2. O vento abriu os seus brazos
cara ós peixes pequechiños.
Peixes e ondas fixeron
unha roda de aloumiños.
García Teijeiro
Teño un barco de xoguete e
nel me quero embarcar.
Polos mares dos meus soños
¡quen me dera navegar!
García Teijeiro
3. DEIXÁDEME LIBRE,
QUE QUERO IR Ó MAR;
CAMIÑO DE IDA,
NON VOU REGRESAR.
AS ONDAS ME LEVEN
ONDE HAXA UN CANTAR.
DO BARCO DOS SOÑOS,
SEREI CAPITÁN.
Ana Mª Fernández
O peixiño
nada nada
polo río
ou polo mar.
Carapuchiña de escamas
e unha coliña
a remar
Ana Mª Fernández
4. Eu quero ser mariñeiro,
cos peixes xogar e cantar,
vivir buscando sereas
agochadas nos corais.
Julia González
Eu quero ser mariñeiro,
no meu barco navegar,
ir deixando no camiño
ronseles de escuma
que cortan o mar.
Julia González
5. Eu quero ser mariñeiro,
á lúa segredos contar,
pintar de azul os meus soños,
de azul e verde
como o mar.
Julia González
Eu quero ser mariñeiro,
lixeiro nas ondas brincar,
chegar ata o horizonte
co meu perfume de sal.
Julia González
6. De noite, a praia
fica baleira
só quedan pegadas
na area mollada
e a lúa que soña
co arrolo das ondas.
X. Neira e A. Ferrer
Paseos, carreiras,
castelos na area
e xogos na auga.
Na area mollada
quedan as pisadas
e a brisa na cara.
X. Neira e A. Ferrer
7. Ti nunca víche-lo mar
cos seus berros bruadores,
coas súas barcas de prata,
cos barcos e os pescadores.
Manuel María
-¿Ti nunca víche-lo mar
a tecer e a destecer
ondas azuis que van
á praia mansa morrer?
Manuel María
-¿Ti nunca viche-lo mar?
¿E sabes que non repousa?
-¡Se nunca víche-lo mar
non viches ningunha cousa!
Manuel María
8. Mar de illas de coral
praias, portos e gaivotas.
Ronseis de escuma moi
branca que se perden nas
súas ondas.
X. Neira e A. Ferrer
Mar de dornas e veleiros,
mar de barcazas e de soños
sucando a rosa dos ventos,
pintando viaxes nos ollos.
X. Neira e A. Ferrer
Mar de peixes de colores,
golfiños e tiburóns,
a agochar aló no fondo
tesouros e galeóns.
X. Neira e A. Ferrer