Discurso del lehendakari - Presentación plan estratégico Fundación Labayru

1. Navarra, 2 – 01007 VITORIA-GASTEIZ
Tef. 945 017 972 – e-mail: prentsa@euskadi.eus
LEHENDAKARITZA
Komunikaziorako Zuzendaritza
PRESIDENCIA
Dirección de Comunicación
LABAYRU FUNDAZIOAREN PLAN ESTRATEGIKOAREN AURKEZPENA
PRESENTACIÓN PLAN ESTRATÉGICO FUNDACIÓN LABAYRU
2015-04-16 Hondarribia 16-04-2015
Lehendakariaren hitzaldia – Discurso del Lehendakari
Bilboko Elizbarrutiko saila, herri agintariok, herri ordezkariok, gizarte
ordezkariok, Labayruko arduradunok, irakasle, ikaskide, kideok, arratsalde on
guztioi eta eskerrik asko zuen gonbidapenagatik eta, batez ere, eskerrik asko
zuen urteetako lana eta konpromisoagatik.
Nik gaur azpimarratu nahiko nuke Labayru ikastegiaren misioak honela dio:
“Euskal hizkuntza eta kultura ikertu eta gizarteratzea”.
Egindako ibilbideak argi uzten du zuen ekarpena. Horregatik elkartu gara
hemen erakundeak, bezeroak, hedabideak eta zuen laguntzaile eta lagun
sarea. Egindakoa aintzat hartzea egokia da, ezinbestekoa. Orain arte eraikitako
ondarearen balorea altua da, garrantzitsua gure Herriarentzako.
Baina gaur azpimarratu nahi dudana da zuen begirada etorkizunera.
Labayruren Plan Estrategikoa ezagutzeko aukera izan dut. Anbizio handiko
asmo eta erronkak jarri dizkiozue zuen buruei; helburu estrategiko zehatzak
dauzkazue; lehentasunak ezarri dituzue eta gizartearekin harremanak
estutzeko nahia ere azaltzen duzue.
“Gazte garaikide” baten Plana idatzi duzuela esango nuke: ausarta, modernoa
eta aurrerakoia. Horrela ikusten dut gaur Labayru: gaztea, sendoa, ondo
prestatua, eskarmentua duena, garaikidea eta etorkizunaren erronkei aurrez
aurre begiratzen diona. Bat nator zuen gazte izpiritu honekin eta hori da euskal
hizkuntza eta kultura ikertzen eta gizartaratzen jarraitzeko behar duguna.

2. Navarra, 2 – 01007 VITORIA-GASTEIZ
Tef. 945 017 972 – e-mail: prentsa@ej-gv.es 2
Datu bakar bat emango dut: orain duela 35 urte hamar gaztetik bi bakarrik ziren
elebidunak. Egun, hamarretik ia zortzi dira. Badago aldea. Aurrera egin dugu
eta bilakaera positibo hau, zuei esker ere bada eta izanda da eta izango da
oraindik ere bilakaera eta garapena.
Bilakaera positibo horrek zuen baloreak goraipatzen ditu: Zehaztasuna lanean,
Konfiantza, Kalitatea eta Hurrekotasuna.
Zuen proposamenarekin bat nator: Jarraitu dezagun bada hizkuntza eta
kulturaren bidea egiten. Zelan? Elkarrekin egitasmoak bideratzen, hitzarmena
eta elkarlanaren bidez.
Zorionak Labayru Fundazioa eta urte askotarako!