3. PANIMULA
Napakahalaga ng mga patalastas o anunsyo sa
ating komunidad. Isa ito sa pinakaginagamit na
paraan upang maipangalat ang mga mahahalagang
impormasyon na kinakailangang maipaalam sa mga
tao sa komunindad. Ang mga patalastas ay kapuwa
mahalaga para sa mga opisyales at mga miyembro
ng komunidad. Para sa mga opisyales, ang
pagpapaskil ng mga patalastas ay isang mabisang
paraan para maipaabot sa mga tao ang mahahalagang
balita o detalye na hindi gumugugol ng mahabang
panahon. Sa panig naman ng mga miyembro ng
komunidad, madali silang mapaaabutan ng mensahe
na maaari pa nilang balik-balikan ng pagbabasa.
4. Tungkulin natin ang gumawa ng mga
patalastas bilang mga kalihim ng baranggay.
Gayunman. Ang pagsulat nito ay hindi basta-
basta. Kinakailangan nating bigyang-pansin
ang mga tulong para makabuo ng isang
mahusay at epektibong patalastas. Tandaan,
tunguhin nating mapaabutan ng impormasyon
ang mga tao sa paraang mabilis at tama nilang
mauunawaan. Iyan ang dahilan kung kaya’t
kailangan nating maging maingat at deretso sa
pagsulat ng patalastas.
5. Sa pagtatapos ng pag-aaraal sa modyul
na ito, ang mga kalihim ng barangay ay
inaasahang:
• Nailalahad ang kahulugan ng isang
patalastas o anunsyo
• Nakasusulat ng isang patalastas o anunsiyo
• Napahahalagahan ang layunin ng isang
patalastas o anunsiyo
6. Ano ang patalastas?
Ang patalastas ay isang pampublikong
pahayag na karaniwang pormal at may tiyak
na tunguhin. May iba’t ibang uri ng
patalastas, pero ang lahat ng ito ay may
layuning magpaalam.
7. Mga Tuntunin sa Paggawa ng
Patalastas:
1. Maging tiyak sa paksang susulatin.
Alamin ang mga impormasyon tungkol sa
kung ano ang iyong ipatatalastas. Mahalaga
na alam mo ang ilang mahahalagang detalye
ng iyong susulatin.
8. Mga Tuntunin sa Paggawa ng
Patalastas:
2. Gawing maikli ang mensahe. Maging
direkta at gawing hitik ito sa impormasyon
kahit maikli lamang ito. Ang iyong mga
mambabasa ay madali itong mauunawaan at
madali nila itong mababalik-balikan.
9. Mga Tuntunin sa Paggawa ng
Patalastas:
3. Ilagay ang mahahalagang
impormasyon. Isulat ang mga detalye na
sumasagot sa mga tanong na: Ano? Sino?
Bakit? Saan? Kailan? At Paano?
10. Mga Tuntunin sa Paggawa ng
Patalastas:
4. Isulat ang patalastas nang maayos.
Gumamit ng malalaking titik and huwag
mag-atubiling gumamit ng bold, underline,
italics at font size. Ngunit huwag naman
itong sosobrahan. Maging konsistent sa
iyong pamamaraan; kung gagawin naka-
bold ang isang pamagat, siguraduhing naka-
bold na rin ang susunod na mga pamagat na
may katulad na layunin.
11. Mga Tuntunin sa Paggawa ng
Patalastas:
5. Gumamit ng mga direktang pananalita.
Kung ang patalastas na iyong gagawin ay
naglalaman ng masamang balita, gawin
itong tuwiran. Dagdagan na lamang ito ng
mensahe na magpapaunawa sa kanila o
magbibigay sa kanila ng postibong pananaw
tungkol sa iyong patalastas sa paraang
nagbibigay-galang sa kanila.
12. Mga Tuntunin sa Paggawa ng
Patalastas:
6. Ipaskil ito sa lugar na madali itong
makikita. Pumili ng lugar na maaaring
pumukaw sa mata ng mga tao at pumukaw
ng kanilang atensyon. Subalit, kung
binabalak mo itong ipaskil sa mga lugar ng
negosyo gaya ng restaurant, barber shop, o
mga tindahan, humingi muna ng pahintulot
sa may-ari nito.