1. Баруун бүсийн бага боловсролын багш нарын “Сургалтын хөтөлбөр төлөвлөгөө, зөвлөмжийн агуулга арга
зүйг судлах, түүнийг хэрэгжүүлэх арга зам”сургалт
Бага боловсролын багш нарын хэрэгцээ шаардлагыг үндэслэн , сургалтын хөтөлбөрийн шинэчлэлийн чиг
хандлагад нийцүүлэн багш нарын заах арга ур чадварыг нэмэгдүүлэх , ээлжит хичээлийн чанарыг сайжруулах,1-5
дугаар ангийн сургалтын хөтөлбөр , сурах бичигт анализ хийх ,багш нарын стандарт хангалтын шалгалтын сэдэвт
үнэлгээ дүгнэлт өгөх зорилгоор баруун бүсийн бага ангийн багш , сургалтын менежерүүдэд зориулсан сургалт 09
сарын 22-24 өдрүүдэд Ховд сумын ахлах сургууль дээр амжилттай зохион байгуулагдлаа.
Сургалтанд бүсийн 6 сумын 8 сургуулийн 90 гаруй багш оролцож сургууль бүр багш нарын бүтээлээр үзэсгэлэн
гаргаж,менежерүүд өнгөрсөн хичээлийн жилд хийсэн шинэлэг, бүтээлч ажлаараа тайлан тавьж , аймгийн
тэргүүний Ховд ахлах сургуулийн үйл ажиллагаатай танилцаж биенээсээ туршлага судалсан ахмад багш
нараасаа суралцсан ,залуу багш нартаа урам , ажиллах эрч хүч хайрласан сайхан сургалт болж өнгөрлөө . Энэ
үеэр багш нарын дунд урлаг спортын тоглолт “Электрон хичээл бэлтгэх “ уралдаан зохион байгуулж багш
нарыгаа шагнаж урамшууллаа. Уралдаанд Ховд сумын ахлах сургуулийн багш Ц.Мөнхжаргал түрүүлж , Өлгий
сумын ахлах сургуулийн багш Буянтогтох , Наранбулаг сумын ахлах сургуулийн багш Б.Бямбацогт нар удаах
байр эзэлж бусад багш нараа хошуучлан оролцов.
Бага боловсролын арга зүйн багийн багш Б.Эрдэнэтуяа , Э.Наранмандах, Ж.Энхцэцэг С.Янжиндулам нар заахад
бэрхшээлтэй арга зүйг шаарддаг ,хүүхдэд ойлгуулахад хүндрэлтэй эх дээр ажиллах , магадлал. хөдөлгөөний
бодлого бодох нэг цагийн хичээл зааж үзүүллээ. Үзүүлэх хичээлд Ховд сумын засаг дарга ач холбогдол өгч багш
нартай хамтран хичээлд сууж үнэлгээ дүгнэлт өгч байсан хамгийн гайхалтай, бусдад талархууштай боловсролын
байгууллагын ажлыг дэмжиж хамтран ажиллаж байгаа нь харагдлаа .

2. Сургалтын бүхий зардлыг дааж орон нутагтаа оюуны хөрөнгө оруулалт хийсэн Ховд сумын засаг дарга ,түүний
тамгийн газар , ахлах сургуулийн захиргаа багш сурган хүмүүжүүлэгч хамт олонд
Олон нуур шиг арвин баялаг
Ховд гол шиг өгөөжтэй
Шаазгай нуур шиг хүртээмжтэй
байхын ерөөл өргөж ажлын өндөр амжилт сайн сайхан бүхнийг Увс аймгийн боловсрол, соѐлын газрын өмнөөс
хүсэн ерөөе. Номын цагаан буян дэлгэрэх болтугай