecemento e á adopción de estilos de vida saudables.
Durante o segundo trimestre realizaremos unha víaxe gastronómica que nos
axudará a coñecer outros mundos ademais do noso. Achegarémonos a
diferentes producións artísticas e crearemos as nosas.
BOTA UNHA MAN!
Co fin de fomentar a capacidade crítica e o consumo responsable, as
actividades do terceiro trimestre xirarán arredor do comercio xusto, a ecoloxía e
o coidado do entorno.

2. LIÑAS PRIORITARIAS DE ACTUACIÓN NA BIBLIOTECA ESCOLAR PARA
O CURSO 2016/17.
1. En relación coa organización e xestión
 Destinar unha hora semanal común de coordinación cos responsables
doutros equipos (Dinamización da lingua galega, Complementarias,
TICs) e así unir esforzos e implicarse en actividades conxuntas.
 Unificar as reunións do equipo de biblioteca e dinamización da lingua
galega.
 Establecer tempos de dedicación lectivos dos membros do equipo para
as tarefas de xestión, informatización e organización da mesma.
 A Biblioteca estará a disposición do profesorado e do alumnado durante
a xornada escolar, e da comunidade educativa de luns a xoves de 16:00
a 17:00.
 Continuar co préstamo á hora do recreo e así optimizar o tempo de hora
da biblioteca.
 Establecer un horario de biblioteca para todos os cursos ao longo da
semana e de atención á biblioteca dos membros do equipo.
 Optimización e difusión da sinalización da biblioteca.
 Formar ao alumnado de 6º para exercer a labor de axudantes de
bibioteca.
 Catalogación e clasificación dos documentos novos, altas e baixas,
carnés de lector…
 Equilibrio de fondos. Criterios de selección e compra.
 Continuar coa labor de expurgo.
2. En relación coa dinamización e promoción dos recursos da biblioteca,
a súa integración no tratamento do currículo e a súa contribución ao
desenvolvemento das competencias básicas do alumnado.
 Impulsar a utilización da biblioteca como espazo para a lectura, para a
busca de información e para a aprendizaxe.
 Promover e facilitar actividades de investigación que impliquen a
necesidade de utilización dos recursos da biblioteca como fonte de
información.

3.  Promover actividades lúdicas en colaboración cos “axundantes de
biblioteca” nos que o uso da biblioteca sexa imprescindible.
 Ampliar e actualizar o fondo bibliográfico con material de consulta,
monografías, especialmente no ámbito ciéntifico, de nee e familias, tendo
en conta o tema do PDI (A cociña).
 Adquirir bibliografía para as familias, de temas relacionados coa educación
 Expor temporalmente as novidades, os libros adquiridos.
 Promover as recomendacións de libros entre o alumnado.
 Difusión do fondo e das actividades da BE a través do Blog da
biblioteca:“Candeanina libroteca”
(http://ceipigrexacandean.blogspot.com.es)
 Informar ás familias na 1ª reunión das posibilidades que ofrece a biblioteca
e dinamizar a súa asistencia polas tardes.
 Divulgación da Guía de usuarios da BE para o alumnado e o profesorado.
 Edición de guías de lectura: Nadal, vacacións verán.
 Continuar co sistema de préstamos persoais e de aula (caixas viaxeiras).
 Realización de actividades nas conmemoracións: Día internacional da
Biblioteca, Semana da prensa, Día de Rosalía, Día do libro, Día da poesía,
Día das Letras Galegas.
 Integrar a biblioteca no noso labor docente, reflectíndoo nas programacións
de aula.
 Lectura na casa e en familia (mochilas viaxeiras).
 Rexistro das lecturas nos diferentes cursos.
 A escrita: creación persoal de textos (contos, poesías, adiviñas,...)
3. En relación coa formación de usuarios e adquisición da competencia
informacional (competencia para o tratamento da información )
 Provomer e diseñar actividades sinxelas que impliquen a necesidade do uso
de dispositivos móbiles e aplicacións (blog de aula, códigos QR, chatter pix,
gloster, nube de palabras, photocollage…)
 Asesorar e informar ao profesorado sobre a organización e uso da
biblioteca no mes de setembro (Guía de usuarios, CDU,...).
 Utilizar con eficacia os recursos da biblioteca nas horas semanais de cada
curso.
 Experimentar o valor do traballo colaborativo.

4.  Afianzar as normas de organización dos fondos e uso adecuado dos
espazos, a través de carteis e das actividades de formación de usuarios
 Editar unha guía de usuarios.
 Deseñar actividades de formación de usuarios.
4. En relación co fomento da lectura e co desenvolvemento do Proxecto
Lector de centro (en materia de lectura, escritura e habilidades no uso,
tratamento e produción da información).
 Promover actividades de edición de pequenos textos no alumnado que
impliquen a necesidade de utilización de imaxes e hipervínculos.
 Elaborar un itinerario lector que favoreza o achegamento do alumnado a
lecturas axeitadas á súa idade.
 Manter o blog actualizado como plataforma onde obter información para o
PDI e novas relacionadas co mundo do libro. Promover a participación da
comunidade educativa e dar a coñecer actividades que se desenvolvan na
bilbioteca.
 Destacar os libros nos expositores do colexio: autores, temas e
conmemoracións.
 Favorecer o emprego do recuncho dos soños para a lectura por pracer.
 Préstamos individuais e de aula (caixas e mochilas viaxeiras).
 Dedicar un tempo diario á lectura (hora de ler ou estudo doutras
posibilidades).
 Lecturas en voz alta polo profesorado e alumnado doutros cursos.
 Apadriñamento lector e contacontros entre o alumnado.
 Visita dos contacontos do IES Carlos Casares.
 Visitas de autores, ilustradores, contacontos, ...
 Organizar outra edición da Feira do libro usado.
5. Outras actuacións
 Coordinación coa biblioteca municipal mais próxima e cos responsables de
bibliotecas da zona (Biblioteca Municipal Neira Vilas).
 Potenciar o fondo bibliográfico para as familias.
 Contribuir á compensación das desigualdades facilitando aos usuarios os
recursos necesarios para a súa formación como lector e productor de
información.

5. 6. Criterios e procedementos de avaliación. Indicadores e instrumentos
que se van utilizar
Indicadores:
 Implicación do alumnado e profesorado nas actividades de
dinamización.
 Grao de implicación das familias nas actividades nas que se procure a
súa colaboración.
 Nivel de formación acadado polos usuarios e usuarias: uso do Programa
Meiga para as consultas do catálogo, localización física dos volumes da
coleción e uso dos recursos informáticos e audiovisuais...
 Adecuación das melloras en materia de equipamento e colección.
 Organización e disponibilidade dos documentos.
 Rendemento do alumnado respecto ao hábito lector e ás aprendizaxes.
 Funcionamento das seccións de aula.
 Número de volumes catalogados.
 Presenza real da biblioteca nas programacións didácticas.
 Adecuación do Proxecto ás necesidades do centro.
 Preferencias do alumnado respecto á coleción.
Procedementos:
 Enquisa de avaliación trimestral ao alumnado, profesorado e familias a
traves do blog.
 Enquisa de avaliación do profesorado de cada actividade proposta.
 Enquisa de autoavaliación para os nenos e nenas que participen no
apadriñamento lector.
 Rexistro de avaliación do funcionamento das seccións de aula, a cubrir
polos titores e titoras.
 Nº de participantes nas actividades dos distintos espazos: “Recuncho dos
soños” (lectura no patio), empréstitos, asistentes á biblioteca polas tardes,
participantes da comunidade escolar.
 Cadernos das Mochilas Viaxeiras coas valoracións das familias.
 Sesión avaliativa do Proxecto da biblioteca (ao final do curso) no Claustro e
no Consello Escolar.

6.  Valoración do profesorado e o alumnado sobre a organización e
dispoñibilidade da coleción na biblioteca.
 Recoller propostas do profesorado e alumnado a través da caixa de
suxestións.
 Enquisas da Dirección Xeral de Ordenación e Innovación Educativa sobre a
biblioteca escolar/hábitos de lectura e as prácticas de uso da biblioteca e de
fomento da lectura (para o profesorado).
O Equipo de Biblioteca