1. VIDEOCONFERENCIA DENDE BRASIL
CO PROFESOR ÁNGEL CARRACEDO
Por Antonio González López
A primeira videoconferencia que vimos na escola do Xestal deuse o venres, 4 de
novembro de 2011, na aula de Usos Múltiples III. Ao comezo houbo algúns fallos de
conexión, pero logo todo foi ben. A videoconferencia que o profesor Ángel Carracedo
deu dende Brasil e que puidemos ver grazas á Universidade de Santiago de Compostela
trataba dun tema algo remoto, como é a función da xenética na investigación forense.
Mostrounos a labor que realizan estes equipos de investigación no interior dos
laboratorios e cómo contribúen na resolución de crimes (roubos, secuestros,
asasinatos…). Grazas a un cabelo pódese averiguar a apariencia física desa persoa (cor
de ollos, da pel…), tamén se pode averiguar a partir doutros restos orgánicos que deixe
na escena do crime, como o sangue, ou incluso saliva, isto cada vez dificulta máis a
posibilidade de cometer o “crime perfecto”, e permite que a verdade saia á luz.
Logo da exposición, todos os colexios que participaban na videoconferencia a
través de Internet, fixeron alguna pregunta sobre o tema, pero o prefesor só respondeu a
algunhas.