3. N Novamente, a Casa da Cultura Salvador de Madariaga acolle unha exposición colectiva de
mulleres artistas en coincidencia e comuñón coa conmemoración do 8 de marzo, Día internacional
das mulleres. Se xa o pasado ano durante a exposición “Mulleres x Mulleres” asistíamos a un
exercicio de recuperación e visibilización de protagonismos femininos máis ou menos (re)coñecidos
e/ou anónimos, protagonismos retratados e reivindicados, á súa vez, por unhas outras mulleres
artistas de hoxe, nesta nova oportunidade, e desde o 3 de marzo de 2011, a obra colectiva que
leva por título “Sen ataduras” deberá servirnos para comprobar cómo unhas artistas nos representan
aquilo que as oprime e aquilo que as libera desas ataduras que, sen embargo, lles son propias.
Propias en cada unha delas. Propias en cada unha ou un de nós.
Sen as ataduras dos estereotipos, que se empeñan en ubicar o papel protagonista da muller como
obxecto retratable ou retratado.
Sen as ataduras da discriminación, aquela que minusvalora os seus/nosos esforzos en competencia
-insana- co mundo do masculino.
Sen as ataduras da conciencia, liberada aquí e agora, fonte de inspiración para todos os espazos
que quedan por liberar.
Sen as ataduras da propia arte, explorando os camiños encetados por cada unha delas para a súa
única e irrepetible expresión emocional.
Sen as ataduras do tempo, que marca universalmente o seu compás. Mulleres de hoxe por mulleres
do mañá. Mulleres dun futuro gañado a pulso. Protagonistas da Historia, piares inquebrantables
das actuais transformacións sociais.
Artistas.
Concello da Coruña
3
4. BERTA ARES SEN TÍTULO
Fio, raíz e malla
2011
Medidas variables
4