(Bases reguladoras da participación infantil cidadana na ca…)
1. Bases reguladoras da participación infantil cidadana
Cabalgata de Reis 2012
Concello de Sada
1. Obxecto
A Concellería de Cultura, Xuventude e Ocio convoca aos nenos e nenas de Sada co
obxectivo de regular a súa participación como “figurantes” na Cabalgata de Reis 2012,
o día 5 de xaneiro.
As normas de participación regularanse ao tenor do disposto nas seguintes bases.
2. Figurantes das carrozas (nenos/as)
2.1. Pódense inscribir tódolos nenos/as que en data do 1 de xaneiro de 2012 teñan
unha idade comprendida entre os 6 e os 12 anos e residan na cidade de Sada.
2.2. O período de inscrición comezará ás 10:00 do luns 26 de decembro e
rematará o venres 30 ás 18:30h.
2.3. As solicitudes formalizaranse cubrindo a ficha de inscrición que poderán
recoller e entregar na Oficina da Xuventude de luns a venres en horario de
10:00 a 15:00 e 16:30 a 18:30h. Asimismo, tamén se aceptarán inscricións vía
correo electrónico neste enderezo: tecnico.cultura@concellodesada.com (só se
aceptará a folla de inscrición escaneada e que conteña tódolos datos requeridos).
3. Selección
3.1. A selección realizarase por estricto orde de inscrición.
3.2. O día 2 de xaneiro publicarase a listaxe de seleccionados na Oficina da
Xuventude de Sada e no blog: omixsada.blogspot.com
3.3. As persoas inscritas non seleccionadas formarán parte dunha reserva para
baixas e serán avisadas para participar na cabalgata seguindo ese riguroso orde
de inscrición.
4. Participantes
4.1. Os participantes seleccionados deberán dispoñer dun disfraz relacionado co
Nadal así como un chuvasqueiro (en caso de choiva) e personarse no edificio da
Lonxa (porto pesqueiro) ás 17:30h do 5 de xaneiro, previa presentación da folla
de inscrición.
4.2. Deberán ir acompañados dun adulto, que se responsabilizará da súa recollida
cando finalice o percorrido ás 19:00h no Auditorio da Casa da Cultura “Pintor
Lloréns” de Sada.